Tydskrif Februarie 2010.p65 - CJBF

More documents

Recommendations

Info

Ds. Hennie Goede (Vereeniging-Oos) Ek wens tog so om ’n skoon gewete te hê. Hoe kan ek dit bereik? Elke gelowige kan getuig van gewetenswroeging: miskien omdat jy reeds teen die Here en jou medemens gesondig het, of omdat jy weet jou beplande optrede is sonde teen die Here, of omdat jy nie seker is of wat jy beplan, sonde is of nie. Wat is ’n mens se gewete? Die Woordeboek van die Afrikaanse Taal definieer mens se gewete as die werksaamheid van jou selfbewussyn wat jou in staat stel om tussen die goedheid of slegtheid van jou denke en handelinge te oordeel. Terwyl jy dink en voor jy optree, werk mens se gewete vermanend, waarskuwend, rigtinggewend. En ná jou optrede werk dit goedkeurend of afkeurend. In breë trekke stem die Bybelse gegewens oor die mens se gewete hiermee ooreen. Die Ou Testament ken nie ’n unieke woord vir die mens se gewete nie. Die woorde wat ons soms met “gewete” vertaal (1 Sam 24:6; 2 Sam 24:10; Spr 28:17), verwys in die algemeen na die kern van die mens se fisiese en geestelike wese. Dit sou die hart se sentrum van die lewe en die verstand insluit. Tog kan ons uit die konteks van bogenoemde tekste aflei dat die gewete van die mens as selfbeoordelaar van sy denke en optrede ook deel van sy wese uitmaak. En daarom is die vertalings geldig. Dit is duidelik dat Dawid byvoor- Tweede perspektief ’n Skuldige gewete Ons weet almal hoe lastig ’n skuldige gewete kan wees: Mens rol rond in jou bed, want slaap met ’n skuldige gewete is onmoontlik. Jy sukkel om op alledaagse dagtake te fokus. Jy gedagtes word oorheers deur die saak waaroor jou gewete jou meedoënloos aanspreek. Ons lees in die Skrif dat Dawid ook met sy gewete gestoei het. By twee geleenthede pla sy gewete hom: • Nadat hy die punt van Saul se mantel in die grot in die En-Gediwoestyn afgesny het, kla sy gewete hom aan dat hy sy hand teen die gesalfde van die Here gelig het (1 Sam 24:6- 7). • Nadat hy die volk laat tel het, spreek sy gewete hom aan oor sy sonde teen die Here (2 Sam 24:10-11). beeld ’n waarde-oordeel oor sy optrede uitspreek, en daardie waardeoordeel vind sy oorsprong in sy gewete, sy vermoë om te onderskei tussen wat reg en verkeerd is. En hierdie waarde-oordeel word deur die openbaring van God in sy Woord gevorm. Die gewete van die gelowige is dus God-gerig en nie mensgerig nie. Die feit dat God in die wese van mense sien, getuig hiervan (Ps 139). ’n Skoon gewete is ’n gewete wat in ooreenstemming met die wil van God is. In die Nuwe Testament tree die gewete van die mens baie sterk op die voorgrond. Die Grieks het wel ’n unieke woord wat na die mens se vermoë om tussen reg en verkeerd te onderskei, verwys. Die gewete is geheel en al deel van die wese van die mens. En soos in die Ou Testament word die Nuwe-Testamentiese gelowige se gewete deur die openbaring van God gevorm. Jou godsdienstige oortuigings beïnvloed die waarde-oordele wat jou gewete fel. 30 • Die Kerkblad <strong>Februarie</strong> 2010 •
Paulus bied vir ons ’n voorbeeld hiervan wanneer hy in 1 Korintiërs 8 skryf oor die eet van vleis wat aan afgode geoffer is. Gelowiges wat tot die kennis gekom het dat daar net een God is en dat die afgode nie bestaan nie, het vleis wat aan afgode geoffer is, by die markte gekoop en geëet. Hulle godsdienstige oortuiging dat dit nie sonde is nie, het aan hulle ’n skoon gewete besorg. Maar ander gelowiges het nog nie tot daardie kennis gekom het nie, en het dus geglo dat die afgode bestaan (1 Kor 8:7). Op grond van hulle oortuiging sou hulle dan die vleis as ’n afgodsoffer geëet het, en hulle gewetens daardeur beswaar word (1 Kor 8:10). Die doel van die gewete Alle mense het gewetens. Daarom dat selfs ongelowiges aan die eise van die wet van God kan voldoen, selfs al het hulle nie die wet ontvang nie (Rom 2:14-15). Hulle ervaar ook gewetenswroeging. Hulle gewetens kla hulle ook oor hulle gedagtes of optrede aan, of spreek hulle vry. Maar die Here gee aan ons as gelowiges gewetens, en vorm dit deur sy Woord, sodat ons geloof nie skipbreuk ly nie (1 Tim 1:19). Wanneer jy as gelowige jou gewete onderdruk, loop jy op ’n spoor weg van God af. Vir die gelowige is daar geen ruimte vir ’n buigbare gewete of toeskietlikheid nie. In ons tyd is mense se gewetens nogal buigbaar: Een dag veroordeel jy iemand oor sy gedagtes, woorde of optrede, maar die volgende dag is dieselfde gedagtes, woorde of optrede vir iemand anders of vir jouself aanvaarbaar. Of gedrag wat teen die gewete van enige redelike mens skry, word met slim argumente goedgepraat. Sulke gewetensmanipulasie pas nie by die gelowige nie. Dit getuig eerder van ’n gewete wat toegeskroei is (1 Tim 4:2) en daarom sy sensitiwiteit vir die onderskeid tussen reg en verkeerd verloor het. Soos die Here deur Jeremia sê: “Wanneer - fokusartikel - hulle aan die kaak gestel word oor die gruwelike dinge wat hulle gedoen het, skaam hulle hul nie eens nie, hulle weet nie van skaamte nie” (Jer 8:12). Uit die skoon gewete van die gelowige moet daar eerder liefde voortkom (1 Tim 1:5). Liefde is immers die rigtingwyser vir die gelowige se gewete. As jy nie liefde teenoor God en jou medemens betoon nie, behoort jou gewete jou aan te spreek. En as jy dit wel doen, behoort jou gewete skoon te wees. God het ons in Christus juis skoon gewetens gegee sodat ons Hom in liefde kan dien: “Hoeveel te meer sal die bloed van Christus ons gewete bevry van die las van dade wat tot die dood lei, sodat ons die lewende God kan dien!” (Heb 9:14). En met hierdie skoongewaste gewete probeer ons as gelowiges om in elke opsig te doen wat reg is (Heb 13:18). Ons gewetens moet ons aanspoor tot gedagtes, woorde en dade van liefde teenoor God en ons medemens! Hoe bereik ek ’n skoon gewete? In die sondige bedeling waarin ons leef, leef geeneen van ons met ’n geheel en al skoon gewete nie. Ons Here Jesus bevestig dit wanneer Hy vir die Joodse leiers sê dat die een wat ’n skoon gewete het, die eerste klip na die vrou wat op owerspel betrap is, moet gooi (Joh 8:7). En tog moet ons soos Paulus daarna streef om met ’n skoon gewete te lewe (Hand 24:16). Trouens, dit is ’n opdrag van die Here: Sorg dat julle gewetens skoon bly ... (1 Pet 3:16). Maar hoe kry ek dit as gelowige reg, veral as my gewete my voortdurend aankla? • Bid dat God jou deur sy Gees daarvan sal oortuig dat Hy jou gewete met die bloed van Christus skoongewas het. Dan sal jy nie slaaf van jou gewete wees nie, maar juis deur jou gewete na die verlossing in Christus gedwing word. • Glo dat God jou gewete deur sy Woord en Gees vorm. Daarin vind jy as gelowige sekerheid oor wat reg en wat verkeerd is, en sal jou gewete jou nie oor alles aankla nie. En wanneer jy gewetenswroeging ervaar, bid om wysheid. Onthou: “Die mens wat die Gees van God het, kan die waarde van alle dinge beoordeel ...” (1 Kor 2:15). Vra ook medegelowiges se raad oor jou gewetenswroeging. • Bely jou sonde voor die Here wanneer jou gewete jou aankla en gryp die vergewing wat Christus bewerk het, in die geloof aan. God is in sy genadige en liefdevolle vergewing immers steeds groter as jou (skuldige) gewete (1 Joh 3:20). • Laat liefde die rigtingwyser in jou gedagtes, woorde en dade wees. So sal jy verseker dat jou gewete skoon bly. • En wanneer jou liefde vir God en jou medemens nie net woorde is nie, maar met opregte dade bewys word, weet jy dat jou gewete voor God rustig is (1 Joh 3:18-19). Ten slotte Die Here gee gewetens aan sy kinders om ons op die pad van heiligmaking te begelei. Heiligmaking is mos juis om deur die krag en insig van die Gees vir gehoorsaamheid, vir wat reg is, te kies. Ons gewetens dring ons in die rigting van gehoorsaamheid. En deur op ons gewetens ag te slaan, en dit nie te onderdruk nie, verander ons al meer om aan die beeld van Christus gelyk te word (2 Kor 3:18). Laat ons daarom voortdurend vra: “Here, wat wil u hê moet ek doen?” Mag die Here van ons gewetens ons met skoon gewetens seën! DK • Die Kerkblad <strong>Februarie</strong> 2010 • 31
Page 3 and 4: 2 UIT DIE WOORD Die risiko om met G
Page 5 and 6: • As Paulus nie “omgedraai” h
Page 7 and 8: • wanneer jy God vergeet en in di
Page 9 and 10: keersman omgekoop om jou nie vir jo
Page 11 and 12: van die lewe gebore is, wat kinders
Page 13 and 14: al die ander motors op die pad is,
Page 15 and 16: liefde, met geen bedreiging nie en
Page 17 and 18: Om werklik ’n mens van ware integ
Page 19 and 20: geer. As ons wel iets daaraan kan v
Page 21 and 22: oor ’n tipe volwassenheid wat die
Page 23 and 24: • jy so kan help dat die ander di
Page 25 and 26: - fokusartikel - Om dankbaar teenoo
Page 27 and 28: hulle persoonlik aanspreek. Hulle w
Page 29: Hy steel ’n ander man se vrou kra
Page 33 and 34: vind ons dat die eenheid van die ke
Page 35 and 36: ende kategese-onderrig aangeleer wo
Page 37 and 38: in inferna” word klaarblyklik as
Page 39 and 40: Ook in Habakuk 3:3 en Esegiël 39:8
Page 41 and 42: Hennie Dekker (Brakpan-Suid) Oupa F
Page 43 and 44: Ewige waarhede Ds. Adri van Staden.
Page 45 and 46: Dr Dr. Dr Dr . Natie Natie van van
Page 47 and 48: die dunderm afgesak het in ’n bre
Page 49 and 50: smith-kombinasie. • Ds JJ Cloete
Page 51 and 52: geveer 2 km van Gordonsbaai se stra
Page 53 and 54: ware, eetgerei, kerse, servette, dr

Tydskrif Februarie 2010.p65 - CJBF

You also want an ePaper? Increase the reach of your titles

Delete template?

Save as template?