Le Nostre Parole 07 [Luserna] (2)

Z schavarle un dar bolf
A stördjele
z izta gest in an stroach a schavarle
bo da hatt geetzt öm un khitzan nåmp
in balt. dar hatt nia gebizzt baz zo
tüana un iz khent lòune obròmm z
izta nia nicht vürkhent. dar iz gånt
au attnan ekk un hatt gehoket:
“helftmar helftmar! z izta dar bolf!
loaft, loaft helftmar, dar vrèztmar
alle di öm”. di baké bo da håm
gearbatet auz pa èkhar un di
manèkkar bo da håm gehakht z holtz
in pa balt håm gehöart di schröa von
arm schavarle. sa håm lai semgelazzt
allz un soin zuargeloft zo helvanen
un zo töata in arm bolf. alle soin
zuargeloft pitt gabln un haung.
z schevarle hatt gelacht. in tà darnå
in gelaichege trètz, un asó vürznen.
a schaülan tage dar arm bolf iz
bol gerift. z schavarle hatten gesekk
offe pinn groaz maul. “heftmar,
helftmar! z izta dar bolf, dar vriztmar
alle di öm!”. di laüt håmen gehöart
hokn ma sa soin vürgånt pitt soinar
arbat. niamat izzeze gimövart.
alle håm gegloabet ke z schevarle
trètze bidar. dar arm bolf iz gisprunk
attortimitt in öm un hatt gevrèzt di
lempla, di öm un di khitzla.
58