ombrie_e_soluster

LA PANDA E LA FERARI
(I spinazi che se pèta su ntén vaion, i pöl nir comodi)
L’é sta na roba da segnar sul cialendari,
da no creder, ma al lotto, évi venzù na Ferari!
Bèla, rossa, col motor che sfrigolava
‘mpareva musica, ‘n coro che ciantava.
Ades, me son dita, che farmen dela Panda?
ma a chéla, subit ai pensà de darge l’onda.
E senza ‘n migol de cör, de strani o pentiment
l’ai data via, ma l’averös merità ‘n monument!
Ma ‘ntant che ‘l cör d’orgoglio ‘l gongolava
sentivi che la Panda plan planin la sanglotiva.
“Ti no g’as pù memoria, né ‘n pöc de comprension,
no g’as scrupol migia a mandarme ‘n pension!
T’ai portada ‘n ziro su tute le stradèle.
ai fat da scöla guida a putèi e putèle.
Me n’as fat veder de tuti i colori
e mai ’n bòt che m’avesti portà i fiori!
Sbugnada, sforzada, sbusada, sgorzada,
ma no t’ai mai lagiada ‘n mez a la strada!
Per mi no g’era erti asà, nancia ‘n montagna,
e dént e föra per sti senteri de ciampagna,
en mez ai sassi, a l’erba aota, ai rovi,
me féves rampegiar enfin sui tóvi!”
Ma mi ‘ndiferente la lagiavi sanglotir,
pensavi a la Ferari, bèla da morir.
Po’ von a far de corsa ‘l pieno de benzina,
ma ‘l cont el me dis che cogni far musina.
Però che bèl!
I é tuti premura, i la varda, i l’amira
i gé palpa le gome, i gé fa le caréze,
de sora, dé sota, de dént e de föra.
Cola prima acelerada son arivada a Flaon,
a la seconda, sgoli su Teres e arivi al “Napolion”.
46