Patch Work Paper Craft - Inspirasie
Patch Work Paper Craft - Inspirasie
Patch Work Paper Craft - Inspirasie
Create successful ePaper yourself
Turn your PDF publications into a flip-book with our unique Google optimized e-Paper software.
Gelapte stukkies vel<br />
Daleen Venter<br />
Ek is nie ‘n ou vir bloed en wonde nie. Ek raak paniekerig as my kinders se tone bloei of<br />
iemand sy vinger raak sny. As ek net ‘n druppeltjie bloed sien skakel my<br />
oorlewingsmeganisme af en ek draai soos ‘n dronk papegaai op ’n stok rond.<br />
Wanneer hul dus sê “nie vir sensitiewe kykers nie” dan is dit nou vir my bedoel. Die aand<br />
toe hul vir Pippie op Carte Blanché wys druk ek egter deur en verkyk my aan die wonder<br />
wat Suid –Afrika aangegryp het. Daardie aand droom ek , ek kry lappies vel vir my gesig.<br />
(Ek is nog altyd sensitief vir my onegalige vel) Ek droom my vel om my gesig word gelap<br />
stukkie vir stukkie, plek- plek oorvleuel dit en maak ‘n<br />
rofie. Die dokter sê ek moet nie aan dit karring nie en dit<br />
los dat dit mooi aangroei. Die medici vertel my hoe mooi<br />
dit lyk en hoe fantasties die operasie was. Ek is bly<br />
daaroor al lyk dit nog nie heeltemal glad en egalig nie. Ek<br />
droom toe dat ek na my familie toe gaan en gaan spog<br />
oor my mooi vel. Maar almal sien die riwwe raak en wil<br />
die velletjies afskeur. Ek probeer keer maar hul hou aan<br />
dat dit sleg lyk en nie mooi gaan heel nie. Hul bly karring<br />
aan die stukke vel tot die bloed in strome oor my gesig<br />
loop. Gelukkig skrik ek toe wakker want soos ek reeds<br />
gesê het verloor ek mos kop as ek bloed sien.<br />
Die volgende oggend maak dit vir my 100% sin wat ek gedroom het. Die geestelike<br />
funksionering van die mens werk dieselfde. Ons sien net nie die brand slagoffer se<br />
stukkende lyfie nie. Ons sien nie die suksesverhale van hart vel oorplantings so duidelik<br />
soos Pippie se veloorplanting nie. Ons samel nie so gretig geld in vir iemand wat se hart in<br />
‘n swart kool gebrand is nie. Hoekom nie? Anders as fisiese beserings wat jou verlam en<br />
totaal afhanklik maak van ander, maak hart beserings ons hardkoppig , hard, selfsugtig,<br />
weg-stoterig. Ons onttrek van ander. Seer hartige mense is onbeskof, onvriendelik,<br />
hoogmoedig, bakleierig, onredelik, eiesinnig. Onbeskofte, onvriendelike , hoogmoedige,<br />
bakleierige, onredelike en eiesinnige mense is nou nie juis bejammerenswaardige mense<br />
nie. Hul word gevloek en vervloek, geoordeel, veroordeel, verstoot, beskinder, verwerp en<br />
vermy deur die samelewing en christene. Geen geldjies word ingesamel vir hulle, bid<br />
groepe wat wel gevorm word is meestal veroordelend. Koerantartikels is krities,<br />
beledigend en verdoemend.<br />
Wanneer hierdie verbrande harte ‘n vel oorplanting kry…wat nie derduisende rande kos<br />
nie maar meer kos as al die gekloonde vel in die wêreld , vat dit baie seerkry, drama,<br />
spuite, trane, sagte hande, liefdevolle ondersteuning, opregte gebede, stilte tye, woede,<br />
wysheid, tydsberekening en kennis om die nuwe lappies vel perfek aan die skoon<br />
geskuurde rou hart te werk. Die herstellende persoon word nie noodwendig met sorg<br />
deur die samelewing hanteer na die delikate operasie van maande nie. Die brose persoon<br />
staan met wankelrige wit beentjies vol vuur en vlam in die ou bekende samelewing,<br />
opgewonde om weer deel te wees van die wêreld en deel met almal sy nuwe oor gelapte