Klik hier voor het boek in PDF formaat

Welcke resolutie ich neffens dem official den hern leutenant ende
hoevetmannen ingesecht, omme daervan mandaten uuyth te schicken.
[7] Eodem nae den middach hebbe ick uuijth bevelch der samtlijcken hern van Stat
unde Landen dem hern stathalter Verdugo angedeent, dat men entsloeten den
amptman Aijsso toe Wartum nae Nijenhuijs te senden, omme aldaer die schants te
besichtigen ende, indien moegelijck tselve aldaer noch te maecken, den soldaten aen
te besteeden, mits daertoe leverende alle materialen van holt ende plancken; ende
begeerde tot dien eijnde dat Sijn Gen. een brieff an den hopman aldaer wölle laten
schrijven den vorschreven amptman hierin alle addres te willen doen. Daerop Sijn
Gen. alsbald zijnem secretario Sucquet sulx bevoelen an den hopman Rijszwijck te
schrijven.
[13 maart 1589]
10
Lunae den XIII en martij
Maendach den XIII en martij bin ick van onsen genedigen heere statholder Verdugo
int hof gevoerdert, aldaer omtrent X uhren voer den middach gecoemen; heft Sijn
Gen. mij angesecht—derwijlen deselve te bevoir mij toegesacht opt stuck des
doetslachs duer Luitijen Suijwindt alhijr geperpretirt, neet te willen concluderen
sonder voereerst gecommunicirt te hebben mit dem magistrat dusser Stat, ende dan
nu d’advisen van alle capiteins etc. Sijn Gen. schriftlijck toegesunden—dat
daerumme ein erb. Raedt geleven wolle enige tot Sijn Gen. te schicken omme van
der saecke te spreecken.
Des ich alsbald im Rath angebrocht ende ist up den naemiddage besloeten, dat
die vier borgermeisteren des anderen daechs up acht uhren tot Sijn Gen. solden gaen.
[14 maart 1589]
Martis den XIIII ten martij
Dinxdach den XIIII ten martij 1 sindt die vier hern borgermesteren neffens mij sijndico
an den heere statholder gegaen, alwaer Sijn Gen. mij overantwoert die
clufttuijchnisse mit d’advisen der samtlycken hopluijden int stuck des vorsz.
doetslachs, daerbij seggende dat men deselve wölle lesen ende dan volgents als
mede superintendenten der beider veendels adviseren, wat toe doene zij. [7v] Nae
verlesung van dewelcke Sijn Gen. wijders den hern borgermeisteren gevraecht, wat
haerluyden meinunge ende advis seij, daerbij seggende dat—derwijlen alle
capiteinen eendrachtlijck adviserden dat hij dat hoeft verbuert ende daeromme wal
neet noedich die hern desvals te vraegen—nochtans ten respecte der
superintendentie, soe die hern over d’vorsz. 2 veendels neffens Iren Gen. als general
hadden ende gebuerde, soe vraechde Sijn Gen. wat der hern meininge zij. Als
aeverst niemants van allen etwesz gesecht, sagte Sijn Gen.: da die hern dusse saecke
wolden communiceren mit dem gantzen Raedt, mochte wal gescheen.
Darup die hern borgermeisteren affgangen ende tgene vorsz. alsbald im vollen
Raedt gerapportirt, alwaer oick d’advisen vorsz. gelesen und lestlijck nae lange
communicatie geresolvirt dat men Sijn Gen. up een uhren nae den middach soll