Utgåve nr.2 - Fylkesmagasinet

More documents

Recommendations

Info

<strong>Fylkesmagasinet</strong> 02 / 2010 18 Villmannen Ein stad i Sogn / Ein austlending mellom steile toppar i Sogn. Skjegg som frys til om natta. Soppforgifting og blåskjel til analyse. Kristoffer Clausen har ikkje tak over hovudet eller fast forsyning av mat. Han skal greie seg på naturen sine premissar i eitt år. Den uvanleg strenge vinterkulda som har herja Sogn og Fjordane nyleg fekk dei fleste av oss til å skru opp varmen og hutre godt når vi måtte ut. Men tenk deg at du budde under open himmel, med berre eit bål og ein sovepose som vern mot tosifra kuldegrader? 1.august 2009 vandra ungkaren Kristoffer Clausen ut frå Frønningen og inn til dei djupe skogane ein stad i Lærdal kommune, saman med gordonsetteren Frøya. – Eitt at kriteria mine var å unngå polarkulde i området, så der vart eg litt lurt, ler Clausen og konstaterer at det har blitt fleire netter med meir enn 20 minusgrader i det siste. – Det viktigaste for meg var å komme til eit område med ein god hjortestamme, så eg kunne fylle kvoten min og sikre meg kjøt, kombinert med tilgang til fjorden og gode aurevatn. I tillegg har eg nesten berre ein grunneigar å halde meg til i det området eg har vore i, det er også ein fordel. Nedtur / – Sjølv om det har vore kaldt har klimaet levd opp til forventningane mine. Det har vore veldig lite nedbør til Vestlandet å vere, det er omtrent innlandsklima her eg her halde til, seier han. I byrjinga haldt han til høgt i lia, no har han kome nærmare fjorden. – Først hadde eg ein gapahuk litt oppe i fjellsida, no er det sjølvkonstruert lavvo lenger ned mot fjorden. Etter kvart som veret blir betre er planen å utforske Sognefjorden i kano, og padle heilt ut til havet også, fortel han. Cirka halvvegs er den store oppturen å sjå at han meistrar naturens utfordringar. –Då eg byrja ante eg jo ikkje om eg kom til å klare dette. No har eg vore ute i naturen i snart seks månadar og er omlag halvvegs. Den store oppturen vil eg seie er å ha kome så langt som eg har gjort, og kome gjennom kuldeperioden. Eg kjenner at eg meistrar det, og kan klare å halde ut fram til august, seier han. – At det skulle bli så kaldt, og at det skulle gå så greitt å bu ute i kulda, er blant dei største overraskingane så langt. Men det har ikkje berre vore oppturar. – Eg fekk ein sterk nedtur etter at hjortejakta var over og eg hadde fått skote ein stor bukk. Eg hadde opplevd mykje, og fått gjort mykje av det eg hadde lyst til når eg reiste ut. Og så var det framleis ni månadar att av prosjektet. Det var ein periode der eg verkeleg måtte ta meg saman og ikkje dette i hop, minnast han. Nok mat, stor utfordring / Så langt har det vore matauken som har bydd på størst problem. >>
<strong>Fylkesmagasinet</strong> 02 / 2010 Kristoffer på mataukejakt.
Page 1 and 2: INFORMASJON Fjord, fjell og bratt m
Page 3 and 4: Fylkesmagasinet 02 / 2010 Majorstue
Page 5 and 6: Fylkesmagasinet 02 / 2010 «Står o
Page 7 and 8: EPOSTINTERVJUET Fylkesmagasinet 02
Page 9: Fylkesmagasinet 02 / 2010 16 - Kjæ
Page 13 and 14: Fylkesmagasinet 02 / 2010 24 236 cm
Page 15 and 16: Fylkesmagasinet 02 / 2010 JOBB LEDI
Page 17 and 18: Fylkesmagasinet 02 / 2010
Page 19 and 20: FYLKESKRYSS 29 Fylkesmagasinet 02 /
Page 21 and 22: Fylkesmagasinet 02 / 2010 40 Amerik
Page 23: X LÅG PRIS 990 COOP KAFFI Filterma

Utgåve nr.2 - Fylkesmagasinet

You also want an ePaper? Increase the reach of your titles

Delete template?

Save as template?