Mei - Historische Kring Haaksbergen

1070
DE TAAL VAN HAAKSBERGEN (LX)
BERNARD TE LINTELO (17)
De broedskoo wodden vuer in den stal ezat en duer iedereene bekekken. 't
Beest was der heelemoale beduusd van, nog nooit hadden ze urn zoolange
an staon gapen, 't Was net o'" 't zeggen wol: ,,Ik kan toch neet helpen, dat ze
miej zon mooi strik um den kop hebt ebonden!"
As noo alles op zien plaatse was wodden er nog es epreuvet, ezongen en e-
sprongen en eandeluk gongen ze allemoale vreuluk op 't hoes an.
Zooak al veteld hebbe, wodden vueroet al oaverleg, wee met mekaar zollen
goan as neugers, nen breur van den brugom en een breur van de broed en dan
noaberjongs.
Een dag of wat vuer de broedlachte tradden ze smorgens al biej tieds noar
den brugom, 't zondaagsge pak an, nen stok, met een mooi reusken dran,
in de haand en de pette versierd met strikskes en papieren bloomen. Heel
vrooger hadden ze der nen hoogen hood biej op ehad, de zoerkooltonne,
zeeren grappenmakers.
Ze kregen breefkes met de naams van degennige dee ze vezeuken mosten,
beproaten met mekaar eers, hoo ze 't beste en vuerdeeligste loopen konnen
en noodat ze eerst etrakteerd wazzen, gongen ze der op los.
't Riemsel harren ze good van boeten eleerd, doar mankeerden niks an; um
de buerte zollen ze neugen.
Kwammen ze biej nen boer, dan begon der ééne van de neugers:
Goeien dag in 't hoes!
Wat stoa 'k hier kroes,
Meut miej de hond,
Of ik sloa ne tot stront!
Hier zet ik mien stok en staf
En weet neet wat ik zeggen mag.
Ik stoa hier te stotteren en te stameren,
Ze kiekt miej an oet alle heuke en kameren.
Doar steurt miej hee,
En ik wet neet wee!
Mer loat ik miej ees bezinnen,
Of ik neet weet, woar 'k mot beginnen.
Doar steurt miej Getjaan van Hommelenborg als brugom
en Jannoa van Nettelenkamp as broed,
Dee loat oew neugen
Op ne tonne beer vief, zesse,
'n Aanker foezel tien, twaalven
Een scheppel sokker en ne wanne vol rozienen,
Doar zoi oew Woensdaggenmorgen
Biej Groot Nettelenkaamp op loaten veschienen
Hoesgezetten
Nums der oet vegetten,
Vroo kommen en lange blieven,