06 Hercules des Prez.pdf - familiestories.co.za

73
padmaker en hy behou die aanstelling tot 1710 223 . Vanaf 1702 het hy vervoerdienste aan die VOC gelewer en
in 1707 het hy hout vanuit die Roodezand (Tulbagh) in Drakenstein verkoop. Philippe het ook etes verskaf aan
soldate van die VOC wat in Roodezand teen Khoisan (Boesmans) geveg het. 224
Volgens die “Pad, Wegen en Driften” Rolle van 20 Oktober 1710 was Philippe die “opsiender” om “de paden
driften rivieren” in stand te hou in die Wamakersvallei (Wellington). Sy naam word weer genoem in die rol van
9 November 1711. In 1712 is hy deel van die span wat onder leiding van die opsiener Lodewicus Pretorius die
instandhouding moet doen “Door de Kloof van ‘t Roodezand en in’t land van Waveren van de berg tot aan het
Kleine Bergrivier.” 225 (Tulbagh).
Philippe was ‘n boer. Hy bly aanvanklik op Klipvallei, wat tans deel is van Wellington, in die Wamakersvallei.
Een of ander tyd trek hy na die Land van Waveren (Tulbagh) waar hy woon op Artois of De Hoop.
Die plaas Klipvallei/Klipvlei, wat 30 morg groot was, word op 28 Februarie 1699 aan Philippe toegeken. Die
plaas is tans in Wellington geleë. Philippe behou Klipvallei tot sy dood en daarna gaan dit oor na Elizabeth wat
dit in 1727 aan Pieter Booyens verkoop. 226
Op 1 April 1699 koop
Philippe Dekkersvlei 227
wat 60 morg groot is en
hy verkoop dit weer op 5
Maart 1721, kort voor sy
dood. 228
Kaart nr. 10: Benaderde ligging van Dekkersvlei
Op 11 Maart 1721 bekom
Philippe De Zoete Inval. In
‘n bron word aangedui
dat Philippe die plaas erf
na sy ma se dood 229 . Na
Philippe se dood is
Elisabeth getroud met
Christian Gobrechts en
hulle is daarna geskei. As
gevolg van die verdeling
van die boedel tydens die
egskeiding, moes De Zoete
Inval in 1728 verkoop word.
Opgaafrolle: Drakenstein Distrik: Philippe du Preez 230
Jaar 1700 1705 1709 1712
Mans 1 1 1 1
Gesin Vroue 1 1 1 1
Seuns 1 2 2 2
Dogters 1 2 3 3
Knegte
Slawe Manlik 2 2 5
Vee
Vroulik
Perde 3 4 7 9
Beeste 24 48 103 120
Skape 300 600 900
Varke 2 2
Rog gewen (mud) 10
Koring gewen (mud) 30 20 50 60
Gars gewen (mud)
Wingerdstokke 9000 160 6000 6000
In Augustus 1714 word Artois 231 in die
Land van Waveren (Tulbagh) aan Philippe
toegeken. Dit was 64 morg groot. Daar
word melding daarvan gemaak dat
Philippe die plaas reeds vir 8 jaar as
leenplaas okkupeer het. Daar is nie rekord
daarvan dat hy die plaas as leenplaas
gehad het nie, maar indien dit wel die
geval was, moes Philippe reeds omstreeks
1706 in die vallei gewees het. Na Philippe
se dood gaan die plaas oor na sy
weduwee en toe sy skei van haar tweede
man, koop sy die plaas vir ƒ700. In 1742
koop haar seun, Hercules, Artois van sy
ma. 232
Die plaas De Hoop 233 in die Land van
Waveren (Tulbagh) is in September 1714
aan Philippe toegeken. Dit was 57 morg
© R. J. du Preez Hercules des Prez (a)