Create successful ePaper yourself
Turn your PDF publications into a flip-book with our unique Google optimized e-Paper software.
Pearsanra<br />
Cuireann Rannóg Pearsanra Oifig na nOibreacha Poiblí (ina bhfuil dhá aonad, is iad sin Pearsanra Bunaithe agus Pearsanra<br />
Tionsclaíoch) seirbhís tacaíochta ar fáil d’eagraíocht mhór iltaobhach suite in a lán áiteanna éagsúla le lucht oibre sa bhreis<br />
ar 2,000 (atá cothrom le beagnach 2,500 le linn mhíonna an tsamhraidh) i ngráid riaracháin, ghairmiúla, theicniúla agus<br />
thionsclaíocha.<br />
Mar gheall ar na cineálacha éagsúla oibre a dhéanann an OOP tá meascán leathan d’inniúlachtaí agus de scileanna ag na<br />
baill foirne. Rannchuidíonn an fhoireann ilghnéitheach, éirimiúil le gnó an OOP i réimsí cosúil le soláthar, cothabháil maoine,<br />
bainistíocht maoine agus tionscadal, dearadh ailtireachta, seirbhísí innealtóireachta, caomhantas agus cur i láthair<br />
oidhreachta agus bainistíocht faoiseamh tuilte.<br />
In <strong>2008</strong>, chuir an Rannóg Pearsanra raon seirbhísí ar fáil do bhainistíocht agus d’fhoireann an OOP araon (e.g. earcaíocht,<br />
ardú céime, pá agus pinsin, roghanna maidir le cothromaíocht oibre-saoil agus roghanna saoire éagsúla), sháraigh sí na<br />
dúshláin eagraíochtúla inmheánacha a d’eascair as an tionscadal díláraithe agus dhéileáil sí le castacht mhéadaitheach<br />
an dlí fostaíochta agus le saincheisteanna a bhain le baill foirne indibhidiúla.<br />
Faoi Chlár Díláraithe an Rialtais, d’aistrigh 18 ball foirne go dtí an OOP agus d’aistrigh 3 ball foirne ón OOP in <strong>2008</strong>.<br />
Rinneadh cumarsáid leanúnach faoi shonraí an díláraithe leis an bhfoireann agus le ceardchumainn trí mheán na bhfóram<br />
ionadaíoch foirmiúil, is iad sin an Fóram Comhpháirtíochta agus an Chomhairle Rannach, agus le ceardchumainn agus baill<br />
foirne indibhidiúla.<br />
Foireann Údaraithe an OOP amhail an 31 Nollaig, <strong>2008</strong><br />
Neamhthionsclaíoch 741<br />
Tionsclaíoch 1,467<br />
Iomlán 2,208<br />
An tSeirbhís Cúnaimh d’Fhostaithe<br />
San OOP, cuireann an tSeirbhís Cúnaimh d’Fhostaithe tacaíocht foirne chuimsitheach inmheánach ar fáil. Tá an tSeirbhís<br />
deartha chun feabhas a chur ar shláinte agus ar dhea bhraistint daoine. Is acmhainn í atá ar fáil ar fud na tíre do gach ball<br />
foirne reatha agus ar scor agus do na bainisteoirí uile atá imníoch faoi dhea bhraistint a gcuid foirne.<br />
Tá an tSeirbhís cleamhnaithe le Seirbhís Cúnaimh d’Fhostaithe na Státseirbhíse uile. Comhordaíonn an Roinn Airgeadais<br />
an tseirbhís sin go lárnach d’fhonn cur le dea bhraistint shíceolaíoch agus fhisiceach na foirne agus chun dul i bhfeidhm<br />
go dearfach ar chumarsáid, ar chaidrimh oibre, ar tháirgiúlacht agus ar fheidhmiú sláintiúil tríd is tríd an ionaid oibre.<br />
Agus é ag cur na Seirbhíse Cúnaimh d’Fhostaithe ar fáil, aithníonn an OOP an obair thábhachtach a dhéanann a gcuid<br />
fostaithe indibhidiúla agus na tairbhí a bhaineann le hinfheistiú i seirbhísí a thugann tacaíocht do bhaill foirne, go háirithe<br />
baill foirne le deacrachtaí. Tá an tSeirbhís ina comhchuid thábhachtach d’éiteas an OOP maidir le folláine fostaithe agus<br />
éifeachtúlacht eagraíochtúil a chur chun cinn.<br />
84