Thuarascáil Bhliantúil 2008

oop thuarascáil
bhliantúil
08
tagairt do ról an samhlaíochta in ealín agus ina lucht féachana. Bhí pictiúir, grianghraif agus líníochtaí ó 1950í go dtí an lá
atá inniu san áireamh sa taispeántas. Bhí aiste aireachtálach leis an léachtóir ealaíne agus scríbhneoir Niamh Ann Kelly san
áireamh i gcatalóg an taispeántais freisin. Lainseáil an tAire Mansergh an taispeántas in Ionad Ealaíon Millenium Court
i bPort an Dúnáin i mí Lúnasa. Ansin, bogadh an taispeántas go hOspidéal na hOllscoile i nGaillimh i mí Mheán Fómhair,
go dtí an Grand Opera House i mBéal Feirste agus go Coláiste Gairmoiliúna Loch Garman don Fhéile Ceoldrámaíochta
i mí Dheireadh Fómhair, agus críochnaíodh turas an taispeántais in aitriam phríomh oifig an OOP i mí na Nollag.
Cuimsíonn an Bailiúchán Ealaíne Stáit a bhainistíonn an OOP níos mó ná 10,500 saothar ealaíne anois agus cuireadh tús le
mórthionscadal fardail in 2008. Tá i gceist leis an tionscadal seo fardal lárnach de shaothair ealaíne agus nithe maisiúla sna
maoine oidhreachta a chruthú. Reáchtáladh clár intéirneachta sé mhí agus rinne seisear céimithe mínealaíon agus riarachán
ealaíne saothair ealaíne i bhfoirgnimh phoiblí ar fud na tíre a chatalógú.
Ceannaíodh pictiúr de thírdhreach Bhaile Átha Cliath le Brian Bourke don oifig OECD sa Bhruiséil i rith na bliana, agus
fuarthas roinnt saothar a mbaineann tábhacht stairiúil leo, cosúil le portráid den Chuntaois Markievicz agus den Tiarna
Edward Fitzgerald, le haghaidh Áras an Uachtaráin agus Theach Laighean. D’oidhrigh Rita Rutherford, Uasal, nach maireann,
bronntanas tábhachtach de shé phictiúr Éireannacha, dhá phrionta sheanda agus píosa troscáin ar an OOP le bheith curtha
ar taispeáint i Farmleigh.
Fuair an Dr. Patrick J. Murphy, Comhairleoir Ealaíne, cuireadh chun páirt a ghlacadh i siompóisiam ar ealaín Éireannach i
Leabharlann an Bhanphrionsa Grace i Monacó i mí Mheán Fómhair, eagraithe ag Coimeádaí na hEalaíne Éireannaí i nGailearaí
Náisiúnta na hÉireann. Lean baill ghrúpa Bainistíochta Ealaíne an OOP ar aghaidh ag glacadh páirte sa Ghrúpa Idir-Rannach
um Chomhordú Ealaíne Poiblí, a raibh an Roinn Ealaíon, Spóirt agus Turasóireachta ina cathaoirleach air, chun athbhreithniú
a dhéanamh ar bheartas náisiúnta i ndáil le healaín phoiblí.
An Rannóg Caidrimh Phoiblí
In 2008, dhéileáil an Rannóg Caidrimh Phoiblí le thart ar 1,290 fiosrú ón bpobal agus ó na meáin chumarsáide i ndáil le
gníomhaíochtaí an OOP. Leanadh ar aghaidh ag táirgeadh fhoilseacháin an OOP, cosúil leis an Tuarascáil Bhliantúil, agus
an t-irisleabhar inmheánach débhliantúil “Obair” agus den chéad uair riamh in 2008 foilsíodh Tuarascáil Bhliantúil an OOP
i bhformáid DVD.
Leanadh le hobair ar athdhearadh láithreáin ghréasáin uile an OOP ar feadh 2008. Cuireadh www.opw.ie nua ar fáil i mí na
Nollag agus cuireadh na láithreáin ghréasáin eile www.kilkennycastle.ie agus www.irisoifigiuil.ie ar fáil i rith na bliana freisin.
Beartaítear láithreáin ghréasáin nua do Gharraithe na Lus, Farmleigh agus inlín nua d’fhoireann an OOP a chríochnú in 2009.
In 2008, lean an Rannóg Caidrimh Phoiblí orthu ag cur seirbhísí tacaíochta ar fáil do na hócáidí uile ar fud na tíre a bhain leis
an OOP. Bhí gá le hionchur mór caidrimh phoiblí le haghaidh athoscailt Áras Ceoldrámaíochta Loch Garman; táirgeadh bileoga
eolais don phreas, reáchtáladh lá do na meáin chumarsáide roimh oscailt oifigiúil an Árais Cheoldrámaíochta ag an Taoiseach,
Brian Cowen TD agus rinneadh craoladh beo seachtrach den Late Late Show ina diaidh.
Cuireadh Grianstad an Gheimhridh ag Sí an Bhrú ar fáil beo timpeall an domhain ar láithreán gréasáin Oidhreacht Éireann
arís in 2008. Is féidir amharc ar fhíseán cartlainne den ócáid sin ar www.heritageireland.ie fós. Táirgeadh DVD ar a bhfuil
faisnéis stairiúil agus físeán den ghrianstad agus is féidir é a cheannach ó Oifig Díolta Foilseachán an Rialtais ar Shráid
Theach Laighean.
89