View/Open

42
die ouderling Pienaar in die Richmondse distrik
gewoon het, vertrek. Die trek het uit twee perdewaens
bestaan, wat verskaf was deur Mnr.
Barend Burger van Vleikraal, distrik Murraysburg,
en Mnr. Andries van der Merwe van
Schietkraal, distrik Richmond.
Intussen was die teenswoordige Vrystaat geannekseer
en tot Britse grondgebied verklaar.
Oor die anneksasie het daar 'n verbitterde gevoel
van ontevredenheid onder die mense geheers, 'n
verbittering wat uitgeloop het op die slag van
Boomplaas, wat dieselfde jaar op 29 Augustus
plaasgevind het met 'n verlies, weens 'n misverstand,
vir die wapens van die Boere.
Reeds op 9 Maart 1848 was die kommissie gevorder
tot aan die Riet- en Modderriviere. Op verskillende
middelpunte langs die riviere het hulle
godsdiensoefeninge gehou. In Groenkloof aan die
Rietrivier het hulle oorgegaan tot die stigting van
die Ned.-Geref. gemeente Rietrivier in die omtrek
van die plaas van 'n Mnr. W. D. Jacobs,
destyds Sannaspoort genoem na 'n inboorlingvrou
wat in die omtrek verongeluk is. Twee jaar
later is daar 'n dorpie aangele waaraan toe die
naam Fauresmith gegee is ter ere van 'n welbekende
Kaapse predikant, Ds. (later Dr.) Philip Faure,
en die Goewerneur, Sir Harry Smith. Die stigting
het plaasgevind in oorleg met die kerklike kommissie
wat deur Ds. W. A. Krige die vorige jaar
aangestel was. Die kommissie is toe vervang deur
'n vaste kerkraad "die het als hun meer byzondere
pligt zouden beschouwen middelen in het werk
te stellen ter bevordering van de Geestelyke belangen
der Ingezetenen in deze omstreken." 4.) Op
die kerkraad het drie ouderlinge en ses diakens
gedien. By geleentheid van 'n godsdiensoefening
4.) Kaapse Kerkargief 814, pag. 36.