JOHANNES KEPLER G ESAMMEL TE WERKE

)(zr D. RVDOLPHO II.
ROMANORVM IMPERATORI SEMPER AVGVSTO.
P.F.P.P.
HVNGARIAE, BOHEMIAE, &c. REGI, ARCHIDVCI AVSTRIAE, &c.
Cum haec aetas nostra, CAESARAVGVSTISSIME, protulerit eximium
illum Astronomum TYCHONEMBRAHE,qui exquisitissimis obseruationibus,
et subtilitate incredibili, cum ipsa rerum natura certauit, habeatque
Germania, praeter antiqua illa Mathematicae facultatis lumina, PEVR-
BACHIVM,REGIOMONTANVM, APIANVM,et quos longo ordine recensere
lO potest Viennensis Academia, nunc etiam nouum hoc exemplum, idque
sublime et admirandum, diligentiae etperfectionis : aequum esse arbitror,
)( 2 V cum vt vniuersi artis huius Professores praestantissimi artificis vesti Igia
strenue sequantur, adque eius exemplum sese componant: tum maxime
vt Germani in id laborent, pro se quisque; vt huius gloriae palmam,
hactenus obtentam, porro quoque in sua gente retineant. Inexhaustus
enim est Naturae arcano rum thesaurus, opulentia inenarrabilis; nec aliud
praestat, qui nouum aIiquid de ea in lucem profert, quam quod viam
aliis aperit ad succedentia peruestiganda. Mihi adeo, qui Opticis contemplationibus
nonnihil temporis impenderam, occasionem suppedi-
20 tauit Astronomia Tychonica; cuius me participem, viuo etiamnum
authore, fecit splendidissima haec Maiestatis Tuae aula; vt quaedam
Optices theoremata, specie exigua, sed rerum maximarum seminaria,
percolenda, et penitius enucleanda censerem. Indignum enim optica
scientia putaui, cum in Astronomia sensus et instrumenta requirantur;
in optice Geometrica certitudo non desit: superari hanc ab illa; neque
demonstrationibus hic firmari posse, quod illic ocuIi comprehendissent:
indignum multo magis, prouocatam ab Astronomis Opticen, ad opem
sibi ferendam, non comparere; culpamque impeditae subtilitatis astronomicae,
cuius insimularetur, à sese amoliri non posse. Itaque non leue
30 decus existimaui, si mihi contingeret, nodos, qui obiicerentur, bona
)( 3 r methodo, et demonstrationum euidentia dissoluere; Iet Opticam scientiam
ad eam subtilitatem perducere; vt Astronomo satisfacere illa possete
Quod meum institutum, postquam C. Maiestas Tua probauit,
summa cum industria persequi cepi: comportatis, et in formam libri
redactis, quae ve! olim in Styria,. Prouincialium stipendia merens, inueneram;
ve! inuentis erant denique superaddenda, omnium quidem
difficilima ea, et laboriosissima.