Testament rhetoricael

+
50
+ Heere wilt hu handwerck doch niet versteken
hu bermherticheyt / die zal eeuwich ghedueren
hu erfghename bem ick in dhemelsche Reken
Vader anhoort hu zuene knyebughelick spreken
5 doet gratie leken
ende laet my hulpe duer huwen name ghebueren
heere weist ghenaedich myns tooght ghenaedeghe Cueren
gheen ander god / es in dhemel noch vpder Eerden
dan ghy / die my mueght helpen huut tzondich Trueren *
10 en my bewaeren / van die oyndt myn val begheerden
doch de zonden mynder Ioncheyt / of my die deerden
god der goden / Abrahams god ghebenedydt
ghedynctse niet / duer huwe doodt hooghst van weerden
maer laetse zyn vergheten / my die ghenadelick quyt
15 dat my niet in dyns toornegher gramschaps tydt
tzweerdt huwer iusticien scherpste sne // sla
dat bid ick hu almachtich god / Want ghy zyt
Spes mea domine / A iuuentute mea
Prinche
20 Heere god almachtich Conynck sterck ende groot
ghy die cont den conynghen zalicheyt gheuen
die dauid huwen knecht verlostet huter noodt
vvilt my aermer snoo knecht / duer hu wonden Roodt
ende crucen doodt
25 weerdich maecken / tbouck des leuens tzyn inghescreuen
want onder hu almachteghe handt verheuen
vvil ick gheerne my voughen / als knecht oetmoedich
ende daer ick can huutwortlen tgroenzondich leuen
niet huut vreesen / maer liefden huwer passie bloedich
30 doch heere god myn ziele vvilt vvesen behoedich
dat die in hu oordeel / niet tmynder onvre // sta **
doet zoo ick hu betrauwe / die blyft voorspoedich
Spes mea Domine / A iuuentute mea.
Begravynghe
Myn dood lichaeme / zynde van weerden gheene
datmer me bedryfue gheen pompeuse maniere
maer commet zoo / begraue / met een costken cleene
5 te wetene tsint ianshuus inde Carniere
Tcruce christi / zy myn standaert / en voor Baniere
* ‘sneuen’ is doorgehaald; ‘Trueren’ is erboven geschreven.
** Twee letters zijn doorgehaald op het einde van het woord.
Eduard de Dene, Testament rhetoricael
+ 12 r
+
12 v