PDF Formaat - SA Stamboek

Dave Eden
Dave het meer as dertig jaar van sy lewe toegewy aan Drakensbergers
en daar kan geen twyfel bestaan dat hy aan die beesras
geglo het nie. Dave het dan ook die Eppie Nel – trofee, ’n trofee
wat aan ‘n persoon toegeken word vir sy bydrae tot die
bevordering van die Drakensbergerbeesras, ’n paar keer ontvang.
Die Drakensberg Telersgenootskap het ook ‘n oorkonde
vir besondere diens gelewer, aan hom oorhandig. Ons wil Dave
bedank vir sy volgehoue geloof in, en toegewyde diens aan die
Drakensbergers.
Dave was betrokke by die Drakensberger Telersgenootskap
vanaf 1970 toe hy as hoof van die Grootvee-afdeling van die
Nooitgedaght Navorsingstasie navorsing gedoen het oor die
Drakensberger as beesras. Hy het‘n kudde op Nooitgedacht –
en Athol Navorsingstasie gevestig.
Vanaf 1982 het Dave as vakkundige beampte by Vleissentraal
diens gedoen. Hier het hy konsultasie werk vir van die stoettelers
maar veral kommersieële kuddes gedoen. Dave het ook
met Vleissentraal as borg, reuse insette gelewer by Drakensbergerklubs-,
Produksie- en Nasionale veilings en opleidingskursusse.
Gedurende hierdie periode het hy baie reklamewerk,
soos die opstel van biljette en artikels in ons nuusbriewe en
joernale, gratis gedoen.
6
In 1992 word hy as Rasbestuurder te Volksrust aangestel, waar
hy die grondslag van die kursusse soos dit huidig aangebied
word, gelê het. Ons kon Dave egter vir ‘n tydperk nie as ‘n
voltydse Rasbestuurder bekostig nie en het ons sy dienste op ‘n
ad hoc basis gebruik.
Dave is weer vanaf 2003 as Konsultant / Bestuurder aangestel
om met die administrasie en reklame van die Genootskap
behulpsaam te wees, tot en met sy bedanking in 2008.
Ons bedank Dave vir sy insette oor die jare en wens hom en
Carol ‘n mooi toekoms in die Kaap toe.
Nuwe lede
Ons verwelkom graag die volgende nuwe lede :-
Danco Stud Farm (Spesiaal)
Bennie de Beer (Stoet)
Fernando de Almeida (Kommersie l)
Jaco van der Merwe (Stoet)
Zirk Wolmarans (Stoet)
S vd Merwe (Stoet)
Dankie aan almal wat die afgelope jaar ondersteun het.
Ons glo die NEUMAN bulle is fluks aan die werk en ons sien saam met julle uit na die
aankoms van die kalwers!
Die Inligtingsdag sal plaasvind op 22 Julie 2009 en ons
volgende veiling op 6 Augustus 2009
‘n Baie Geseënde Kersfees en Voorspoed vir 2009!
Rodney Neuman en Familie
www.neumandrakensbergers.co.za