Create successful ePaper yourself
Turn your PDF publications into a flip-book with our unique Google optimized e-Paper software.
CHÉL CHE M’É RESTÀ…<br />
Dei me ani verdi, m’é restà<br />
‘n pult plén de colori e de penèi<br />
cadri scomenzàdi, mai ruadi,<br />
n’armar de libri e indirizi smarìdi<br />
na chitara scordada<br />
taciada sul mur,<br />
relichia<br />
de la me tormentada zoventù.<br />
Acòrdi perdudi<br />
‘n ziro per el mondo,<br />
note de na cianzon d’amor,<br />
lagrime e sogni, crodadi<br />
‘n té chél bus tondo.<br />
M’é restà<br />
‘n ciassetin plén dé letere;<br />
letere curade, ben plegiàde,<br />
letere mprofumade,<br />
o dal planzer ‘nmaclade,<br />
letere ‘ncoloride,<br />
sbregiade, sgrifade…<br />
come la me man<br />
che porta ancor<br />
segni de onglàde<br />
da ‘n pèz perdonade.<br />
M’é restà grapoi dé ricordi<br />
che tègni al sol de la memoria<br />
come colmi a madurar,<br />
come uva a ‘mpassir sui bastoni.<br />
Nirà l’invern e i sgranerai<br />
un à un<br />
s-cianterlando na cianzon<br />
che sa de strani<br />
vöia de careze, vöia de poesia,<br />
che ancor m’é restà…<br />
36
Change language