KAMP IS LEKKER Februarie 2019 TYDSKRIF

Powered by TCPDF (www.tcpdf.org)

INHOUD
FEBRUARIE 2019
Voorbladfoto:
Die BorderX Boswa maak sy buiging.
`n Kampvuur onder `n Kameeldoring en `n
sterrehemel in Namibië…
DANKIE
AAN AL ONS LESERS & INTEKENAARS!
Ons aanlyn tydskrif KAMPis LEKKER
groei merkwaardig! Neem asseblief
vrymoedigheid om dit te deel met elkeen wat
wil saam Lees, saam Praat & saam Kamp,
want hier word stories gebou !
LekkeRLeeS
`n NUWE BOSWA MAAK SY MERK
DIE LAEVELD ROEP
ONS RY SKOTVRY
KampKIEKIES : KLEINMOND is GROOT
KNYSNA SE BOS
HOE RY DIE BOERE SIT-SIT SO
BALIESGAT
ADVERTEER
tydskrif@lekkerkampplekke.co.za
L
EES SAAM
P
RAAT SAAM
K
AMP SAAM

“Anywhere is Awesome”
Woorde & Foto’s: Werner Pretorius
wwww.
So Bietjie Agtergrond Ons droom
Soos met meeste goeie stories, het ons verhaal begin
met ‘n tragedie, of so het ons gedink...
Kom ons begin by die begin. Ons is ‘n avontuurlustige gesin
van vier gedurig op soek na ‘n nuwe 4x4 tipe avontuur ver
weg van die dolle gejaag van die stadslewe. Ek en my vrou
Desna is albei ingenieurs, ons is 14 jaar getroud en geseënd
met twee jong lewenslustige seuns.
Maar kom ons fokus nou eers op die tragedie: So middel
2017, na jare se vreugdevolle toere met ons 4x4 karavaan
deur Suidelike-Afrika, het ons onsself bevind in ‘n dilemma
in die noordelike deel van Namibië oppad terug van Epupa
valle. Soos almal wat al in daardie deel van die wêreld was
sal weet, Namibië se kurwende paaie kan baie
onvergeefbaar wees vir ‘n mens se voertuig (en karavaan!).
Teen ongeveer 80km/h op die einste grondpad, moes ek
kort-kort rem aanslaan om veilig deur ‘n drif te probeer ry.
Soos die noodlot dit wou hè, het ‘n ander voertuig van voor
stof opgegooi, en ek het nooit die volgende drif gesien nie.
Nie te min, is ons voertuig en karavaan deur die drif teen
seker 60km/h. Dit was nogal ‘n opwindende affêre vir die
kinders, wat net wou hê Pa moet dit weer doen, want dit is
mos lekker! Gou het ek en my vrou besef dat lekker nie
gelykstaande is aan wat noodwending ‘goed’ is vir ons
karavaan nie... Sonder om in te veel besonderhede in te
aan nie, het die karavaan vêr tweede gekom en so het ons
storie met daardie karavaan einde se kant begin staan.
Voor ons die storie van BorderX kan vertel, moet ons nog
‘n paar jaar terug spring. Ons het begin met tent kamp,
soos enige jong getroude paartjie met ‘n voorliefde vir die
buitelewe. In 2012 het ons opgegradeer na ‘n
tweedehandse 4x4 karavaan. Soos dit ons twee ingenieurs
beaam het ons al met ons eerste kamp met die karavaan
die vraag gevra oor ‘n glasie wyn:
Wat wou ONS hê?
“Hoe sal ons dit beter kan doen?”
Luuksheid in die bos hê, soos regte stadsjapies.
Geen noodgedwonge stort na die opslaan (en
afslaan) moet nodig wees nie, met ander woorde
ons is lui, hoe vinniger en makliker hoe beter!
‘n Liggie of twee is nodig, al hou ons van boskamp.
Ek wil seker maak daar is nie ‘n gogga in my sous
nie.
Genoeg spasie. Die gestoei van twee seuns in een
bed werk nie, en nou dat hul ouer word verkies
hulle ook hul eie bed.
Genoeg ‘slim’ spasie. Ons wou darem genoeg
spasie hê om te verklee, sonder om beurte te maak
om buite te staan op ‘n koue winters aand in die
woestyn. Spasie help veral ook as daar ‘n paar
leeus buite jou karavaan ‘n kuier sessie het.
Nie te warm nie te koud. Insolasie is vir ons
belangrik. Met dié dat daar nie altyd die gerief van
‘n kragpunt naby is vir lug versorging nie.
En wat van wilde diere buite die deur? ‘n Badkamer
in ‘n bereikbare afstand moes daar ook ‘n oplossing
voor wees.
En as jy so deur Afrika toer, wat se spaarwiele kry
voorkeur – jou voertuig of sleep-ding?
‘n Nuwe begin

En daar sit ons nou, sonder ‘n ‘kamp-ding’. Wat nou? Ons
het dadelik begin kyk wat die mark aanbied. En daar was
regtig baie goeie opsies op die mark! Ongelukkig net niks
wat aan al ons avontuurlustige vereistes sou voldoen nie.
So begin die storie van BorderX.
Na ‘n klomp bottels wyn (moet asseblief nie vir die ouers sê
nie, maar ‘n klein plasie-vol se wyn) het ons idees op papier
begin vorm aanneem en kort voor lank gevorder tot ‘n selfgeboude
3D hout skaal-model. En teen einde 2017 het ons
geweet wat ons wil hê.
Na baie ure se harde werk, meestal na werk en oor naweke,
het ons drome ‘n vorm van realiteit begin aanneem. Soos
met alle projekte was daar ‘n eind datum: ‘n familie kamp
by Buffelspoort Augustus 2018. So het ons met ‘n karavaan
gaan kamp, sonder ‘n afdak. Kom ons wees eerlik, die toertoer
kamp manier waarvan ons hou, slaan ons gelukkig min
dié ding op.
Was dit nie ‘n interessante kamp nie! Ons het mense gehad
wat ons oorval het om die karavaan te sien, tot mense wat
verby geloop het met opmerkings soos “mense wat te veel
geld het om ‘n wa te kan invoer”.
So het daar iets in ons harte begin gloei – miskien is dit tyd
vir ‘n nuwe begin... Waar ‘n rokie is, kan ‘n vlammetjie tog
ontstaan!
BorderX - Die naam
So hoekom die naam BorderX? Want dié familie wil geen
grense ken nie! Ons lang termyn visie is om Afrika plat te
ry, en as ons klaar is – hoekom daar stop?
Vlekvrye staal onderstel.
Loop op selfde spoor as sleep voertuig.
Bande word aangepas by sleep voertuig met twee
spaar wiele.
Onafhanklike dubbel-as, om sleep stabiliteit te
verbeter.
Bakwerk gebou met goeie insolasie.
Groot luukse buitelewe kombuis.
360° afdak met opsionele kante.
200l bruikbare water spasie.
‘n Dubbel bed, met 2 vol grootte enkel beddens.
Binne en buite voorsien genoeg 12/240V
kragpunte as ook LED beligting.
Baie slim stoor spasie binne en buite.
Toegerus met son krag stelsel.
‘n Klein maar meerdoelige stort/wasbak en portapotty
area.
Daar is plek vir opsionele lugversorging.
So wel ‘n opsionele fietsrak wat nie die stabiliteit
van die karavaan beïnvloed nie.
Onlangse avonture
Oor die laaste paar maande was ons gelukkig om op ‘n paar
kampe te gaan - wel nie ons normale vorm van wegbreek
waar ons bos op avontuur gaan in middel van nêrens nie,
maar tussen mense waar ons ‘n opinie op BorderX kon kry.
Dit is ook waar navrae na BorderX begin groei het.
Mees onlangs was ons vir ‘n eerste keer na die Dinokeng
Resort toe. Salig onbekend met die area, skaars 70km weg
van Centurion waar ons bly... Wat ‘n juweel! Lekker kamp
met baie wild en goed om te doen in die area.
Om net twee van die lekkerste ontdekkings uit te sonder
met ons Dinokeng kamp:
Arlinton Brewery & Cider – hier is die plek om te
gaan in die middag, as ‘n mens nodig het om die
son te ontwyk in die middel van die dag met ‘n
lekker koue plaaslike gebroude bier.
Hoe pas BorderX in by Ons Droom
Soos BorderX realiteit begin word het, was daar geen
grense vir ons. Ons het ‘als’ wat ons wou hê in BorderX se
ontwerp ingewerk. Die luuksheid, slim spasie en vele meer.
Die spesifikasies waarmee ons BorderX karavaan spog sluit
in:

En terwyl jy die bier geniet, kan jy gerus hul kos ook
‘n kans gee, want dit is uit die boonste rakke.
Mystic Monkeys – die plek het ons harte so
aangeraak en ons geïnspireer om ‘n webblad
resensie te skryf op BorderX se Facebook bladsy,
iets wat ons nie normaalweg sal doen nie.
Ons was so aangenaam verras hoe goed die diere
en die grond versorg was. Iets wat ‘n mens nie sien
met sulke groot gronde nie.
Tydens die wegbreek was ons ook wel geseënd met
ongelooflike goeie reën, en winde wat ‘n mens langs die
kus verwag. Gelukkig het ons karavaan se afdak dit
gemaklik oorleef, anders as van ons mede-kampers se
dakke. Dit het hand-aan-hand geloop met die swaar reën
wat Warmbad ondervind het. Ons het natuurlik op “Kampis-lekker”
gesien hoe die dinge daar vinnig skeef geloop het
in Warmbad.
Die weer het nie juis verbeter nie en op die 30 Desember
het ons besluit om eerder veilig te speel, die afdak af te
slaan vir die nag (want dit is so maklik en vinnig om te
doen), en binne gekuier vir die res van die aand.
Nie te min, die volgende oggend het dit gelyk soos ‘n
studente woonstel – bordspeeltjies, ‘n wyn bottel,
koeldrank blikkies en sjokolade papiertjies die wêreld vol.
‘n Aand wat ‘n gesin nie maklik sal vergeet nie!
Terug by die kamp na ‘n heerlike dag by Mystic Monkeys,
vind ons uit die krag is al heeldag af. ‘n Tipiese kamp
probleem: iemand het ‘n tent pen deur ‘n krag draad
gekap. Gelukkig vir ons, is BorderX toegerus met ‘n son krag
stelsel en die probleem het geen effek op ons gehad.
Inteendeel ons kon ons mede-kampers help met ‘n bietjie
koel spasie in ons yskas.
Praat van baie reën, daar was ‘n groot plas water in die pad
reg voor ons karavaan. Dit het ons hope plesier verskaf om
al die kinders deur die modderplas te sien ry. Een kind het
nog ewe afgehak en vir my vrou gesê: “Moet nie worry nie
tannie, my fiets is waterproof!”
Oppad huistoe moes ek natuurlik vir my vrou en kinders
wys my voertuig en sleep-ding is ook “waterproof”.

Die toekoms
Ons is baie opgewonde om mee te deel dat ons ‘n groot 5
week lange RND toer beplan oor April/Mei wat ons die
geleentheid sal gee om die finale skaaf werk aan BorderX
se ontwerp te doen. Wat geniet die familie die meeste: toer
natuurlik! Soos party mense sal sê: “Julle hou van gat
skuur”.
Hoogte punte van ons beplande rit oor sovat 7000km sluit
in Kgalagadi, Sossusvlei, Swakopmund, Etosha, Caprivistrip,
Victoria Waterval, Botswana soutpanne en Kubu
eiland in.
Mense sal ons toer kan volg op BorderX se Facebook
webblad waar ons beplan om met volgers ons hoogte en
laagte punte te deel. So, as jy hou van die buitelewe, om
meer van Afrika te leer, of net hoe om kinders op so ‘n lang
toer te vermaak/besig te hou, volg gerus ons Facebook
webblad.
Ons droom is dat ander families avonture met ‘n BorderX
van hul eie sal kan ervaar. Alhoewel ons baie navrae kry
op die stadium vir BorderX, verwag ons om eers die eerste
offisiële model middel 2019 aan die mark beskikbaar te stel
(sowel as spesifikasies en prys). Die model sal beskikbaar
wees in ‘n 3/4/5 slaper.
Ons motto:
With BorderX
Anywhere is Awesome!

Powered by TCPDF (www.tcpdf.org)

Knysna
se
Bos
…en ek voel oorweldig deur die oomblik, die skoonheid,
die voorreg…
Woorde en Foto’s: JACO GELDENHUYS
Bo: As jy fyn kyk, begin kleure
vir jou sin maak uit die oorvloed
groen.
Volgende bladsy: Flora is ryk in
die bos. Kleur is volop – net
waar jy kyk. Teksture is daar
meer as wat jou brein kan
inneem…
D
ie bos was
rustig en
tevrede. ‘n
Tevredenheid
wat net ‘n bui
reën kan bring. Salige,
deurdringende reën wat
alles kom vernuwe. Haar
geure was in volblom, haar
aarde was nat en poelerig.
Fyn reëndruppels het
skitterend in blertsies son
op die groen loof van
varings, bome en ander
plante gedy. ‘n
Skoenlapper se
verbyfladder het my
aandag getrek, my oë het
haar gevolg tot waar sy
statig op die kleinste van
klein wit blommetjies gaan
land het. Haar vlerke het sy
stadig gewaai, asof in ‘n
welkomsgroet, terwyl sy
drink van die nektar van die
woud.
Ons volg ‘n
tweespoorpaadjie diep in
die hart van die woud, ek
voel ingesluk. My sintuie
werk oortyd, ek probeer om
alles waar te neem, in te
neem en in te drink, maar
die oorvloed oorweldig my.
Ek stop kort-kort en
beskou, neem ‘n foto of
twee en verwonder.
Ek onthou Daleen. Haar
boom en oorskot nie ver
van waar ek loop nie. Glo
800 jaar oud en 40 meter
hoog. Haar inskripsie vertel
van haar liefde vir die plek
en die inspirasie wat sy
kom kry het. Ek staan stil
en eer haar, beny haar. Ek
onthou haar Grootvoete. Ek
verbeel my ek hoor hulle.
Dis net my verbeelding. Ek
hoor ander geluide, baie
geluide.
Paddatjies wat wil paar,
insekte wat mekaar
rondjaag, ‘n tinker wat
skaam agter digte loof roep
en waarsku.
Dan hoor ek die koningin
van die woud roep. Eers
effens hees asof hulle vir
mekaar fluister, omtrent 20
meter bokant my.

Ek herken hulle vorm, hulle
kuiwe is prominent. Ek kyk
teen die lig in, en soek
naarstigtelik na ‘n foto,
maar hulle wil loeries wees
nie modelle nie. Hulle wei
aan geelhoutvruggies, laat
val elke nou en dan een op
die sagte bosvloer. Heel
moontlik voedsel vir ‘n
bokkie of ‘n eekhoring of
dalk ‘n ander voeltjie, later.
Elke nou en dan skarlaken
een se vlerkpunte teen die
helder son, en ek voel
oorweldig deur die oomblik,
die skoonheid, die voorreg.
Iewers anders roep nog 'n
knysna loerie hard en
metaalagtig. Dis tyd om die
nag nader te roep, sy
gebied af te baken.
Dan hoor ek die koningin
van die woud roep…
Ons draai af in ‘n klein
dwarspaadjie, stop by ‘n
gevalle geelhout. Ek skat
sy ouderdom, maar
vermoed ek is verkeerd.
Jong tienerbome beur ten
hemele om sy plek te vat in
die sondeel van die bos.
Varings lyk helderder
groen, stamswamme groei
weliger onder die lig en die
vloer ruik anders as in die
koelte. Ek hang my kamera
aan ‘n wegstaantak. Trek al
my klere uit – ja ek is ‘n
naturis. Ek bly in die
skadukant van die gevalle
boom en voel hoe die bos
my verwelkom met ‘n sagte
misreën. My vel word klam
en die lig om my sag. Dit
word heilige grond. Ons eet
vars perskes uit die Koovallei,
tuisgebakte
hoenderpastei en
Hertzoggies met baie
appelkooskonfyt. Ons kou
saggies, praat niks.
Ek word deel van die
geheel, die bos, die
univers. Ek verwonder my
dat ek soms eensaam en
alleen voel, ek is dan deel
van ‘n groter geheel? Ek
betreur my eensaamdae en
my vergeetagtigheid oor
wie ek is en waar ek inpas.
Skadus van hoë bome
omvou my, die koel bries
hardloop hoendervel oor
my lyf. Muskiete kondig
hulle intensies aan en ‘n
bontpootjie beur tussen my
beenhare deur. Ons praat
min. Beleef. Eet, luister en
fluister af en toe.
Ek sien ‘n strykorkes in die
oopte (met of sonder klere)
en hoor Bach, Mozart en
Tchaikovsky. Ek wonder of
ons mensgemaakte klank
sal afbreek doen aan die
klanke van die natuur.
Besluit dan dit sal nie, ons
is almal deel van die groter
geheel.
“Ek sal terugkom, ek sal deel wees en ek sal glo. In myself,
in ons en ons geheel…”

Die loeries en Grootvoete
sal luister, selfs die
bosbokkies en paddatjies.
Ek sal my verloor in die
oomblik, my sintuie vrye
teuels gee en myself
oorgee aan my plek in die
wêreld.
Ek tel my klere op waar dit
oor ‘n gestorwe tak hang,
skud dit uit vir insekte wat
mog blyplek soek. Trek
aan. Ek noem ‘n ongebore
boom na my naam, en ek
stap saggies terug na die
tweespoorpad. Ek wil nie
huistoe nie, ek wil die bos
my huis maak. Ek wil
vanaand kamp sonder ‘n
tent. Ek wil die sterre my
reisgenote maak, die
gesuis van die wind my
toehoorder. Ek wil takke
hoor kraak, blare hoor
dartel na benede en
paddas hoor sing. My
eensaamheid begrawe in
die skeur van ‘n
boekenhout. My sorge
verdink in die bruin water
wat in sku-poele tussen
boomreuse staan.
Ek moet gaan. Met swaar
voete en hart stap ek op die
glibberige tweespoor. Ek
stop en kyk en soek en
neem fotos. Ek voel om te
huppel soos Daleen se
Nina. Ek probeer en geniet
dit, kamera om die nek en
kersfeeslyf ten spyt. Ek
groet die bos, en maak ‘n
belofte. “Ek sal terugkom,
ek sal deel wees en ek sal
glo. In myself, in ons en
ons geheel.
©JeeGel
2019
Jaco
Bo + Middel: Stamswamme groei
weliger onder die lig en die vloer
ruik anders as in die koelte.
Onder: Die koningin van die woud.
Voetnota: Dis geleë in die
omgewing van Rheenendal op
die Bibby’s Hoek pad.

K a mp
soos ‘n
duke
Duisende gesinne oor die land sit en beplan alklaar weer hoe hulle 2019 Paastyd,
familietyd en rustyd gaan spandeer!
Nou-ja, ongeag in watter kategorie jy val, sal die Duke wynreeks steeds uitstekende geselskap bied. Dis vernoem na die eerste
Duke van Wellington en dié produkreeks van ses verskillende kultivars is die vlagskip van Wellington Wines. Hierdie keur
wynreeks, elk met sy eie nommeraanduiding, vertel ook unieke stories oor die dorp, die kelder en die wyn.
Wellington Wines fokus veral op Pinotage en Chenin Blanc. Dit word ook weerspieël in die talle toekennings wat die kelder
daarvoor ontvang het en dit is dus sinvol dat Duke No1 Pinotage en Duke No 2 Chenin Blanc is. Vir meer besonderhede besoek
gerus ons webwerf by www.wellingtonwines.com.
Arthur Wellesley (1769 - 1852) was die eerste Duke van Wellington en het sy roem verwerf deur Napoleon te verslaan. Die einste
Napoleon het, ironies genoeg, self erken: “Met oorwinnings word wyn verdien; in nederlaag is dit noodsaaklik.” ‘n Glasie wyn is nooit
net wyn of ‘n drankie nie - elke bottel wat oopgemaak word,is die begin van ‘n storie, ‘n meesleurende kampstorie wat selfs in jou
eie agterplaas, om jou eie kampvuur, of tydens ‘n Conqueror-wegbreeknaweer dadelike status kry.
# CampLi keADuke

Skotvry - Toe tot Nou!
“Kamp is nie kamp as jy nie kan
inkruip in ‘n tent nie”.
Regs: “Oupa en Ouma sit op die stoep…”
Die boswa het uiteindelik deel geraak van
die familie…
Onder: `n 2-man Tentjie op Honeymoon –
1995
Heel Onder:
Tente raak groter met “extentions”, want
ons raak meer…
W
aar kom die Skotvry vandaan
en hoe begin ‘n mens nou met
jou kamp storie…seker maar
by die begin!
In menige termes is ons nog
jong getroudes. Al voor ons
troue word daar besluit om ‘n 2-man tentjie te koop en
dit dan deel te maak van ons wittebrood ervaring.
Nodeloos om te sệ daar het die kamp gogga nou vir ons
begin byt teen die see by Tsitsikamma, met net die
tentjie, ‘n “cooler box” en sulke 2 klein kamp stoeltjies.
Woorde & Foto’s : Martin en Marét Scott
Met die pers tentjie het ons ‘n hele paar kampe saam
met vriende meegemaak, selfs die kinders se speeltent
gewees op ‘n tyd, maar so 2 jaar na die troue besluit die
familie dat dit tyd is om almal saam Wildtuin toe te
toer. Ons kyk mekaar diep in die oë (Dis toe nog net
ons 2) en besef ons sal moet opgradeer. Net daar
besluit ons om ‘n tent wat wind en weer bestand is aan
te koop. Martin se woorde was altyd “Kamp is nie
kamp as jy nie kan inkruip in ‘n tent nie”. Dit kom
seker van sy Voortrekker dae af. Die nuwe tent was
maar ingewikkeld om aanmekaar te sit maar hy het tog
sy doel al “in kruipende” gedien! Ons het hom nog
steeds! Hierdie siening het egter vining verander toe
die siele meer raak in die huis en ons moes aanpas by
die omstandighede. Sedertdien het ons tente van alle
geure en kleure gehad, klein tot groot, met “awnings”
en sonder “awnings”, selfs ‘n enkelkajuit bakkie met ‘n
matras was in die geledere.

Met die kinders se byvoeging het die tente al groter
geraak, maar hoe groter die tent hoe meer die kopseer
rondom inpak en menigmaal was daar maar so bietjie
krapperigheid. Vroulief hou van kamp maar sy is nie so
handig as dit kom met die opslaan van die tent nie.
Bakkie inpak raak ‘n groot probleem, maar wat is ‘n
kampman dan nou ook sonder al sy kamp ligte en sy
“gadgets” (ons noem dit KATOETERTJIES – Red)?
Intussen kry ons beste vriende (op daardie stadium
kamp ons toe nou al 15 jaar saam – met tente) vir hulle
‘n boswa en het baie planne vir ons om dieselfde te
doen. Na vele oorwegings word ons oorreed om iets
soortgelyks aan te skaf, die mees basiese boswa wat
ons sak pas. In Marét se oë was dit net ‘n “Venter”
waentjie (eintlik ‘n Challenger Bundu Basher) met ‘n
groot tent wat oopmaak.
Die besef dat ons iets anders sal moet koop raak al
groter. Die aankoop is toe ons eie bed op wiele maar
dit het die eenvoud waarvan ons hou, en ja, Marét gee
weer die staan in ‘n wa prys om “in te kruip” maar die
idee om op die grond en nie in die lug te slaap nie…
fantasties! Ons het natuurlik nog ‘n spesiale plekkie vir
al ons tent toerusting want soos ‘n man nie van sy vrou
sommer ontslae raak nie, raak jy nie van hierdie tipe
goed ontslae nie.Met kamp kom ons dus al ‘n ver pad in
ons kort huwelik, en dis hierdie ervaringe wat ons wil
deel… Skotvry groete vir nou!!!
Maar toe begin die moeilikheid. Nou wil ons net elke
naweek weggaan, dink toere uit en wil net kuier! Met
die baie gekampery besluit ons om die kamp ding ‘n
naam te gee en ons ervaringe per Facebook te deel met
ander, en dis waar Skotvry sy ontstaan het. Met die
boswa slaap die grootmense in die lug en die kinders
op die grond, wat weer gekom het met sy eie kopsere,
want Marét is bang Martin val die kinders dood daar
van bo af, Met ‘n lekker kamp vuurtjie wil Olof mos
ook saamslaap. Marét probeer so min moontlik spasie
inneem en druk haar neus teen die tent aan die
anderkant sodat daar tog net genoeg spasie is. En
Martin sê, “Ek het nog nooit van ‘n bed afgeval, hoekom
sal ek nou!” Die boswa sorg tog vir groot
gesinsvreugdes en menige kampe en toere.
Intussen raak ons ook ouer en die kinders wil nie meer
of kan nie meer altyd saam kamp nie. Die boswa slaan
ook nie so maklik op met net 2 mense nie, want iemand
moet alewig op iets klim.

Koop die 2019/2020
CAMP&CARAVAN boek
en WEN die
Om in te skryf gebruik die
Lekker Kampplekke QR

KLEINMOND
is
GROOT
Kleinmond is `n geliefde en populêre
kusdropie van die Overstrand. Kampeerders en
piekniekgangers besoek oor naweke graag díe
plekkie langs die see om `n vinnige wegbreek te
maak uit die stadsgewoel.
Pierre het op `n ander manier met sy kamera gaan loer watter
ander mooi hou díe gewilde plekkie nog in - anders as net `n
lang en oop strand, en lekker restaurantjies en kuierplekke…

WOORDE & FOTO’S: PIERRE LABUSCHAGNE

Die houtbruggie oor die lagune reg agter
Kleinmond se hoofstrand is n bekende
landmerk daar. Mens sal ook gereeld `n
visserman hier sien staan op die bruggie
wat wag “vir daai grote”!

ealisties
abstrak
JOU KAMERA
SE
sluiterspoed
BEPAAL DIE
EFFEK OP DIE
FOTO…
Moenie bang wees om te eksperimenteer nie!

Bo: Naby die mond van die Palmietrivier begroet hierdie
panorama jou!
Onder: Die stroom versnel soos dit by die see kom, en
soms maak die verskillende kleure in die sand
interessante patrone en vorms. Afhangende van die gety,
kan seewater ook terugstoot in die lagune in…

Palmietrivier
Die stoot
op in `n strandmeer wat
uitloop in die see.
Hierdie gedeelte van Kleinmond is minder bekend, aangesien die meerderheid van
mense eerder hou by die hoofstrand, maar is ewe mooi om te besoek. Vistas soos
hierdie begroet jou as jy die wêreld bietjie beter gaan verken aan die mons van die
Palmiet.

ROTSPOELE
EN -FORMASIES
GAAN JOU
ANDERS NA DIE
SEE LAAT KYK
AS NET `N
STRAND

Bo: Talle rots- en getypoele
besaai die kus, en die
verskillende tye van die dag
het `n kaleidoskoop van kleure
tot gevolg!
Links: Branders slaan teen die
rotse vas met `n dreun en die
soutsproei slaan vas in jou
gesig! Dis see…
Onder: As die son gaan lê
agter die berge, los dit eers `n
goue kleur wat die seewater
soos vloeibare goud laat lyk…

BERGHANGE IN
DIE AGTERGROND
HOU `N WAKENDE
OGIE OOR
BRANDERS WAT
TURKOOIS TEEN
DIE ROTSE
SLAAN.

Powered by TCPDF (www.tcpdf.org)

Gatsrivier
in
die
Ceres-Karoo
‘As
Woorde & Foto’s: PIERRE LABUSCHAGNE
ek dink aan stiltes en ooptes, kom daar
twee plekke in my gedagtes op:
Namibië en Karoo… en Karoo was díe keer
die naaste!’
Soms kry mens die onverklaarbare begeerte
van hier diep binne-af vir stiltes… En ooptes.
Karoo-stiltes en –ooptes! En dis al wat díe
begeerte versadig: Kamp in die Karoo (of in
Namibë).
Alle soektogte in Google vat my na
Gatsrivier. Ek ken nie die plek nie, en ek
weet nie waar dit is nie. Google Earth wys
my waar dit is, en ek weet dis waarnatoe ek
moet gaan. Ek stuur `n briefie met epos om
te bespreek, en ek kry sommer spoedig `n
vriendelike bevestiging en aanduidings.
Perfek! Alles gereël en vasgemaak… Dis tyd
vir pak en ry!
Bo: Gatsrivier se Ceres-Karoo.
Regs: Mooi lê nie net in die vertes en
ooptes nie. Soms net hier reg langs jou kyk
jy vas daarteen.
Volgende Bladsy:
`n Klipmuur uit vroeër tye… Nou net `n
herinnering aan harde, toegewyde handearbeid
wat dit moes bou!

Jy kan op twee maniere daar kom vanuit die
Kaap: via Touwsrivier of via Ceres. Met die
gaan het ek die Touwsrivierpad gery. Nadat
jy van die N1 afgedraai het, is dit `n billike
grondpad wat jou Gatsrivier-toe vat. Nie so
alombekende pad nie, maar mooi en baie
lekker om te ry. Jy ry op die N1 tot net na
Touwsrivier en draai dan af op die
Pienaarskloof-pad. Op hierdie pad hou jy
links waar die bord sê Pienaarspoort.
15.6km hiervandaan is daar weer `n links by
die T-aansluiting en
3.8km verder is die
bord wat Gatsrivier toe
wys. Hier is dit `n
regsdraai. Teen die tyd
weet jy dat jy in die
Karoo is, want die
plaas is net 14km verder en die mooi skreeu
dit reeds uit in jou ore.
Met die terugkom, het ek besluit om die
Ceres-pad te ry – net om te sien hoe dit
verskil. Ek is eerlik as ek sê ek verkies die
Touwsrivier roete. Dis mooier (tot by die N1).
Vanaf die Kaap ry jy na Ceres, waar jy op
die Calvinia/Sutherland pad bly. Dis die R46
wat later die R355 word. Jy ry dan deur die
Karoopoort waarna jy op die R356 afdraai
na Sutherland. Na 7km draai jy regs op die
Patatrivier/Matjiesfontein- pad, en na so
36km draai jy links na Gatsrivier. Die plaas
is 27km hiervandaan, en jy sal oppad
daarheen verby Bakensrivier ry.
Gatsrivier is egte Ceres-Karoo, met ooptes
en stiltes – en sterre – net wat die binneste
wou hê. Die lug is totaal onbesoedel, en die
sterreprag in die aand wag om gepluk te
word. Jy moet egter nie – soos ek – geflous
word deur die naam “Gatsrivier” nie, want
die die kampgeriewe is eintlik langs die
Ongeluksrivier geleë. Hier was ek gelukkig
om nog `n bietjie water te kon kry in die
afloop na `n goeie reënbui die vorige week.
Die kampplekke is ver uit mekaar en jy weet
nie van jou bure nie. Dis
asof jy alleen die hele plek
vir jouself het. Jy kamp
onder Karee en en
Doringbome, wat heerlike
skaduwee gee. Die
ablusiegeriewe is luuks.
Warmwater, en spoeltoilette – net soos
mamma daarvan hou…
Moenie selfoonopvangs verwag nie, want
daar is nie! Iets wat my aangenaam verras
het, was die selfhelpkroeg. Dit werk op jou
eerlikheid, en jy vat wat jy wil, soveel as wat
jy wil, en los jou geldjie in die blik (en dís iets
wat jy nie meer elke dag sien nie). Dit was
bloot net omdat dit so lekker was om weer te
sien, `n plesier om heelwat meer in die
blikkie te los as wat ek moes, en ek glo
almal wil dit so doen. By die lapa is daar ook
`n klein plaspoelletjie – net so vir die ergste
hitte. Dis nie regtig `n swembad nie, maar
dis genoeg om die dag se ergste hitte te
laaf.

koms, en dit ontvang jou met oop,
vriendelike Karoo warmte. Bespreek jý ook
sommer vandag nog jou besoek daar, want
Gatsrivier sien mý beslis weer!
Stappplek en ryplek is daar genoeg! Daar is
behoorlike 4x4-roetes en staproetes, so as
jy aktief wil bly, vat die pad en gaan verken!
Jy sal nie spyt wees nie! As jy wild wil sien,
ry `n draai Bakensrivier se kant toe – net
buite die hek. Hier is die Zebra’s en
Swartwildebeeste mak gemoeg om lekker
foto’s te kan neem.
Gatsrivier is die antwoord vir jou as jy stiltes
en ooptes soek. Dit wag geduldig op jou.
Bo: Klipformasies in die
Ongeluksrivier.
Middel: Asemrowende vista’s op
`n 4x4 roete. Die ooptes van die
Ceres Karoo wat jou uitnooi met
vriendelike warmte.
Goed vir die binneste!
Onder: Die waterval wat jy met
jou 4x4 kan besoek.
Links:
Zebra’s wat mak naderstaan as
jy geduldig genoeg is.

Kontakbesonderhede:
Selfoon: +27 87 802 8440
WhatsApp 1: +27 83 444 5839
WhatsApp 2: +27 82 886 2386
E-pos: info@gatsrivier.co.za
*Whatsapp & E-pos word twee maal per dag
gelees.
GPS-Koördinate:
S32°53’26.8” | E20°16’56.7”
Tariewe:
R120 per staanplek per nag
R55 per persoon per nag
Maks 6 persone, 1 voertuig
Kinders: Onder twee gratis /
Onder 12, R30 per nag
Neem kennis:
Spoeltoilette en gas geysers
Elke staanplek het `n eie kraan
Tstaanplekke is uit mekaar en baie
privaat
Bring asseblief eie swartsakke saam
Afkoel plaspoel
Geen troeteldiere
Foto’s: Gatsrivier Webtuiste

Wees voorbereid
Kamp is Lekker
Gaan orals
RSI SMARTKITCHEN ROOF MOUNTED TABLE RSI SMARTRACK
011 974 0370 SALES @ SMARTCANOPY.CO.ZA

BALIE’S GAT
Onmiddellik word daar gestap na die swemgat naby die kamp.
Hier kan jy sit onder die waterval vir 'n heerlike massering.
S
o 2.5 uur vanaf Kaapstad
kondig die padpredikant
aan dat Baliesgat voorlê en
dat ons nou op die Piet
Esterhuizen pad is! Die avontuur
begin! Verby die eerste
haarnaalddraai begroet die vallei
jou en die pad kronkel berg af tot
onder in die vallei. Ry maar lekker
stadig, dit is nie nodig vir 'n 4x4
nie, maar 'n hoë grondvry motor is
noodsaaklik! Party plekke is die
pad hoog uitgebou teen die
afdraende. Dit moes 'n
ongelooflike taak gewees het, om
sewe winters met pik en graaf
hierdie pad vir 'n ossewa te bou.
Die pad is vir die eerste keer in
1945 gebruik, eers daarna is dit
verbreed en is vir die eerste keer
vir die publiek in 1951 oopgestel.
Daar was 'n brand in 2017, maar
die veld is vinnig besig om mooi
te herstel! Die Leeurivier loop en
mens kan die groot swemgat
vanaf die pad sien!
“Lekker soos in
heerlik, soos
mens sal sê:
“Van sy ma af”!
Daar word laer getrek, al die tente
word opgeslaan onder heerlike
koeltebome, op 'n groen grastapyt.
Teen die wand en beskerming van
die Boesmanklip word die
kombuis ingerig.
Al die sorge is nou weggewas!
Omdat hier nie selfoonontvangs
en elektrisiteit is nie, kan jy al jou
probleme by die huis los en ten
volle ontspan!
As Marius en Yvonne Bothma, se
mobiele winkel opdaag met ys,
hout, droë vrugte, tuisgemaakte
konfyt en heuning, kan jy ook jou
bestelling plaas vir môre se
roosterkoek! Lekker soos in
heerlik, soos mens sal sê: “Van sy
ma af”! Ons bestel ook

geelperskes, vars gepluk, wat ons
kan saamneem huis toe.
Die groot swemgat moet ook
uitgetoets word. Terugstap al met
die toegangspad en oor die
laagwaterbruggie, word daar in
die rivier baljaar. Party lê soos
dassies in die son en bak! Oh la la,
het jy jou faktor 40 sonbrandroom
aangesmeer?
Die son sak agter die berge en ek
glo hier sal dit lekker donker
word. Presies wat mens nodig het
om die sterreprag te bewonder!
Na 'n vol dag moet die swart potte
prut en die braaivleisvuur moet
brand! Kampstories en
lawwigheid gaan mos hand aan
hand! Ons lig 'n glasie, en klink op
die lewe! ...dit is hoe dit gelewe
moet word! Vreedsaam en
ongekompliseerd!
Na 'n heerlike warm stort, val jou
oë toe en jy droom van die
paradys, dit is mos waar jy nou is!
Laaste ronde vir daardie swart
koffiekan! Kan tyd so vinnig
verby vlieg?
Daar is baie stappaadjies en die
volgende dag durf ons die kloof
aan met die privaat waterpoele.
Sorgvry dobber jy rond as die tyd
stilstaan! Jy besef die Bloukop
Koggelmander kan jou dophou,
maar wat maak dit saak? Jy geniet
die kwaak van die paddas en die
verskillende Naaldekokers wat
van plant tot plant vlieg.
Ons gaan kyk ook na die twee
pragtige selfsorg hout huisies.
Heerlik privaat! Hier word geen
honde toegelaat nie! Honde met 'n
rustige geaardheid word wel in die
kamp toegelaat met vooraf
reëling.
As jy 'n natuurliefhebber is, is
hierdie die plek vir jou! Baliesgat
se kamp is nou vyf jaar oud en hul
beplan uitbreidings aan stap/draf,
bergfiets en 4x4 roetes, maar hul
verseker dat die rustigheid behoue
sal bly!
Waarvoor wag jy?
Regs van bo na onder: So kamp
mens mos by Balie’s Gat teen
Boesmansklip: Rotspoele, `n
vuurtjie, `n wyntjie… Koelte en
rustigheid: Dis mos LekkeR Kamp!
Vreedsaam en
ongekompliseerd!

HOE RY DIE BOERE
SIT-SIT-SO

“Wanneer jy jou 4x4 koop, n
goeie een, het jy reeds
heelwat uitgehaal om in die
spogwa uit te hang, maar
dit is wanneer jy begin
opgradeer dat jou beursie
knak.”
Woorde & Foto’s: THEUNIS NEL

N
ie net knak soos ‘n
takkie nie maar knak
sonder die n. Hoeveel
manne en vroue sien jy
deesdae op die pad met al wat n
opgradering is, op hul 4x4. Enige
iets van ‘n kappie, nuwe wiele en
bande tot duur ingevoerde
suspensie. Al die, om ‘n beter en
gemakliker avontuur aan te pak.
Is daar nie ‘n goedkoper en
makliker manier om die vrotpad
aan te pak nie? Nou praat ek net
vrotpad want jou 4x4 kan wel
gebruik word om kinders by die
skool op en af te laai en om werk toe terug te ry. As dit jou ding is om met al die opgraderings in die stad
rond te ry sodat almal kan sien jy is Camelman of vrou, is die volgende opsie dalk nie vir jou nie.
“Hier is ‘n oplossing, ‘n veeldoel voertuig wat beslis
‘n tweede kyk werd is.”
Dit is geen geheim dat Polaris die mark regeer wanneer dit kom by Side-by-sides (SxS) of soos ons goed
gedink het – ‘n sit-sit. Met hul nuwe General wat sedert 2016 in die mark kompeteer, het hul nou die leemte
tussen resiesperd en werk esel gevul.
Die Resiesperd is Polaris se RZR, wat gemik is op die mark wat Dakar slaafs volg en graag baie vinnig
sonder te veel talent, die sand en vrotpad aandurf. Dit is hul super vinnige 1000cc turbo aangedrewe twee
silinder monster. As jy gedink het jy kan nie 140 km/h op ‘n vrotpad vlieg nie dan het jy nog nie die RZR

gery nie. Gepraat van Dakar, in die SxS klas het polaris se Factory Team ‘n tweede, derde en vierde plek
behaal in die sieldodende Dakar wedren.
Die werksesel, Polaris se Ranger, is die kanniedood hulp vir enige plaasboer, wilbewaarder, jagter en nog
ander buitelewe-werk. Die Ranger se enjingroote begin van 500cc en gaan op na 1000cc. Jy kan
verskillinde modelle aanskaf na gelang van toepassing, daar is self’s ‘n diesel weergawe!
Die Ranger se bak agter kan tip, sodat jy voer – of ander - kan aanry en maklik tilt by die aflaaiplek.
Wanneer dit by die sit-sit kom gaan dit oor wat jy daarmee wil doen wat jou keuse gaan beïnvloed.
Die Polaris General is n kruis tussen die RZR en die Ranger. Die
ongelooflike 1000cc enjin – nie turbo aangedrewe – is in die
General. So ook die gemaklike ryposisie en kajuit baie soortgelyk
aan die RZR alhoewel die General se sitplekke effens hoër
gemonteer is vir maklike in-en-uit wanneer jy die sit-sit gebruik om
te werk. Die Ranger het ‘n baie meer regop ryposisie en is beslis
nie so gemaklik as die ander twee nie.
‘n Ander voordeel van die General is sy deure wat groter is as die
van die RZR met die Ranger wat nie met deure uitkom nie. Die
beskerming wat dit bied teen takke en klippe en gemak in draaie
en ongelyke vrotpad help baie.
Daar is genoeg pakplek binne in die kajuit met n paneelkissie en middelkonsole wat diep en beskerm is
met ‘n deksel. Daar is ook ‘n usb prop om alle sooste elektroniese katoeters te laai.
Soos die Ranger het die General ook die laaibak wat kan tip. Dit maak in my opinie van die General die
ideale sit-sit.
Moenie vergeet van al die opgraderings wat op die General gepas kan word nie. Van groter wiele en
oorverdowend-waterdigte klank asook elektronies verstelbare suspensie. Dit stop nie daar nie want Polaris
het aan als gedink, windskerms van verskillende grootes, volgrote deure, ligte, dakrak, verdrote
stampraam voor en agter en natuurlik als in verskillende kleure.
Ons moet ook nie vergeet dat die General ‘n almintige
2500kg kan sleep en 960kg in die laaibak kan dra.
Die automatiese ratkas het opsies wat elektronies verstel
kan word van tweewiel aandrywing tot vierwiel aandrywing.
Die viewiel aandrywing is ongelooflik en maak die sit-sit
onregverdig maklik veral oor klip-vrotpad. Natuurlik help die
EPS (Electronic Steering System) om als maklik
hanteerbaar te maak.
Die stuurwiel verstel op en af maar die feit dat die klokke vas is aan die stuurwiel se meganisme help dat
jy van enige posisie duidelik alles op die klok kan sien. Natuurlik is die klok digitaal en kan jy met die druk
van ‘n knoppie van die een na die ander lesing spring.
Al die polaris modelle kan bestel word in ‘n 4 sitplek weergawe ook. Die langer wielbasis het sy nadele
maar beslis ook n voordeel in dat jy twee extra passasiers kan karwy.
Ek het heelwat al 4x4 gery, nog meer
motorfiets maar het nog nooit ‘n rit so
gemaklik gevind as die Polaris General nie.
Die sit-sit is eenvoudig net glad soos seep,
hy eet die vrotpad op. Die gemaklike
ryposisie, vrag en gladde automatiese aandrywing maak dat enige nuweling dadelik kan inklim en ry! Die

Polaris sit-sit maak dit baie maklik vir mamma om ook saam op jul vierwiel avontuur te kan gaan, die gevoel
van sekuriteit wat die voertuig jou gee, sal haar gou die prinses van vrotpad maak.
Die pryse tussen die verskeie modelle verskil en jou handelaar sal vir jou ‘n paket kan uitwerk wat jou sak
sal pas
As jy nog meer genot uit jou volgende avontuur wil put is die sit-sit dalk jou antwoord.
vra: “Maar kan hy koffie maak?”
Nee, dis sommer `n tong-in-die-kies-ek-trek-jou-been-vraag!
Ons sal nogal wat wou gee om ons hande op só sit-sit te kry vir `n LekkerKamptoetsrit…

083 7764629

volstruise en enkele ander diere wat vreet en suip en in die son
bak.
LAEVELD
“En dit was aand en dit was môre,
die tweede dag…”
Die Sondagoggend is besig om mooi ryp te word onder die
vroeë son se strale. Ek staan traag op uit die bed, maar die
gedagte aan ‘n wegbreek ver van selfone en ander media
produkte, maak dat ek die stort binnestorm en langer onder
die stomende warm water staan as wat nodig is.
Die kontrolelysie op die eetkamer tafel word sorgvuldig en
stelselmatig afgetik, en die motor word gepak met presisie.
Gemaklike klere en die nodige padkos en daar trek ons. Ons
vind vinnig die snelweg en kronkel
en woel tussen Sondagverkeer deur,
en dan druk ons die motor se neus
al met die N4 langs. Verby Witbank
(Emahlahleni) en Middelburg mik
ons verder voort, Laeveld toe. Ons
stop by Azu en rek bene, verkyk ons
aan die mense en geniet die uitsig
van die manstoilette. ‘n Groot
glasvenster is reg bo die urinebakke
aangebring, en elke man kan na
buite kyk terwyl hy die Moeder
haar sin gee. Maar dis nie sommer net vir kyk nie. Reg voor
jou is daar ‘n kamp vol Kaapse buffels en witrenosters, emoes,
“Ons dryf in die water en laat toe
dat die Moeder en haar elemente al
die stres en moeg en sweet van ons
kaal lywe afspoel. Ons gaan sit by
die vuur en laat toe dat die
behaaglikheid van haar hitte, die
hoendervel op ons lywe wegkrimp.”
‘n Volstruiswyfie tree ook nader met haar kroos van sewe, wat
wankelrig om haar voete skarrel. Pa met sy swart veredos hou
die agterhoede. Daar is ‘n jong wyfie wat dit nader waag aan
die volstruisgesinnetjie, en die moeder vererg vir haar en met
waaiende vlerke sit sy die stukke in agter die vlugtende
jongeling. Kroos is blykbaar aangesê om nie te roer nie, en
hulle lê asof gevries met nekkies laag op die grond. Ek verkyk
my aan die interaksie en die gestoei om sosiale status onder die
buffels. Sommige van hulle het swaar lywe en swaar horings,
en domineer selfs die renosterkalfie wat te na aan die kosbak
kom. Sy ma hou haar oog nie van die norse buffels af nie, en
snork so af en toe. Toe onthou ek ek staan nog half ontbloot
voor die porseleinbak.
Ons gaan maak ‘n draai by die lewensgrootte bronsstandbeeld
van die witrenoster wie se horing al skitterblink deur hande
gevat is. ‘n Paar toeriste hang halflyf
oor die beeld om selfies of kamerafotos
te neem. Wegneemete plekke is
ingeryg langs mekaar, en die geur van
gebraaide kos hang swaar in die lug.
Ons klim met die trappe af, en gaan kyk
na die opgestopte olifant wat staan
gemaak is naby die diere se weikamp.
Weer moet ons koes om uit een of ander
Europese fotoalbum uit te bly.
Ons koop water in bottles (Still) en
druk aan. Die Hoëveld is nog nie vol in
die gras nie, maar energietorings en steenkoolaanlegte staan
soos industriële seeroë in hierdie wonderlike deel van ons land.
Die pad maak sy gewone kronkels en tolhekke staan bakhand

en oopbek en wag vir jou bydrae tot die instandhouding van
die pad (en sommige se beursies). Ek moet sê, die toestand van
die pad is goed, en verkeer vloei maklik. Dis net asof ‘n mens
so bietjie hakkel met die verkeer as jy by Carolina se afdraai
kom. Padbeplanners was nie op hulle heel wysste toe hulle daar
gebou het nie, maar dit daar gelaat. Ons kom ongeskonde daar
deur, hoewel ons vir ‘n voortvarende taxi en ‘n passasiersoplaaiende-trok
moes swenk.
Ek sak al dieper in die passasiersitplek, en is sommer lus om
my plakkielose voete op die paneelbord van die motor te sit.
Musiek uit die 70’s, 80’s en 90’s speel saggies in die
agtergrond. Ons kou aan Woolworths hoender, frikkadelle,
vetkoekies, mini burgers en sagte jellielekkers.
Net voor ons by Waterval Boven kom, swenk ons weg
noordoos. Naamborde nooi on suit om Nelspruit van ‘n ander
hoek af te betree, maar ons hou koers. Ek gaan vinnig op
Google en soek slaapplek vir die nag. Uit die argiewe van
onthou delf ek die naam van ‘n Tentkamp op die Sabierivier
op en vra aanlyn of daar ‘n beskikbare plek is. Die antwoord
kom spoedig en positief, en ons weet ten minste waar ons
vanaand gaan slaap. Intussen geniet ons die berge en die
natuurskoon. Ons wiele rol verby teeplantasies,
boomplantasies en af en toe ‘n lap aangeplante weiding. So dan
en wan skuur ons verby ‘n padstal waar oranje lemoensakkies
gestrop in rye hang, en avokados en neute in rye voor die sink
kontrepsie staangemaak is. My mond water vir sitrus en ryp
avokado en my ore verlang na die klank van okkerneutdoppe
wat kraak. Hier sal ek kan bly en rustig wees. Het altyd gesê
dat sou ek ooit ‘n beroep kry na hierdie deel van die land, sal
ek eers trek en dan bid en hoor of ek moes gaan.
Ons sluit aan by die pad tussen Nelspruit (Mbombela) en
Sabie, net daar waar die Mac Mac valle oor die afgrond stort,
en ons swenk links. Die hoë reguit stamme van duisende
bloekoms wil-wil mens intimideer, maar ons besluit op die
ingewing van die oomblik om te oortree. Ons sien ‘n
afdraaipaadjie met ‘n bordjie wat wys “Geen Ingang”, maar
ons ignoreer dit en vaar ‘n ent in die woud in. Ons stop, verken
die wêreld en klim uit. Die geur van bloekomolie maak
sommer die sinusholtes so met die uitklimslag skoon. Ek rek
en strek en voel waaghalsig omdat ek, ontrou aan my sin vir
respek vir padtekens, was. Ons pak die padkos, wat gereduseer
is tot peuselkos, uit op die enjinkap van die motor en ons eet,
neem fotos en luister na die stemme van die bos. Ons voel ‘n
behoefte om naturisties te wees, en ontbloot onsself aan die
magdom van bome. Net die plakkies aan ons voete bly. Die
Moeder roep weer, na bykans twee liter water, en ons laat los
sommer teen iemand se toekomstige A4 papier.
Ons draai om en oor die volgende knop lê die juweel van Sabie
in laatmiddaglig onder ons. Ons ry stadig, beskou bosse en
bosse frangipani en bougoainvillea wat baldadig in pienk en
pers en selfs wit oor heinings hang. Ons lees elke padaanwyser
deeglik tot ons die bekende naam: Sabie Riverside Tented
Camp raaklees. Ons draai en ry nog stadiger oor die Sabierivier
en bereik ons bestemming. Die wag is bly om ons te sien, en
drafstap voor ons uit om ons semi-permanente tent vir ons aan
te wys. Ons sien een met ‘n beter ligging, en ‘n en-suite
badkamer, en vra na prys en beskikbaarheid. Hy het nogals ‘n
naam in hout aangebring teen die kant van die tent. So pak ons
af en begin ons goedjies indra in Tent Jaco. (Sekere goed in die
lewe is net bedoel om te wees).
Dis net ons en nog ‘n ouer toeriste paartjie in ‘n tweemantent
wat oorslaap vanaand. En toe die son haar kop laat sak agter
die berge met hulle trosse plantasies, en die paddas begin
kwaak in die systroom van die Sabierivier hier voor ons, toe
skink ons ‘n whisky en steek die vuurtjie brand. Salig is nie
beskrywend genoeg vir my ervaring nie. Ek hoor ‘n ritsluiter
van die tweemantent, wat toerits en ek hoor motordeure klap.
Ek loer om die hoek en sien hulle eet uit vanaand iewers by ‘n
restaurant in die dorp. Toe hulle agterligte om die verste hoek
verdwyn, staan ek op en raak van al my klere ontslae. Soos ‘n
olimpiese duiker diep ek in die koel, effe te koue, water van
die swembad en kom op om my asem terug te kry. Ons dryf in
die water en laat toe dat die Moeder en haar elemente al die
stres en moeg en sweet van ons kaal lywe afspoel. Ons gaan sit
by die vuur en laat toe dat die behaaglikheid van haar hitte, die
hoendervel op ons lywe wegkrimp. Na ons tweede dop, het ‘n
nagreier iewers in die riete gekrys, en die krieke het hulle
aangesluit by die paddakoor. In die verte lui ‘n koshuisklok en
die geraas van voertuie word stiller soos die horlosie se wysers
aanstap.
Ons bure keer terug, en ons glip ongesiens in ons tenthuis in.
Ons maak waterbottels vol water, sit dit in die
vrieskompartement van die yskassie in die hoek. Ek gaan staan
weer onder die warm stort, en ruik hoe die chloor teen my lyf
afspoel. En toe gaan slaap ons, met tentflappe wat netjies
opgerol is, en die maan wat skewebek deur die boomtakke vir
ons loer.
En dit was aand en dit was môre, die tweede dag.
©JeeGel

Gauteng
Jannie Engelbrecht
0836316995
jannie@kubu4x4.co.za
Wes-Kaap
Anton Venter
0823314128
antonkubu4x4@gmail.com
Ten volle Verseker
Volledig Toegerus
Reg vir Oorgrens toere
www.kubu4x4.co.za

CONQUEROR
Northgate
Gaan waar jy wil..
Jou opsies is nou onbeperk
Conqueror Northgate is Sa se #1 Conqueror handelaar vir die
laaste 3 jaar. Ons dienste sluit in verkope van nuwe en
gebruikte Conqueror produkte. Verhuring van Conqueror
Karavane en Boswaens, dienste en herstel werk, sowel as
was en skoonmaak van Karavane en Boswaens.
Ons het self ons eie tentwerk fabriek by die winkel sodat ons
kan omsien na al ons kliënte se behoeftes.
Tel: 011-026 6350 / 011-025 8298
Epos: sales1@conqueror-jhb.co.za
SA Karavaan & Boswa
van die jaar 2017 & 2018

Kampplek beskikbaar, veskaf deur: www.you2camp.com
Kontak: loret@lekkerkampplekke.co.za

MOLENRIVIERPLAAS
N A A S T E D O R P :
G r o o t b r a k r i v i e r S T R E E K : S u i d - K a a p
M
olenrivierplaas is in n groen
kloof langs n plaasdam op 'n
werkende plaas. Die woudbedekte
kloof onderhou n verskeidenheid
voelsoorte en verseker n natuurlike
rustigheid. Net 9 grasbedekte
staanplekke onder halfskadu vir n
baie rustige kampervaring.
Elke staanplek het krag en n draagbare
braai. n Besonderse ablusie wat booor
die dam gebou is sal nie teleurstel
nie. n Gasgeiser verskaf deurentyd
warm water. Kom ervaar stilte en
rustigheid in n baie veilige omgewing. .
Aanwysings
Ry met die teerpad uit Grootbrakrivier na die dorpie Friemersheim. 10km buite
Grootbrak is ons afdraai na regs by ons naambord: Molenrivier. volg die
grondpad/2 spoor betonpad vir 400 meter tot in die kampplek.
Kamp Staanplekke 9
Persone Per Staanplek 6
Grondbedekking Gras
Toeganklikheid Grondpad
Troeteldiervriendelik
Swemplek Dam
Kontak persoon
Marius Myburgh
Kontak nommer
083 216 0018

LIKBEKER KOFFIE
kom uit die hartjie van Montagu, wat met
'n innoverende lug-rooster metode en top
gehalte Arabica bone ‘n suiwer geurige
Bkoffie produseer met ‘n heerlike aroma.
KOOP

Adverteer.
jou besigheid hier.
Stuur n epos aan: rikus@lekkerkampplekke.co.za
Rikus Truter
Kamp Paklys
C u s t o m e r s
P a g e V i e w s
5 5 9 2 4 V i e w s
2 0 4 3 0 0
1 7 , 2 0 0
3 , 1 8 4 , 3 8 5 o o r
f o l l o w e r s
L i k e s
( 6 3 1 3 6 )
1 2 m d e t y d p e r k
a a n l y n
D o w n l o a d s
W e b b l a d
t y d s k r i f
g e b r u i k e r s
J A n 2 0 1 9
5 1 2 , 6 5 3
9 1 % v a n o n s g e b r u i k e r s e n L e d e w o o n i n S u i d - A f r k a
Gegrond op statistiek en databasis van 300 000 plus lede
Jy is welkom om met ons kontak te maak om jou
kampverwante besigheid te adverteer.