Uitgawe 10 – FEB 2013 - agri - spmdesigns.co.za

24
Plaaslewe het gelei tot groot
moontlikhede en besigheid
Die plaas Xaungs (vir die mense agter die
Langberg sommer “Touwns”) is sowat 80km
van Postmasburg en 50km van Olifantshoek,
op die Witsand Natuurreservaatpad. En dit is net hier
waar jy die Möllers kry – die vierde geslag.
Bianca-Lee, wat in Kimberley skoolgegaan het, is met
Christoff getroud, 'n boorling van Postmasburg. Hulle
het 'n seuntjie, Conroe (amper 3). Hulle boer met
skape, beeste en boerbokke.
Ciao Bella Bath & Body-produkte het sy oorsprong
hier op die plaas gehad. Bianca-Lee
bedryf The Cottage Guest Farm op die
plaas waar hulle ook Ciao Bella bad- en
lyfprodukte maak. Sy is ook saam met
haar ma en sussie mede-eienaar van die
Earth Angel-winkels van Kimberley tot
in die Kaap. Die Ciao Bella-produkte
help met werkskepping en was sommer
oornag 'n reuse sukses.
Produkte wat hulle maak, sluit in
kamerverfrissers, lyfbotterroom,
badsout, handwasroom, mans-skeerjel
en -room, badmelk, sepe, “fizz-balls” en
ook 'n reeks vir kinders.
“Alles word handgemaak op die plaas
met tonne liefde en passie. Tinkers de
Koker is werksaam in die fabriek en is 'n
juweel. Haar ma, Hanna de Koker, maak
vir ons die netsakkies vir die badsout op
my geliefde oudtydse Singer-masjien.
Februarie 2013
Clivé Burger
Glo dit of nie, die karnallie werk nog 'n hond uit 'n bos,
of sal ek sê 'n sakkie lieflike badsout uit die
kameeldoringbos.”
Tinkers se pa, Hermaans de Koker, en neef, Willem
Neels, wat werksaam is op die plaas, help ook by die
gasteplaas en sorg dat die "donkies" (geysers) vuur kry
sodra daar gaste is. Rinah Moremi is Bianca-Lee se
linker- en regterhand en selfs ook soms haar linker- en
regterbrein. Sy sien om na die huishouding en sorg vir
die vierde geslag Möllers, Conroe, terwyl Bianca-Lee
werk.
Een van die kamers in die gastehuis op die plaas.