EETVERSTEURINGS

EETVERSTEURINGS
____________________________________________________________________________________
`n Meegaande substans afhanklikheid of misbruik kom in tot 30% van pasiënte voor, en moet eers
aangespreek word voor bulemia behandel kan word.
Persoonlikheidsversteurings kom in 2-50% van die pasiënte voor. 3 Die Huisarts wat die pasiënt
hanteer behoort die pasiënt te evalueer vir ko-morbiede psigiatriese siektes en afwykings.
Kliniese beeld:-
Die kliniese beeld kan wissel van subklinies tot uitgesproke komplikasies, afhangende van die graad
van versteuring. Verbygaande simptome soos moegheid, konstipasie en opgeblase gevoel kom
voor.
Die pasiënt kan kla van massa toename, naarheid, abdominale pyn en vertraagde maaglediging.
Hulle beleef verhoogde angs, fisiese ongemak en skuldgevoelens na die ooreet sessie wat hulle tot
die ledigingsritueel dryf, self geï niseerde braking, oormatige oefening, misbruik van ipekakuana,
lakseermiddels, enemas en diuretika.
Die kliniese beeld is afhanklik van die komplikasies wat voorkom:-
Braking:- Die meeste (75%) inisieer die selfbraking deur groot volumes vloeistowwe tydens die
ooreetsessie in te neem, om die braking te fassiliteer. Hulle stimuleer die farinks met die vinger of
ander voorwerpe, of innisiëer braking met willekeurige abdominale spiersametrekking.
Komplikasies:-
Tand bederf:- maagsuur veroorsaak afbraak van tand emalje, veral aan die agter
opppervlakte van die tande.
Vergrote speekselkliere:- Dit is `n pynlose vergroting van speekselkliere binne `n
paar dae na oormatige braking en klaar spontaan op in `n paar dae.
Mond en hand trauma:- Laserasies in mond en keel kan voorkom, `n Laserasie
en litteten op distale rand van die kneukel kan voorkom as gevolg van die trauma
van die snytande.
Esofagus en farinks mag irritasie van die herhalende maagsuur teenwoordig
ontwikkel, asook refluks na selfs klein volumes voedsel. Esofagiale skeure met
bloeding kan voorkom. Perforasie van slukderm en maag kan voorkom, maar is
seldsaam.
Elektroliet stoornisse:-Tekort van soutsuur, kalium, natrium, en magnesium kan
voorkom, en die pasiënte moet by diagnosering en gereeld in opvolg van die
siekte elektroliet evaluasie kry. Hipokalemie, moegheid, spierspasmas,
hartkloppings, parestesië, tetanus, konvulsies en hartarres kan voorkom.
`n Volledige algemene ondersoek met klem op vitale tekens, lengte en massa moet gedoen word.
Soek vir tekens van haarverlies, lanugo beharing, abdominale teerheid, sianose van ekstemiteite,
geelsug, edeem, parotis vergroting en littekens op die dorsum van die hand.
`n Psigiatriese evaluasie is essensieël vir die uitwerk van geskikte behandelings plan vir die
betrokke pasiënt.
_______________________________________________________________________________________
Kopiereg © Universiteit van Pretoria
9