EETVERSTEURINGS

EETVERSTEURINGS
____________________________________________________________________________________
Inleiding:-
Eetversteurings kom meestal in adolessente tot jong volwasse vroue voor. Die
siektes kom in wisselende graad voor, sommige pasiënte kan in die verloop van die
siekte beweeg tussen die diagnostiese kriteria van die een kliniese beeld na die
ander soos hulle siekte beeld en massa verander. 1 Sommige pasiënte kan nie
volgens die diagnostiese kriteria gediagnoseer word nie en mag as
ongespesifiseerde eetversteuring geklassifiseer word.
Die Huisarts is waarskynlik die eerste kontak met die pasiënte en moet bedag wees om die kliniese
beelde te herken voordat te veel massa verloor word, of eetpatrone gevestig word. Die pasiënte kla
selde van die masaverlies, maar van meegaande simptome van verhongering. Hulle sal die
eetstoornis ontken of afspeel. Die kliniese beeld van beide anoreksie en bulimie kan voorafgegaan
word deur oormatige oefening en/of matige dieët. 1,3,4
Die Huisarts is `n belangrike skakel in die behandeling van eetstoornisse, die meeste pasiënte het
`n multidissiplinêre span hantering nodig. Die Huisarts moet die sorg reël en administreer en
holisies benader.
Vraelyste word dikwels as hulpmiddel tot diagnose vir eetstoornisse:-
Eat attitude test en scoff
SCOFF
Maak jy jouself naar as jy ongemaklik vol voel?
Voel jy dat jy beheer oor jou eetlus, of hoeveelheid wat jy eet verloor het?
Het jy meer as 6.3 kg in die laaste 3 maande verloor?
Beleef jy dat te vet is al dink jou vriende jy is maer?
Dink jy kos oorheers jou lewe?
Twee of meer positiewe punte kan `n aanduiding wees van eetversteurings.
Diagnostiese kriteria:-
Diagnostiese kriteria vir Bulimia Nervosa: 1,2
A Herhalende episodes van ooreetsessies. Sulke sessies het beide van die volgende elemente:
1 n Eetsessie in `n diskrete tyd van bv. 2 uur waarin die persoon duidelik groter volume
voedsel inneem as wat die meeste mense in soortgelyke tyd en soortgelyke
omstandighede sou inneem.
2 `n Gevoel van verlies aan kontrole gedurende die episode.( `n gevoel dat `n persoon
nie kan ophou eet of beheer uitoefen oor die hoeveelheid wat geëet word nie)
B Herhalende ontoepaslike kompenserende gedrag om massa toename te voorkom bv.
Braking, misbruik van lakseermiddels, enemas, diuretika en ander medikasie, asook
oormatige oefening, of om te vas.
C Die ooreetsessies en kompenserende gedrag vind ten minste twee maal per week vir drie
maande plaas.
D Self evaluasie word buitensporig beinvloed deur liggaamsbou en grootte.
E Die eetversteuring kom nie net voor gedurende `n episode van Anorexia nervosa voor nie.
_______________________________________________________________________________________
Kopiereg © Universiteit van Pretoria
3