Theologiæ Gentilis Origines Philosophicæ

ijs fuisse mutuatos: illos etiam simulachra et Delubra Dijs primos statuisse. Idem
Lucianus in &c < insertion from f 2v > Idem Lucianus in Dialogis ex inspectione
Templorum in Syria ac traditione sacerdotum confirmat. Scribo, inquit,Assyrius ipse
existens & eorum quæ narro alia quidem ipse coram vidi, alia vero a sacerdotibus
edoctus sum. Primi igitur hominum quos nos scimus Ægyptij, dicuntur et deorum
notitiam percepisse et templa constituisse lucosque et conventus solennes edidisse. Primi
autem et nomina sacra intellexerunt & sermones sacros docuerunt. Deinde verò non
multo tempore post ab Ægyptijs Assyrij doctrinam de dijs acceperunt et sacra
templaqueerexerunt in quibus et simulacra posuerunt et statuos dedicarunt. Antiquitus
autem etiam apud Ægyptios absque simulacris et statuis templas erant. Et sunt in Syria
quoque templa non multo Ægyptijs ætate posteriora, quorum ego plurima ipse vidi. Hæc
Lucianus in Dea Syria.Cultus igitur astrotum simulacris antiquior fuit. Quod autem
Assyrios ab Ægyptijs edoctos fuisse scribit, id confirmat etiam Diodorus. lib. 1. In
Babylonem, inquit, Bellus, Neptuni et Libyæ ut creditur filius, coloniam duxit & detecta
apud Euphratem sede Flamines pro more Ægyptiorum impensis et oneribus publicis
exemptos instituit, quos Chaldæos Babylonij nominant. Hi stellas, sacerdotum in Ægypto
Physicorumque et Astrologorum exemplo, observant. Originem verò et progressum
Philosophiæ sacræ Lucianus περὶ Ἀστρολογίας sic plenius describit. Primum Æthiopes,
inquit, motus et proprietates stellarum errantium invenerunt et Astrologiam mortalibus
tradiderunt et mox Ægyptijs finitimis artem imperfectam tradiderunt qui eandem in majus
provexerunt — Calluerunt autem hæc omnia et Babylonij, atque hi quidem affirmant se
primos omnium fuisse. Verum ut ego existimo multo posterius ad hos scientisa pervenit.
At verὸ Græci nec ab Æthiopibus nec Ægyptijs de Astrologia quicqam audierunt: verum
illis Orpheus Oneagri et Calliopes fillius primus ista monstravit. Hæc Lucianus. Verum
Orpheum scientiam siderum in Ægypto didicisse et translata secum Ægyptiorum mysteria
cum græcis hominibus communicasse Diodorus 1. c et Eusebius in Præp. Evang. 1. 1 c. 6
abunde satis docent. Herodotus quoque in Euterpe, Plato in Epinomide, Aristoteles
lib. 2. de cælo c. 12, Macrobius l. 1. c. 19 & alij Astronomiam ab Ægyptijs ad Græcos
manasse tradunt. Æthiopes verò quos Lucianus motum propietates stellarum primos
invenisse docet &mox Ægyptijs finitimis tradidisse, erant incolæ Ægypti superioris quæ
Thebais dicitur. Nam Thebaida in historijs antiquis Æthiopiam dictam fuisse Marshamus
(in Canone Chronico ex Eustalthio, Homero, Philostrato & alijs authoribus probat. Sed et
in Æthiopia illa quæ Thebaidi ad austrum conternina est , quæque as Phylas incipiens et
ad utramque Nili ripam jacetis in longum porrigitur pro more Ægypti et æquis similiter
irriga est et cujus urbs principalis et regia in insula meroe sita a Thebis non longe distat,
Philosophia sacra ab initio floruisse videtur. Nam Æthiopes illi circumcidebantur perinde
ac Ægyptij et similibus utebantur legibus tam sacris quam politicis uti Diodorus notat, et
ni fallor ab Ægyptijs oriundi erant, Osiride coloniam illic deducente quo tempore in
Æthiopiam profectus esse memoratur. Scribit Diodorus linguam vulgarem horum
Æthiopum eandem fuisse cum lingua sacra Ægyptiorum et inde concludit Ægyptios sacra
sua ab his Æthiopibus edoctos fuisse At suspicor linguam illam sacram sub initio tam
Ægyptijs quam Æthiopibus vulgarem fuisse, in Ægypto autem per incursiones
Babyloniorum, Persarum et Græcorum ante tempora Diodori exolevisse, nisi quatenus in
libris sacris et historicis conservabatur; perinde ut in linguis doctorum tam orienta libus
quàm Græca et Latina jam factum videmus. < text from f 3r resumes >