Knut Walde: - den 12. mann

Ikkje bygd på kjensler
– Kan det ha ein negativ verknad for
laget når somme av spelarane har signalisert
at dei vil bort?
– I praksis verkar dette langt mindre
negativt enn folk ofte vil ha det til.
Tilhøvet mellom klubb og spelar er ikkje
først og fremst bygd på kjensler. Klubben
er ein arbeidsplass for spelaren, og folk
byter jobb – også i fotballen. Så lenge
dei fungerer bra i kontraktsperioden, så
er det det som er avgjerande for laget.
Kjell Tennfjord meiner likevel det finst
ei allmennmenneskeleg side som kan
gjera seg gjeldande i fotballen på lik line
med ein kvar annan arbeidsstad: Når
nokon har bestemt seg for å slutta, er det
ikkje uvanleg at motivasjonen vil dala.
Overdimensjonerte
reaksjonar
– Forstår du oppstyret rundt Azar
Karadas sin overgang til Rosenborg?
– Reaksjonane har vore overdimensjonerte,
synest han og vil gjerne understreka
at for spelarane handlar fotball om
eit profesjonelt forhold, ikkje om kjensler.
– Kva ein ungdom seier det eine året,
kan ikkje brukast mot han det neste. Det
går an å ombestemma seg. Dessutan veit
vi ikkje om Azar er rett sitert i media,
påpeikar han og trur i alle fall at det
Azar har sagt, har vorte overdimensjonert
i media. – Så langt vi kan sjå, er
Azarovergangen heilt kurant. Dei tre
partane, spelar, seljande klubb og kjøpande
klubb, var einige og godt nøgde,
seier Tennfjord.
Tennfjord vil likevel gjerne understreka
at heile sanninga rundt ein overgang
ikkje alltid kjem fram i media. Det kan
ha skjedd noko bak kulissene som vi
ikkje kjenner til. Han understrekar at
dette er eit heilt generelt synspunkt som
ikkje er kopla til Azarsaka. Derimot er
det bygd på eigne erfaringar frå tidlegare
saker.
Supportaren ”elskar” drakta
– Men kan du ikkje forstå at supportarane
reagerer på Azar sin overgang til
“erkefienden” Rosenborg sett i lys av
Azars tidlegare kjenslereaksjonar som
Brannspelar?
– Nei, det kan eg ikkje gå med på. Azars
ungdommelege entusiasme der og då er
ikkje avgjerande. Ein supportar “elskar”
ikkje spelaren, men drakta. For supporta-
ren er det uinteressant kven som er inni
drakta – så lenge laget vinn. Drakta er
det avgjerande, påpeikar Tennfjord og
nemner som døme det store innslaget av
utlendingar som spelar i klubbar som
Chelsea, Arsenal og Liverpool – utan at
supportarane gjev opp laget sitt av den
grunn.
– Azar insisterte på at han var forsvarspelar
i Brann, sjølv om Teitur helst
ville bruka han som spiss. No spelar
han spiss i Rosenborg. Kva tenkjer du
om dette?
Trenaren bestemmer
– Dette har to sider. Den eine gjeld kven
som bestemmer kva posisjon ein spelar
skal ha. Her er det heilt klart at trenaren
bestemmer; det er den profesjonelle
haldninga. Ein spelar kan sjølvsagt koma
fram med kva han har lyst til, og er dette
i samsvar med trenaren sine prioriteringar,
er sjølvsagt ingenting betre. Men spelar
og trenar sine ynskje går ikkje alltid i
hop. Medan spelaren ser på seg sjølv, må
trenaren ha totalbiletet for auga. Då er
det heilt klart at spelaren må innretta
seg etter det trenaren bestemmer.
– Den andre sida er kvar eg meiner at
Azar har sin styrke. Vi henta Azar til
Brann og vurderte det slik at han hadde
klart størst potensiale som stoppar. Han
kan nok vera god som spiss, men vil
neppe nå eit høgt internasjonalt nivå i
den rolla, meiner Kjell Tennfjord, som
derimot ikkje ser problem med at Azar
vert brukt som spiss i einskildkampar og
samanliknar med korleis han brukte Per
Ove Ludvigsen i Fyllingen.
Av Åshild Samnøy
Den 12. mann 2/2002 Side 25