Theologiæ Gentilis Origines Philosophicæ

insertion from f 65v > Et hinc spolia bellica Iovi fferretrio dicata fuere, et apud
Pausaniam et Plutarchum in vita Pijrrhi ἄρεος Ζεὺς Iupiter Martialis memóratur: et apud
Cyrillum (lib. 3 cont. Iul. 1 pater Nini vocatur Arbelus id est Mars Belus. Nam Ari
Martem ubi modo diximus signifi cat: ut cum Ar Moabitarum a Græcis vocatur
Αρειοπολις id esturbs Martis, quinetiam Heraclem Indicam ( cognominatum fuisse
Belum Cicero probat, l. 3 de Natura Deor. < text from f 66r resumes > Id quod etiam
manifestum est ex sacrificijs humanis quibus per inde placabatur atque Molech. Porro
Baal et Molech eundem esse Deum constat ex vocum significatione consimili cum hæc
Regem illa Dominum sonet. Constat etiam ex Dei hujus nomine Malachbelo ex utroque
composito atque etiam ex vocum usu promiscuo. Ædificaverunt excelsa Baali quæ sunt
in valle Hinnoni, ad traducendum filios & filias suas Molecho Ier. 32. 25. id est ad
comburendum filios suos igne holocausta Baali Ier. 19. 5. Constat denique ex fulmine
quo Iupiter Belus armatur. Nam fulmina quæ Cylopes fabricant sunt amra bellica et
Iupiter cui ista fabricabant non est Hammon sed Belus ille qui primus cúm gladio
belligeravit
Cùm enim Iehovah quem Græci Ιαὼ, Latini Iao-pater seu Iupiter dixere, nomen esset Dei
æterni et supremi; gentes autem in superstitiones semper propensæ, ex mortuis hominibus
Genios vivos, ex Genijs Divos potentes ac Deos cælestes, ex his Deos semper cælestes et
ex horum maximo animam mundi totius ac tandem Numen immensum et omnipotens
gradatim confingerent: factum est ut gens unaquæque Deum illumquem maxime coluerat
pro Deo cælorum ac universi totius haberet ac Iovem propterea nominaret; dein Iovis
hujus patrem quiscunque is fuerit, Saturnum nominando et filiorum fortissimum
Herculem; Saturnos, Ioves, et Hercules complures effux ere. Sic enim Xenophon in
Æquivocis: Saturni", ait, dicuntur familiarum nobilium regum qui urbes condiderunt
serenissimi. Primogeniti eorum qui urbes condiderunt serenissimi. Primogeniti eorum
Ioves et Iunones. Hercules verò nepotes eorum fortissimi. Patres Saturnorum Cæli,
uxores Rheæ et Cælorum Vestæ.Quot ergo Saturni tot Cæli, Vestæ, Rheæ, Iunones,
Hercules. Idem quoque qui unis populis est Hercules, alteris est Iupiter. Nam Ninus qui
Chaldæis extitit Hercules, fuit Assyrijs Iupiter ninus igitur populis orientalibus, qua patuit
antiquum Assyriorum in prium & nomien est Iupiter Belus et Chaldæis sapientibus
Hercules; et Nini pater Belus quem Herculem esse pro bav b imus, est assyrijs Saturnus et
Chaldæis Iupiter, ac proinde is Hercules est, non Assyrius,non Chaldaicus, sed his
antiquior, et propterea Ægyptius. Vnde qui Ægyptijs est Iupiter, hoc est Chamus, erit
Chaldæis Saturnus et Assyrijs Cælus; et Noachus qui Ægyptijs Saturnus est erit Chaldæis
Cælus et Assyrijs hypsuranius. Nam Hypsuranium Cæli patrem assyrij dicunt. Chaldæi
igitur Iovem Ægyptio Iove juniorem colentes,incipiunt generationem Deorum a Saturni
patre quem Cælum dicunt, et Assyrij Iovem adhuc juniorem colentes, genealogiam
Deorum deducunt a Cæli patre quem Hypsuranium vocant: et sic omnes incipiunt a
Noacho; nam Hypsuranip antiquiorem nemo statuit. Hic accinit
[110] Eupolemus dum
ait: Babylonios dicere solitos, primum extitisse Belum qui Saturnus vulgo nominetur;
ex illo autem natos esse Belum [ Babylonium vulgo dictum] & Chanaanem. Illum
verò [sc. Belum.] primum genuisse Chanaanem qui pater fuit Phænicum.Ejusdem etiam
[Beli] filium esse Chum" [lege Chus] Æthiopum patrem et fratrem Mestraini patris
Ægyptiorum. Belum Babylonij hic pro Iove quocunque accipiunt et Belum seu Iovem
primum dicunt esse Beli Babylonici et Canaanis patrem hoc est Iovem Hammonem quem