Create successful ePaper yourself
Turn your PDF publications into a flip-book with our unique Google optimized e-Paper software.
An Clár Díláraithe – Foirgnimh Nua-Thógtha<br />
Rinneadh dul chun cinn sásúil in <strong>2008</strong> i ndáil le tionscadail ina raibh tógáil foirgneamh nua ar an rogha tosaíochta chun<br />
cóiríocht a chur ar fáil do Ranna agus d’Oifigí faoi Chlár Díláraithe an Rialtais.<br />
Tugadh obair thógála chun críche i mBaile Átha Luain áit ar cuireadh cóiríocht nua ar fáil don Roinn Oideachais agus<br />
Eolaíochta, i gCill Airne, áit ar cuireadh foirgneamh Ceanncheathrún nua ar fáil don Roinn Ealaíon, Spóirt agus Turasóireachta,<br />
sa Chaisleán Nua Thiar, áit a bhfuil baill foirne de chuid na gCoimisinéirí Ioncaim lonnaithe anois, agus sna Forbacha agus i<br />
mBaile Thiobraid Árann, áit a bhfuil oifigí nua don Roinn Gnóthaí Pobail, Tuaithe agus Gaeltachta agus don Údarás Slándála<br />
Príobháidí faoi seach ar fáil anois.<br />
Tugadh an conradh do thógáil Sceall agus Croíleacán Cheanncheathrú nua an OOP i mBaile Átha Troim chun críche freisin.<br />
Cuireadh tús leis an gconradh d’fheistiú an fhoirgnimh i mí na Nollag <strong>2008</strong> agus críochnófar i lár 2009 é.<br />
Ag deireadh <strong>2008</strong>, bhí obair thógála beagnach críochnaithe ar an gCeanncheathrú nua don Roinn Comhshaoil, Oidhreachta<br />
agus Rialtais Áitiúil i Loch Garman agus ar chóiríocht don Roinn Talmhaíochta, Iascaigh agus Bia agus do BIM i gCloich na<br />
Coillte. Bhí dul chun cinn maith déanta ar obair ar an láithreán chun oifigí a chur ar fáil don Roinn Gnóthaí Sóisialacha agus<br />
Teaghlaigh i mBun Cranncha agus chun Ceanncheathrú nua a chur ar fáil don Roinn Cosanta i nDroichead Nua.<br />
Fuarthas cead pleanála agus bhí forbairt cáipéisí conartha mionsonracha beagnach críochnaithe ag deireadh na bliana<br />
i gcás tionscadal mór CPP a bhfuil i gceist leis Ceanncheathrú nua a thógáil don Roinn Talmhaíochta, Iascaigh agus Bia i<br />
bPort Laoise, Ceanncheathrú nua a thógáil don Roinn Oideachais agus Eolaíochta sa Mhuileann gCearr agus oifigí a chur<br />
ar fáil don Roinn Fiontar, Trádála agus Fostaíochta i gCeatharlach.<br />
Rinneadh dul chun cinn suntasach i ndáil le roinnt suíomhanna eile lena n-áirítear Baile Ros Comáin (an tÚdarás Clárúcháin<br />
Maoine), inar roghnaíodh tairgeoir tosaíochta agus ina bhfuarthas cead pleanála, Baile Thiobraid Árann (an Roinn Dlí agus<br />
Cirt, Comhionannais agus Athchóirithe Dlí), inar tugadh cáipéisí chun críche agus ina bhfuil siad réidh glacadh le tairiscintí<br />
anois, Clár Chlainne Mhuiris (OOP) agus an Currach (Ceanncheathrú na bhFórsaí Cosanta) ina raibh cáipéisí tairisceana<br />
beagnach críochnaithe agus Baile Chathail (Ceanncheathrú na Roinne Gnóthaí Pobail, Tuaithe agus Gaeltachta) inar iarradh<br />
Léirithe Spéise ó chonraitheoirí ar mhian leo a bheith cuimsithe ar liosta tairisceana go luath in 2009.<br />
Rinneadh dul chun cinn freisin maidir le pleanáil do Cheanncheathrú nua na Roinne Gnóthaí Sóisialacha agus Teaghlaigh<br />
i nDroichead Átha a chur chun cinn.<br />
52