Create successful ePaper yourself
Turn your PDF publications into a flip-book with our unique Google optimized e-Paper software.
Maoine Stairiúla<br />
Tá rannóg na Maoine Stairiúla freagrach as caomhnú, bainistiú, cur i láthair agus forbairt 20 Maoin Stairiúil lena n-áirítear<br />
Tithe, Páirceanna Stairiúla, Garraithe agus Crannlanna. Áirítear orthu sin maoine suaitheanta cosúil le Páirc an Fhionnuisce,<br />
Garraithe Náisiúnta na Lus, láithreán Chath na Bóinne, Cúirt Ioma, Co. Laoise agus Oileán na gCuileann (Garinis), Co. Chorcaí.<br />
Cuimsíonn obair forbartha athchóiriú foirgneamh stairiúil, soláthar áiseanna feabhsaithe do chuairteoirí, uasghrádú agus<br />
athchóiriú Páirceanna Stairiúla, Garraithe agus Crannlann agus míniú na maoine oidhreachta sin agus iad a chur i láthair<br />
don phobal.<br />
Chomh maith leis an gcaiteachas reatha a tabhaíodh i ndáil le soláthar foirne agus cothabháil na maoine sin, chuir an Roinn<br />
Comhshaoil, Oidhreachta agus Rialtais Áitiúil maoiniú caipitil ar fáil. Maoiníodh clár leathan d’oibreacha cothabhála,<br />
feabhsaithe, caomhantais agus sláinte agus sábháilteachta ar scála beag ó Vóta an OOP in <strong>2008</strong>.<br />
Cath na Bóinne, 1690 – <strong>2008</strong><br />
D’oscail an Taoiseach, Bertie Ahern, TD agus Príomh-Aire Thuaisceart Éireann, an Dr Ian Paisley, MP MLA, na saoráidí nua<br />
do chuairteoirí ag láithreán stairiúil Chath na Bóinne ag an Seandroichead, Co. na Mí ar an 6ú Bealtaine. Bhí an ócáid anspeisialta<br />
mar níos déanaí ar an lá sin chuir an Taoiseach in iúl don Uachtarán ag Áras an Uachtaráin go raibh sé chun éirí<br />
as oifig i ndiaidh beagnach 11 bhliain sa phost. D’fhógair an Príomh-Aire Paisley roimhe sin go raibh sé chun éirí as a phost.<br />
D’fhreastail líon mór Airí, daoine mór le rá agus aíonna ón Tuaisceart agus ón Deisceart a fuair cuirí ar an ócáid. Ina óráid, a<br />
craoladh beo ar RTÉ, luaigh an Taoiseach siombalachas na cuairte a thug an Dr. Paisley ar an 11ú Bealtaine anuraidh, a chéad<br />
chuairt ar an Deisceart i gcáil oifigiúil. Mhol an Taoiseach ról an OOP, agus dúirt sé go léireodh an láithreán an urraim a<br />
thugtar do na traidisiúin uile in Éirinn agus go bhfeidhmeodh sé mar shiombail den Phróiseas Síochána. Labhair an Príomh-<br />
Aire faoi chomhthéacs stairiúil Chath na Bóinne agus dúirt sé go raibh sé ag tnúth go mór le todhchaí dearfach don Oileán<br />
uile.<br />
Mar chuid den ócáid, bhí searmanas siombalach inar gearradh ribín, ceol ceolfhoirneach agus glóir-réim ildaite de ‘stair bheo’.<br />
Níos déanaí, rinne an Banbharún Eileen Paisley óráid neamhfhoirmiúil agus cuireadh fáilte mhór roimpi.<br />
Rinneadh Teach an tSeandroichid, a tógadh san 18ú haois, a oiriúnú chun Ionad Cuairteoirí a chur ar fáil don láthair chatha<br />
ina bhfuil taispeántais de shamhailtí, léarscáileanna agus grafaicí, taispeántas d’airtléire ón 17ú haois agus trealamh lena<br />
mbaineann, déantáin bhunaidh agus seó closamhairc. Gné amháin den taispeántas is fiú béim a leagan air ná teilgean léasair<br />
nuálach a léiríonn na hinlíochtaí míleata casta i 1690, agus a fuair inspioráid ó láithreoireacht ag Páirc Náisiúnta Grand Teton<br />
i Wyoming i SAM. Athchóiríodh na stáblaí taobh leis an teach chun spás a chur ar fáil do thaispeántais bhreise, amharclann,<br />
pailliún nua seomra tae agus leithris. Tugadh an chéad chéim d’athchóiriú na ngairdíní chun críche agus cuireadh páirceáil<br />
carranna/busanna ar fáil.<br />
Creidtear go dtabharfaidh níos mó ná 100,000 duine cuairt ar an láithreán, de réir mar a aithneofar Cath na Bóinne mar<br />
ní is díol spéise turasóireachta, oidhreachta agus taitneamhachta agus mar shiombail íocónach den Phróiseas Síochána.<br />
78
Change language