You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
liefde, met geen bedreiging nie en met ’n perfekte besef van eiewaarde.<br />
Die neerslag hiervan was ’n volkome binneprentjie. ’n Volmaakte selfbeeld.<br />
Met die sondeval het dit totaal en dramaties verander. Die harmonieuse<br />
liefde het gevou vanweë die opstand, die aggressie, teenoor God. Die<br />
mens het hom aangematig en sy posisie van diensbaarheid en verantwoordelikheid<br />
voor God weggegooi. Die mens het homself verhef om soos<br />
God te wil wees.<br />
Ná die sondeval lyk die binneprentjie van die mens anders:<br />
• Die harmonieuse liefde word vervang deur vrees (Gen 3:10). Sekuriteit,<br />
aanvaarding en vertroue word vervang deur vrees vir die onbekende,<br />
verwerping en emosionele pyn.<br />
• Die onaantasbare posisie van diensbaarheid en verantwoordelikheid<br />
voor God word skielik ’n maalkolk van skuldgevoelens en blaamverplasing<br />
(Gen 3:8, 12, 13).<br />
• Die mens, wie se waarde daarin lê dat hy beeld van God is, wou self<br />
soos God wees en verloën daardeur sy beeldskap. Ons verloor nooit<br />
ons beeldskap nie (vgl. o.a. Gen 9:6, Jak 3:9), maar verloën dit en<br />
daarmee saam dat ons waarde in God is. Nou soek ons waarde in ons<br />
eie beeld. Die probleem is dat ons dan nie weet wanneer ons eie beeld<br />
goed genoeg is nie. Die effek hiervan is ’n nikswerd gevoel.<br />
Dis duidelik dat die sondeval meegebring het dat mense met vrees, skulden<br />
nikswerd gevoelens leef. Die gevolg hiervan is ’n verwronge en vervalste<br />
binneprentjie. Hoe raak dit jou? Sonder om te tegnies te raak, kan ons sê<br />
dat selfbeeld gevorm word deur die neerslag van die interaksie van al die<br />
verhoudings waarin jy staan en gestaan het. Dit is jou verhouding met<br />
God, met jouself en ander mense en met die natuur. Die neerslag van die<br />
interaksie gaan lê as ’t ware in die sentrum van jou menswees, jou hart.<br />
Sodoende vorm jy ’n prentjie van wie en hoe jy is en waar jy in hierdie<br />
verhoudings staan.<br />
Wanneer “bang”, “skuldig” en “nikswerd” woorde is wat die hoofbestanddele<br />
uitmaak van jou verhoudings, sal die prentjie van jou diepste binnekant<br />
negatief wees en al hoe meer so word. Wanneer jy egter liefde, jou eie<br />
(onbedreigde) plek en ’n sin vir waarde in jou verhoudings ervaar, sal jou<br />
selfbeeld positief wees en al meer so word. Gaan dink maar gerus na in<br />
die lig hiervan oor elkeen van jou verhoudings. Jou verhouding met ons<br />
Here, jou man/vrou, jou kinders, jou ouers (ook en veral toe jy nog klein<br />
was), maats en kollegas. Dóén dit regtig!<br />
Die uitdaging<br />
Mens kan saam met ander skrywers sê dat selfbeeld of -persepsie ’n<br />
evaluering is wat jy van jouself opbou op grond van selfkennis. Wanneer<br />
die selfkennis wat ek opgebou het, negatief is, is die uitdaging om ander<br />
(beter?) bronne te vind van waaruit ek selfkennis kan opdoen. As die bron<br />
van my selfkennis my man of vrou is met wie ek in ’n verhouding staan<br />
wat deur vrees, skuld- of nikswerd gevoelens gekenmerk word, moet ek<br />
duidelik ’n ander bron van selfkennis gaan soek. Eweneens: as ek as kind<br />
in sulke verhoudings staan of gestaan het, moet ek elders selfkennis gaan<br />
soek.<br />
Die Bybel is ten diepste gelowiges se bron van selfkennis. Die Heilige<br />
Gees, wat die Bybel geïnspireer het, woon immers in my as gelowige. Hy<br />
- fokusartikel -<br />
getuig saam met my gees wie en<br />
hoe ek regtig is voor God! Sy woorde,<br />
óók dié oor my as mens, in die<br />
Bybel dra die grootste gewig. Groter<br />
gewig as wat mense oor, van en met<br />
my gesê of gedoen het.<br />
Uitkoms!<br />
Ons Here Jesus Christus het mens<br />
geword. Hy het nie alleen weer opnuut<br />
kom wys hoe dit is om in volkome<br />
harmonie met die wil van God<br />
te leef nie, Hy het méér kom doen!<br />
Hy het ons met God kom versoen.<br />
Hy het dit vir my moontlik gemaak<br />
om uit te styg bo die vrees, skuld en<br />
minderwaardigheid wat my gedrag<br />
bepaal. Hy het my kom herstel. Nou<br />
kan ek waarlik in liefde my posisie<br />
volstaan in diensbaarheid en verantwoordelikheid<br />
teenoor Hom. En ek<br />
kan my waarde in Hóm vind en nie<br />
in mysélf nie.<br />
Dis wat ons Here kom doen het. Dis<br />
die pad wat Hy kom oopmaak het.<br />
Hoe kry ek dit reg?<br />
Hy het dit voorts kom moontlik maak<br />
dat ek op daardie herstelpad sal<br />
loop. Hy het sy Gees gegee om ons<br />
al hoe meer te vernuwe na die beeld<br />
van ons Skepper en tot volle kennis<br />
van God (Kol 3:10). Dit is my verantwoordelikheid<br />
om seker te maak dat<br />
ek alles in my vermoë doen om die<br />
verwronge prentjie wat ek van my<br />
het, af te lê, nuut te word in my gees<br />
en gedagtes, en te lewe as nuwe<br />
mens wat as die beeld van God geskep<br />
is: volkome volgens sy wil en<br />
heilig (Ef 4:22-24).<br />
Dit beteken dat ek by ander gelowiges<br />
wat kundig is, hulp moet kry<br />
soos dit nodig is. Dit beteken ook<br />
dat ek my gemoed moet vul met<br />
woorde wat my Maker oor en van<br />
my gesê het. Woorde soos wat daar<br />
onder andere staan in 1 Johannes<br />
4:18, Romeine 8:31-39 (antwoord<br />
die vrae wat daarin gestel word en<br />
kyk na die beloftes!), Efesiërs 1:3-<br />
14. DK<br />
• Die Kerkblad <strong>Februarie</strong> 2010 • 15
Change language