Create successful ePaper yourself
Turn your PDF publications into a flip-book with our unique Google optimized e-Paper software.
Dr Dr. Dr Dr . Natie Natie van van van V VVuuren,<br />
V uuren, Nylstr Nylstroom Nylstr oom<br />
Daar word gedebatteer oor die<br />
stigtingsdatums van onder andere<br />
die Gereformeerde Kerke Potchefstroom,<br />
Pretoria en Waterberg. Vraag: Wat maak<br />
vier jaar eintlik saak? Maar vir kerkhistorici<br />
en seker ook vir lidmate van genoemde<br />
kerke bly dit tog belangrik en interessant.<br />
In 2009 is ’n kerkhistoriese konferensie<br />
oor hierdie saak in Potchefstroom gehou<br />
(wat ek ongelukkig nie kon bywoon nie).<br />
Maar hierdie saak interesseer my al geruime<br />
tyd. Wat ek hier skrywe, is my eie standpunt,<br />
al verwys ek na persone en bronne.<br />
Ek is daarvan bewus dat ds. Peet Coetzee<br />
van die Geref. Kerk Potchefstroom besig<br />
is met ’n verhandeling waarin hy ook<br />
op die saak ingaan. Ek hoop hy bring groter<br />
duidelikheid met nuwe inligting.<br />
Ek was vroeër lidmaat van die gemeentes<br />
Colesberg, Potchefstroom en Waterberg,<br />
en daarom interesseer die saak my<br />
nog meer. En natuurlik stel ek as historikus<br />
belang in ons kerke se geskiedenis. Ek is<br />
nie ’n kenner van kerkreg nie en hierdie<br />
saak het ook implikasies vir die kerkbegrip<br />
in die GKSA. Hieroor sal ons meer duidelikheid<br />
moet kry.<br />
Toe die gemeente Potchefstroom in<br />
1988 sy 125-jarige bestaan gevier het, het<br />
ek as redakteur opgetree met die publikasie<br />
“Die Gereformeerde Kerk Potchefstroom,<br />
1863-1988”. Daar is aangetoon dat die<br />
eerste kerkraadsvergadering van die gemeente<br />
op 17 April 1863 plaasgevind het.<br />
Die vorige vier jaar was Potchefstroomgemeente<br />
deel van die Rustenburggemeente<br />
toe slegs een ouderling en een diaken<br />
as kerkraadslede verkies is om “Mooiriviergemeente”<br />
in Rustenburg te verteenwoordig.<br />
En so skryf ds. PJ Venter van die Geref.<br />
Kerk Pretoria (dolerend) in Die Kerkblad<br />
van September 2009 dat daardie gemeente<br />
eers amptelik in 1863 gestig is, al was die<br />
lidmate van Pretoria “aanvanklik in die<br />
streng kerkregtelike sin nog lidmate van<br />
Rustenburg”. Net soos Potchefstroom- en<br />
Waterberggemeente kan nêrens gelees<br />
word van die formele stigting van hierdie<br />
gemeentes nie. Buitendien, kan ’n gemeente<br />
met slegs een ouderling en diaken<br />
erken word, veral as daar geen kerkraadsnotules<br />
bestaan nie? Tot dusver kon ek geen<br />
kerkraadsnotules van Potchefstroom of Waterberg<br />
tussen die jare 1859 en 1863 opspoor<br />
nie. Slegs notules van Rustenburg<br />
GKSA: kerkstigting - 1859 of 1863?<br />
bestaan. Net soos die geval met Potchefstroom verskyn Waterberg se eerste notule in<br />
1863. In die Eeufeesgedenkalbum van die Klassis Waterberg in 1959 lees ons: “Die<br />
presiese stigtingsdatum van Waterberg en Zoutpansberg kan ongelukkig nie dokumentêr<br />
bepaal word nie.” Verder verskyn daar ’n fotokopie in die handskrif van ds. D Postma<br />
van ’n kerkraadsvergadering van 1863 waarin hy skryf: “Lidmaatboek van die Geref<br />
gemeente van Waterberg. Nota bene! Almal wat voor Jan 1863 lidmate van die gemeente<br />
geword het, staan ingeskryf in die Algemene Lidmaatboek van die Geref Kerk in die<br />
ZAR, wat gedeponeer is by die Leraar of Kerkraad van die gemeente te Rustenburg”<br />
(vert.).<br />
Ds Postma het wel op 25 Januarie 1859, op een van sy vele reise by die Krokodilrivier,<br />
’n groepie Waterbergers ontmoet wat hulle “by ons kerk aangesluit het” – dus by die<br />
Geref. Kerk Rustenburg sonder dat kerkraadslede verkies is. Kan daar nou geredeneer<br />
word dat dit die stigting van die Geref. Kerk Waterberg was? Tydens die Tweede Algemene<br />
kerkvergadering van die Geref. Kerk Rustenburg op 16 April 1859 doen ds. Postma<br />
verslag van sy rondreis in die ou Transvaal. Hy wys spesifiek daarop dat daar geen<br />
kerkraadslede verkies is nie.<br />
Die situasie in die ZAR verskil grootliks met dit wat in Kaapland gebeur het met die<br />
uiteindelike stigting van byvoorbeeld die Geref. Kerke Colesberg, Burgersdorp en Middelburg<br />
in 1860. Dit geld ook vir die gemeente van Reddersburg wat in Junie 1859<br />
amptelik gestig is. Al vier is gestig met kennisgewing aan en goedkeuring deur die<br />
owerheid; iets wat nie in Transvaal geskied het nie, behalwe in die geval van Rustenburggemeente.<br />
Ek is dus van mening dat slegs twee gemeentes in 1859 gestig is: Rustenburg<br />
en Reddersburg.<br />
In sy boek “Die Doppers in Suid-Afrika, 1760-1899” (1963) skryf prof. Bouke<br />
Spoelstra (bl. 172): “Teen die einde van 1859 bestaan daar net een Geref. Kerk in die<br />
SA Republiek (ZAR), met kerkraadslede in die belangrikste distrikte.” Rustenburg se<br />
kerkraad word ’n “Algemene Kerkvergadering” wat die “gemeentes” in ander “distrikte”<br />
insluit. Hy skryf verder: “Die stigting van die kerke Pretoria, Potchefstroom, Waterberg,<br />
Soutpansberg en Lydenburg kan nie voor 1863 gestel word nie.” Tydens die eerste<br />
Sinode van 1862 is gemeentes met selfstandige kerkrade teenwoordig, maar uit Transvaal<br />
is egter nie “gemeentes” wat glo in 1859 gestig is teenwoordig nie, behalwe natuurlik<br />
Rustenburg.<br />
Dit moet ook vermeld word dat die kerkplek en aansoek om ’n kerkterrein altyd<br />
onlosmaaklik aan gemeentestigting verbonde was. Dit het eers teen 1863 gebeur sodat<br />
slegs die Geref. Kerk Rustenburg in 1859 in Transvaal gestig en deur die owerheid<br />
erken is.<br />
Kortliks<br />
Die Redaksie het ’n brief is ontvang van Danie Danie Danie de de K KKock<br />
KK<br />
ock van Klerksdorp, in reaksie<br />
op die artikel van dr. Jan Visser (Die Kerkblad Oktober 2009), waarin die mening<br />
uitgespreek word dat om medegelowiges en veral gelowiges van dieselfde kerkverband<br />
as oneerlik te beskryf, nie in belang van die kerkverband is nie. Omdat verskeie gemeentes<br />
reeds liedere uit die liedboek sing en vroue as ouderlinge bevestig, ontstaan die vraag:<br />
Wie is die oneerlikes – die kerkrade wat die besluite neem, of elke lidmaat? Daar is<br />
duidelik groot verskille, nie net hieroor nie, maar ook oor ander sake. Gemeentes neem<br />
besluite volgens wat hulle meen in belang van God se koninkryk is, en ook in belang van<br />
die betrokke gemeente – en om sulke gemeentes oneerlik te noem, is nie die oplossing<br />
nie. Daar moet eerder gekyk word waarom gemeentes besluite neem wat afwyk van<br />
sinodebesluite.<br />
Br. De Kock stem saam dat die GKSA ’n geweldige groot taak het, en dit is om die<br />
evangelie van Christus te verkondig en sy liefde aan die wêreld sigbaar te maak. Dit sal<br />
egter nie bereik word deur mekaar “oneerlik” te noem nie.<br />
• Die Kerkblad <strong>Februarie</strong> 2010 • 45