Utgåve nr.2 - Fylkesmagasinet

Fylkesmagasinet 02 / 2010
22
Gunhild lærer deg å stå på ski
Luster / Den store norske mytologien seier nordmenn
er fødd med ski på beina. For nokon kan det
vere meir utfordrande å vite kva ein skal gjere med
dei. Men, det finnast hjelp å få. HarmanSki kan gjere
deg til ein god skiløpar på nokre effektive timar.
– To timar med personleg rettleiing gjev skikøyraren
tid til å forstå, øve og meistre skikøyring.
Det er nok til at eg klarar å gjere ein
nybyrjar så god at han kan klare seg sjølv i
bakken, og får eit godt grunnlag til å utvikle
seg vidare frå. Ein slik dobbeltime privatrettleiing
kostar 980 kroner, seier Gunhild Harman,
som står bak enkeltpersonsføretaket
HarmanSki. Ein moderne, liten skiskule. – Eg
rettleier i telemark og alpint, for nybyrjarar
og vidarekommande i alle aldrar, i form av
grupperkurs og privatrettleiing. Eg held for
tida til på Sogn Skisenter, på Heggmyrane,
som eg samarbeider veldig godt med.
Den Alpine Lærevei / Etter ni sesongar
som skiinstruktør og skilærar på små og store
skiskular rundt om i verda har Gunhild opparbeid
seg lang erfaring, som ho no har skapt
si eiga bedrift frå.
– Eg er godkjent ISIA skilærer, som er den
høgaste skilærarutdanninga ein kan ha internasjonalt.
ISIA (The International Ski Instructors
Association) har 38 medlemsland, som
har definert eit minstekrav for kva skilæra-
rane må meistre, og utdannar ISIA-godkjente
skikærarar. I Noreg må ein ha bestått fire
trinn som tar fleire år, gjennomført ei bestemt
mengde timar praksis og bestått ein firedagars
eksamen. Så vidt eg veit er det ingen i Norge
som har bestått ISIA-eksamen på mange år,
før kullet mitt våren 2009, slår ho fast.
Ho har funne ut at det er mange vegar til
målet, men nokre kan vere kortare enn andre.
Dei siste to åra har ho derfor utarbeidd Den
Alpine Lærevei.
– Eg har sett kva som fungerer og ikkje, og
teke med meg det som er bra og fungerer i
høve den erfaringa eg har, for å lage eit produkt
som eg sjølv meiner er det optimale
innan skirettleiing. Den Alpine Lærevei er ein
heilskapleg grunntanke om rettleiing på ski,
der skikøyraren utviklar, forbetrar og raffinerer
sine skiferdigheiter til å sjølv kunne utfordre
skia og terrenget. Med det grunnlaget kan
skikøyraren få unike opplevingar, seier ho.
Gunhild er fokuserer på at skikøyraren må
forstå korleis skia fungerar.
– Ein må vite kvifor en skal gjere alle desse
tinga, og eg er svært opptatt av at skikøyraren
skal føle seg trygg. Det blir ein ved å kunne
stoppe når ein sjølv vil, bremse så lite eller
mykje som det passar, og svinge dit ein sjølv
ønskjer. Ein kan ikkje sprenge grenser før ein
er trygg der ein er, slår ho fast og understrekar
at det er noko alle kan oppnå. – Skikøyring er
for alle. Ein må ikkje vere meir enn nokre år
før ein kan starte litt forsiktig, og eg har hatt
fleire nybyrjarar over 70 år. Skikøyring er ein
fin aktivitet for dei som ikkje treng haste på
arbeid kvar dag, som kan tilbringe dagen ute i
sol og frisk luft, lovar ho med eit smil.
Hektisk første halvår / Skiskulen starta
Gunhild i haust, samstundes med ny utdanning.
– Eg starta opp i august, og sidan har det
vore full fart, slår Harman fast og ler. – Eg studerer
også Geologi og geofarer på Høgskulen
i Sogn og Fjordane i Sogndal, så det har blitt
mykje telefonar i friminuttet og jobbing i
ledige stunder. Det er alltids noko som skal
gjerast, eller ein telefon ein skulle tatt når ein
etablerer og skal drive eige firma. Eg starta
med å sikre domenet harmanski.no, sidan har
ballen rulla, smiler ho og understrekar at ho
har fått god hjelp. – Innovasjon Norge gav
meg støtte til å starte opp. Eg har også fått
utruleg god hjelp og støtte av kjærasten min.
Han har hjelpt med nettside, plakatar, visittkort,
jakkemerke osv. Det er ingen andre skiskular
i området, så eg vart teken vel i mot ved
Sogn Skisenter. Dette blir ei utruleg spennande
tid framover, seier ho og fortel vidare. – Eg
planlegg etter kvart å gjere tilbodet meir kjent
ved å bruke Facebook og andre metodar som
ikkje krev store kostnader. Og eg håpar nøgde
gjester, fortel og anbefaler HarmanSki til venner,
kjente, kollegaer og familie, seier ho og
smiler breitt.
– Korleis har du blitt motteke i marknaden?
– Det er mange gode skikøyrarar her i
området, noko eg trur kan inspirere fleire til å
ville bli betre. Eg har hatt bra med påmeldte
på kursa, og får stadig fleire som vil ha privatrettleiing.
Eg er nøgd med tilstrøyminga av
skikøyrarar som ønskjer å bli betre. Dei kjem
frå heile regionen, og i alle aldrar, seier Harman.
Sivilingeniøren som ville stå på ski /
Årsaka til at ho studerer geologi har med tidlegare
utdanning å gjere.
– Eg er utdanna sivilingeniør innan matte og
fysikk, med spesialitet innan biofysikk og
medisinsk teknologi frå NTNU. Men eg hadde
veldig lyst til å dra ut i verda, lære språk og
lære om korleis andre lever på denne kloden.
Dersom eg kunne kombinere det med å stå på
ski og tene litt pengar syntest eg det høyrdes
veldig spennande ut. Eit par veker etter at
diplomoppgåva mi var levert reiste eg til New
Zealand for å jobbe med ski. Då vart utdanninga
sett litt på vent. Eg har veksla mellom å
jobbe som skiinstruktør i Australia/New Zealand
og Austerrike/Norge i fleire år. I dei ulike
landa fekk eg lære språket betre og korleis dei
underviste skikøyring, samstundes som eg fekk
ta del i det daglege livet der. Det har lært meg
at vi som bur i Norge har det utruleg godt og
er veldig privilegerte, avsluttar ho.
Tekst / Roy Sunde
Lurer du på utbytte av
skirettleiing?
Her er Gunhild si sjekkliste for
deg som lurar på om du ville hatt
utbytte av skirettleiing
* Kan du stoppe når du vil?
* Går det greitt å køyre heis?
* Klarer du å holde farten nede
så mykje som du ønskjer?
* Svingar skia med deg oppå,
eller bestemmer du når og
kvar du og skia skal svinge?
* Klarer du å variere svingane
med liten/stor radius og
mykje/lite kanting og beinvriding?
* Ein kan kante på 3 måtar,
ynskjer du å lære meir om dei?
* Svinger du S- eller Z-svinger?
* Bruker du stavane med funksjonelt
stav isett?
* Ynskjer du å lære kortsving
eller carvingsving?
Foto / Bjørn Gjelsten
Foto / Joachim Vie
Foto / Bjørn Gjelsten
Fylkesmagasinet 02 / 2010
23