Februarie/Maart

Ds Willie Botha
Die verhaal van Wolraad
Woltemade het nog altyd my verbeelding aangegryp.
Gedurende die nag van 1 Junie 1773 het die
seilskip, De Jonge Thomas, tydens ‘n storm op
‘n sandbank geloop. Die reuse-golwe was besig
om die skip uitmekaar te slaan. Sommige van die
matrose het in die water gespring en gepoog om tot
by die land te swem. Min van hulle het egter die kus
gehaal, aangesien die sterk strome aan die mond
van die Soutrivier hulle net dieper die see ingetrek
het. Wolraad was op pad om vir sy seun, Korporaal
Christian Ludwig Woltemade, kos te neem. Ludwig
is deur die Kompanjie beveel om die wrakstukke
en ander kosbaarhede van die skip teen moontlike
buitery te bewaar. Die 65-jarige Wolraad was diep
geraak toe hy die tragiese toneel gadeslaan. Hy was
verbaas dat niemand iets aan die situasie gedoen
het nie. Sonder om te aarsel, het hy sy getroue perd
die see ingestuur en tot by die wrak geswem. Hy het
twee van die matrose beveel om in die see te spring
en aan die perd se stert vas te hou. ‘n Ruk later
was die twee drenkelinge
veilig op die strand. Ná
sewe keer was daar
reeds 14 matrose
veilig aan wal. Met
sy agtste poging het
die wrak skielik
VIR DIE SIEL
Maart 2013 • www.senwes.co.za >
•••
Wolraad Woltemade
Lees Jesaja 40:27 - 31
IN KORT
• Wolraad het die nood van ander mense bo sy
eie behoeftes gestel.
• God is onvergelykbaar groot.
• Juda kon uitdagings bo hulle vermoë aanvaar,
omdat God hulle van sy trou verseker het.
• Net so kan ons ook die uitdagings van die
nuwe jaar vreesloos tegemoet gaan.
ineengestort onder die geweld van die golwe. Dit
het veroorsaak dat ses matrose op die perd en sy
ruiter toegesak het. Vir die moeë perd en ruiter was
die gewig egter te veel en hulle het almal onder
die water verdwyn. Die volgende dag het Wolraad
se liggaam op die strand uitgespoel. Van die 191
mense aan boord De Jonge Thomas het slegs
53 die ramp oorleef, waarvan 14 van hulle deur
Wolraad Woltemade gered is.
Om ‘n nuwe jaar tegemoet te gaan, benodig jy
waagmoed. Almal het iets wat hulle beter, meer
suksesvol of in ‘n ander gesindheid wil doen. ‘n
Nuwe jaar is ‘n natuurlike geleentheid om ‘n nuwe
begin te maak. In Jesaja 40 staan Juda voor ‘n
nuwe begin. Die Ballingskap is verby en God nooi
hulle uit om in ‘n nuwe verhouding met Hom te
staan. In die oë van God is die nasies niks nie;
hulle is soos ‘n stoffie op ‘n skaal. Afgode is ook
nietig en slegs die vaardigheid van mensehande.
God self is egter die Skepper van die hemel en die
aarde. Hy raak nie moeg of mat nie. Sy insig is
ondeurgrondelik. Hy is onvergelykbaar groot. Selfs
jongmanne, in die fleur van hulle krag, raak moeg
en afgemat. Diegene wat egter op die Here vertrou,
vlieg met arendsvlerke. Hulle word nie moeg of
afgemat nie. Op grond van wie God is en wie God
vir ons is, kan ons soos Wolraad Woltemade oor die
kop van sy perd kyk en vreesloos die uitdagings van
die nuwe jaar aanvaar. S
Ds Willie Botha is van die Nederduitsch Hervormde Gemeen
te op Lydenburg. Skakel hom by 082 786 3458 of
stuur ’n e-pos na wbot@absamail.co.za.
63