Utgåve nr.2 - Fylkesmagasinet
Utgåve nr.2 - Fylkesmagasinet
Utgåve nr.2 - Fylkesmagasinet
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
<strong>Fylkesmagasinet</strong> 02 / 2010<br />
18<br />
Villmannen<br />
Ein stad i Sogn / Ein austlending mellom steile<br />
toppar i Sogn. Skjegg som frys til om natta. Soppforgifting<br />
og blåskjel til analyse. Kristoffer Clausen<br />
har ikkje tak over hovudet eller fast forsyning av<br />
mat. Han skal greie seg på naturen sine premissar<br />
i eitt år.<br />
Den uvanleg strenge vinterkulda som har herja Sogn og Fjordane<br />
nyleg fekk dei fleste av oss til å skru opp varmen og hutre godt når<br />
vi måtte ut. Men tenk deg at du budde under open himmel, med<br />
berre eit bål og ein sovepose som vern mot tosifra kuldegrader?<br />
1.august 2009 vandra ungkaren Kristoffer Clausen ut frå Frønningen<br />
og inn til dei djupe skogane ein stad i Lærdal kommune,<br />
saman med gordonsetteren Frøya.<br />
– Eitt at kriteria mine var å unngå polarkulde i området, så der<br />
vart eg litt lurt, ler Clausen og konstaterer at det har blitt fleire<br />
netter med meir enn 20 minusgrader i det siste. – Det viktigaste for<br />
meg var å komme til eit område med ein god hjortestamme, så eg<br />
kunne fylle kvoten min og sikre meg kjøt, kombinert med tilgang<br />
til fjorden og gode aurevatn. I tillegg har eg nesten berre ein grunneigar<br />
å halde meg til i det området eg har vore i, det er også ein<br />
fordel.<br />
Nedtur / – Sjølv om det har vore kaldt har klimaet levd opp til<br />
forventningane mine. Det har vore veldig lite nedbør til Vestlandet<br />
å vere, det er omtrent innlandsklima her eg her halde til, seier han.<br />
I byrjinga haldt han til høgt i lia, no har han kome nærmare<br />
fjorden.<br />
– Først hadde eg ein gapahuk litt oppe i fjellsida, no er det sjølvkonstruert<br />
lavvo lenger ned mot fjorden. Etter kvart som veret blir<br />
betre er planen å utforske Sognefjorden i kano, og padle heilt ut<br />
til havet også, fortel han.<br />
Cirka halvvegs er den store oppturen å sjå at han meistrar naturens<br />
utfordringar.<br />
–Då eg byrja ante eg jo ikkje om eg kom til å klare dette. No<br />
har eg vore ute i naturen i snart seks månadar og er omlag halvvegs.<br />
Den store oppturen vil eg seie er å ha kome så langt som eg<br />
har gjort, og kome gjennom kuldeperioden. Eg kjenner at eg meistrar<br />
det, og kan klare å halde ut fram til august, seier han. – At det<br />
skulle bli så kaldt, og at det skulle gå så greitt å bu ute i kulda, er<br />
blant dei største overraskingane så langt.<br />
Men det har ikkje berre vore oppturar.<br />
– Eg fekk ein sterk nedtur etter at hjortejakta var over og eg<br />
hadde fått skote ein stor bukk. Eg hadde opplevd mykje, og fått<br />
gjort mykje av det eg hadde lyst til når eg reiste ut. Og så var det<br />
framleis ni månadar att av prosjektet. Det var ein periode der eg<br />
verkeleg måtte ta meg saman og ikkje dette i hop, minnast han.<br />
Nok mat, stor utfordring / Så langt har det vore matauken<br />
som har bydd på størst problem. >>