View/Open

II.
KERKLIKE TOESTANDE TYDENS DIE
GROOT TREK.
Tussen die jare 1836 en 1841 toe die Groot
Trek in volle swang was, is daar slegs agt jong
predikante, na volbragte studie uit Holland
teruggekeer en gelegitimeer. En hulle is almal
deur die Regering aangestel vir en geplaas in
gemeentes wat reeds lank op leraars wagtende
was. En die kerklike bestuur, soos in die vorige
hoofstuk aangedui, het bly voortduur tot 1843,
toe daar in die geskiedenis van die Ned.-Geref.
Kerk 'n voorwaartse stap gedoen is. Aan die
Kerk is op inisiatief van die Goewerneur
Napier vanwee die destydse Wetgewende Raad
'n Ordonnansie (No.7 van 1843 1 ) toegeken, waardeur
aan hom algehele outonomie verleen is om sy
eie wette te maak, te herroep of te verander.
Hierdeur het die Kerk die geleentheid gekry om
hom, wat betref sy bestuur, vryen onbelemmerd
te ontwikkel sonder enige inmenging van die
Staat. We1 moes die Kerk hom aan die bepalinge
van die Ordonnansie hou, maar origens was hy
vry om handelend op te tree waar hy dit in belang
van 8y lidmate nodig geag het. Die aanleidende
oorsaak tot die aanname van hierdie Ordonnansie
was moeilikhede wat in verband met die optrede
van Ds. Robert Shand in die gemeente Tulbagh
ontstaan het en wat die Goewerneur, as nominale
hoof van die Kerk, luidens die Kerk-Order van
De Mist, verp1ig het om hom met die geskille in
1) Aangekondig in die Goewerments-Koerant van 14 Nov. 1843.