Uitgawe 10 – FEB 2013 - agri - spmdesigns.co.za

Die opinies wat deur persone in hierdie publikasie geopper word, is persoonlik en weerspieël nie noodwendig dié van die redaksie of medewerkers nie.
2
s daar nou een ding is wat ek nie kan
Averstaan nie, is dit die manier hoe mense
in Suid-Afrika “opstandig” (sag gestel!)
raak. Nou die dag hoor ek weer van 'n plek, soos
ook die geval nou onlangs in Sasolburg was,
waar woedende inwoners bande in strate brand,
winkels plunder, motors beskadig en so meer.
Die rede? Omdat hulle nie tevrede is met dienste
wat die munisipaliteit nie bied nie of kwaad is vir
een of ander “official” wat nie sy werk doen nie of
geld gesteel het of wat ook al. Liewe aarde, ek
stem saam, ons moet woedend raak oor swak
dienste, hemelhoë salarisse, onkundige
personeel, maar moet ons dan nou self goed
breek en brand om ons misnoeë met die situasie
te toon. En baie keer word hier nog mense
beseer ook in hierdie tipe opstande.
Wat het van ons samelewing geword? As jy nie
tevrede is met iets nie, dan breek jy dit of steek
dit aan die brand. Die onluste (wat gespruit het
oor ongelukkigheid oor lone) in die Wes-Kaap is
'n sprekende voorbeeld hiervan. “Hierdie boer
betaal ons nie genoeg nie, ons lei honger, kom
ons brand sy wingerd af.”
Genade, mens slaan nie die hand wat jou voed
nie! Plaaswerkers (en steeds glo ek dat hulle
gemanipuleer en beïnvloed is deur die manne in
die 'pound seats') in die Wes-Kaap het hul
ontevredenheid getoon deur pakkamers en
wingerde af te brand, winkels in die dorpe (wat
inderdaad niks met hul lone te doen het nie)
geplunder en beskadig. Dit is juis oor hierdie
uitgangspunt en wyse van omgang wat ons nooit
'n stap vorentoe sal kan gee nie. Want probleme
word eenvoudig net nie so opgelos nie. En dit
nogal met die aanmoediging van vakbondhoofde
en gemeenskapleiers.
En my beskeie mening? Die Regering het hierdie
verhoging in minimum lone deur gestoomroller,
maar die werklike harde houe sal hulle nou begin
voel, want pleks vir die werkers 'n beter lone te
beding (wat streekgebaseerd is), gaan daar nou
baie meer gesinne hieronder lei, want boere het
eenvoudig in vandag se boerdery-
Februarie 2013
omstandighede net nie meer geld om
buitensporige lone te betaal nie. Pleks die
Regering het eerder ingespring en aangebied om
dit te subsidieer (soos wat ander lande deur hul
regerings gehelp word), maar nou gaan daar
verseker afleggings kom.
Daar word nou links en regs beroepe op boere
gedoen om nie onnodige afleggings te doen nie,
maar eerlikwaar, as jy dit nie kan bekostig nie,
wat moet jy doen. En dit is ek 100% seker van –
dit is nie wat boere wou gehad het nie, maar
weer eens het die Regering en sy “comrades”
hiervoor gesorg. En ek glo op die lang duur gaan
ons arbeiders hieronder lei.
Die Regering se Nasionale Ontwikkelingsplan het
juis ten doel dat landbou vir meer
werksgeleenthede sal sorg. Hierdie
loonverhogings is dan mos lynreg daarmee in
kontras!
Die boerderygemeenskap was en is nog al die
jare een van die bedrywe wat die beste vir hul
werkers gesorg het. Dit is tog jammer dat die
ANC-regering altyd 'n haas uit 'n hoed wil ruk en
dan met die “vere” in die hand sit. Soos nou ook
weer die geval sal wees.
Ander interessante artikels vandeesmaand gaan
oor elektrisiteitsverhogings – en ook weer hier
word boere bitter hard geslaan. Die mense wat
die land moet voed, se skoenveters word aan
mekaar vasgebind. En wie gaan vir hiedie gelag
betaal? Sekerlik nie Eskom nie. Nee hulle gaan
eerder elke verhoging vier met 'n ontbyt saam
met hooggeplaaste vriende – wat die
belastingbetaler miljoene rande gaan kos!
Daar is egter goeie nuus ook (ons moet soms net
vir dit soek). Die vooruitskouing vir boederye in
die Noord-Kaap lyk tog goed ná 'n paar moeilike
jare wat gekenmerk was deur vloede en brande!
Tot volgende keer.
Clivé