HVO-nytt 1-95 - Høgskulen i Volda

HVO-nytt
Informasjon frå Høgskulen i Volda. Boks 500, 6101 Volda. Tlf: 70 07 50 00 Faks: 70 07 50 51
I redaksjonen: Rektor Måseidvåg, høgskuledirektør Driveklepp og informasjonskonsulent Brandal
Prekær plassmangel
ved HVO
Høgskulen i Volda slit med prekær plassmangel. Studentalet er dobla frå 1988,
og høgskulen har no om lag 2200 heiltidsstudentar. Rektor Sverre Måseidvåg
meiner at situasjonen no er så alvorleg at det går ut over både tilsette og
studentar. Måseidvåg vonar at Stortinget løyver 5 millionar kroner i samband
med revidert nasjonalbudsjett slik at grunnarbeidet for det nye
høgskulebygget kan ta til i år.
-Vi har eit stort udekka behov for
undervisnings- og spesialrom. Arealet
pr. student er under halvparten av
departementet sine normer, og eg tek
ikkje for hardt i viss eg seier at
Høgskulen i Volda er blant dei verst
stillte høgskulane i landet i så måte,
seier rektor Måseidvåg.
Nei til nye studieplassar
Måseidvåg seier vidare at han grunna
den vanskelege romsituasjonen måtte
takke nei til førespurnad om å ta imot
30 nye studieplassar ved førskulelærarutdanninga
i Volda.
Løyvingar
Rektor Måseidvåg forventar at Stortinget
følgjer opp budsjettinnstillinga
frå utdanningskomiteen der det står å
lese: «Fleirtalet vil spesielt peike på
behovet for utbygging ved Høgskolen i
Ivar Aasen-instituttet
Agder, Høgskolen i Ålesund og
Høgskulen i Volda. Fleirtalet ber
Regjeringa vurdere dette og kome
attende til prosjektmidlar i samband
med revidert nasjonalbudsjett».
- Med 5 millionar kroner i 1995 vil vi
greie å følgje Statsbygg sine planar om
å få det nye høgskulebygget
innflyttingsklart våren 1997, avsluttar
Måseidvåg.
STØTTE FRÅ STUDENTANE
Studentleiar Remi Stridh gir rektor
heilhjarta støtte når det gjeld
romsituasjonen ved høgskulen.
-Vi har akseptert dei vanskelege tilhøva
som ei kortsiktig nødløysing, men ein kan
ikkje halde fram som no. Studentane i
Volda ventar difor at Stortinget løyver
midlar slik at nybygget står klart til
innflytting i 1997, seier studentleiar Stridh.
Som styresak 13/94, i møte 27. oktober 1994, behandla styret for Høgskulen i Volda
spørsmålet om Ivar Aasen-instituttet med omsyn til: mål og arbeidsoppgåver, namn,
organisering, styre, administrasjon, fagleg tilsette og samband med Ivar Aasen-tunet.
I vedtaket heiter det: «Høgskulen i Volda vil
prioritere arbeidet med få eit Ivar Aaseninstitutt
etablert som del av høgskulen
snarast råd. Instituttet skal utvikle eit breitt
og formalisert samarbeid med Ivar Aasenstiftinga
og Ivar Aasen-tunet.»
Namnet til den nye eininga ved HVO vart
vedteke til å vere: Ivar Aasen-instituttet.
Senter for nynorsk språk og kultur.
Deretter vart det sett ned eit utval for vidare
planlegging og konkretisering, som starta
arbeidet i januar 1995. KUF nemnde denne
saka i tildelingsbrevet av 19.1.95 til dei
statlege høgskulane for budsjetterminen
1995: «Vi viser til innstilling frå kyrkje-,
utdannings- og forskingskomitéen der
komitéen ber departementet i samband med
med tildeling av stillingar for 1995 leggje til
rette for at Høgskolen i Volda vert knutepunkt
i Norgesnettet innanfor fagfeltet
nynorsk språk og skriftkultur. »
Utvalet for vidare planlegging la fram ei
tilråding i februar 1995, og kjem med
framlegg om at Høgskulen i Volda allereie i
1995 bør utlyse stilling som forskingsleiar/
instituttstyrar, og at nærare konkretisering
av organisatoriske, administrative,
økonomiske føresetnader bør starte opp
etter nedsetjing av eit arbeidsutval så tidleg
som mogleg i 1995.
PÅ SPISSEN
Nr: 1/95
Informasjonsflyten hos oss er aukande; innover
i organisasjonen og utetter. Via dataskjermen
kommuniserer vi med kollegaen i nabokontoret
og kollegaer ved universitet i Australia eller i
USA så å seie samstundes. Det er ingen
grenser, ingen konvoluttar og ingen ventetid.
Likevel satsar vi på å nytte det gamle, gode
arket som informasjonsberar frå HVO til deg
og andre gode samarbeidsvener.
Vi vonar du vil setje pris på eit lite brev i ny og
ne med nytt om laust og fast i Volda.
Vi har mykje å gle oss over: Dei tilsette i
administrasjon, undervisning og forsking
imponerer dagleg. Arbeidsglede og vilje til
innsats for kvalitet, utvikling og vekst er
framståande.
Ønska om vidare kompetanseheving er sterke
og gledelege.
Studentane studerer, og dei har også overskot
til å gjennomføre eit av dei store kulturinnslaga
vinterstid på Nordvestlandet: Studentveka í
Volda. Ein kjempesuksess med over 200
bidragsytarar.
Vi har ein fagprofil på studia våre som dekkjer
både regionale og nasjonale behov. Søkinga
til Volda er difor stor, men no har vi verkeleg
plassproblem. Vi skal truleg ta opp 65 nye
studentar til hausten. Desse vil bli lokaliserte
til Kristiansund.
Vi har eit ønske, og vi har eit krav: Grunnsteinen
i det nye høgskulebygget i Volda må
leggjast ned i 1995, og bygget stå ferdig til
studiestart 1997.
Med helsing
Sverre Måseidvåg
Lærarutdanninga
i Volda 100 år
Lærarutdanninga i Volda skal feire sitt 100års
jubileum komande haust. I jubileumsveka
5. til 12. november vil det bli avvikla ei
rad ulike arrangement, og programmet
spenner frå konsertar og utstillingar til
faglege seminar på nasjonalt nivå.
Hovudkomitéen for 100-års jubileet vert leia
av rektor Sverre Måseidvåg. Avdelingsrådsleiar
Odd Ragnar Hunnes er sekretær. I tillegg er
det sett ned ei rad andre komitear som arbeider
med ulike programpostar.

Nasjonale og internasjonale
konferansar og seminar
Høgskulen i Volda har teke på seg å arrangere fleire større konferansar/
seminar i 1995. Høgskulen vil kome ut med meir informasjon om desse
konferansane i løpet av våren.
Avslutningskonferanse for Norsk
forskningsråd sitt program for
bygdeutvikling
Tema: Ungdom og distrikt/bygdemiljø.
Målgruppa vil primært vere forskarar i
Norden, og det blir lagt opp til eit deltakartal
på mellom 50-100.
Tidspunkt: 6. - 8. juni.
Førsteamanuensis Kåre Heggen er leiar i
planleggingsgruppa.
Nasjonal fagkonferanse i pedagogikk
hausten 1995
Dette er ein fagkonferanse som har vore
skipa til 3 gonger tidlegare og da lagt til
universitetsmiljøa. Forskningsrådet er ein
viktig bidragsytar i arrangementet. Ein
reknar med om lag 200 deltakarar.
Det er sett ned ei arbeidsgruppe med dosent
Peder Haug som leiar.
Møreforsking Volda er ein sentral samarbeidspartner
i desse to arrangementa.
1. Avdelingsrådet skal på grunnlag av delegasjon
frå styret og innafor rammer fastsett
av overordna organ (departement og styre)
ta avgjerd i saker som gjeld:
- bruk av tildelt budsjett i samsvar med
budsjetterings-/styringsmodell som
skissert i saksframlegget og innafor
neddelte postar
- organisering av studia og av studieåret
- avdelinga si FOU-verksemd
- godkjenning av fagplanar som følgjer
nasjonale rammeplanar (jf styrereglementet,
§ 5 nr 6)
- gjennomføring av dei vedtekne
studietilboda innafor ressursrammene
- utpeike medlemer til råd og utval når slike
ikkje skal veljast
- velferdsordningar for tilsette og studentar
innafor avdelinga si budsjettramme
- fråsegn i saker avdelingsrådet blir forelagt
(av overordna styresmakter) eller som det
ønskjer å uttale seg om
På saksområde som ikkje er nemnde
ovanfor, eller i tvilstilfelle, avgjer rektor
Vestlandslærarprosjektet -
Forskingsseminar i Volda
Vestlandslærarprosjektet er ein del av
nettverksprosjektet Skulen som
kulturinstitusjon (SKOLE-KULT) og
finansiert av Norges Forskningsråd.
Samarbeidspartnerar er universitetet i Oslo
(danningsprosjektet) og universitetet/
SEFOS i Bergen (yrkesskoleprosjektet). Ein
gong kvart år blir det halde ein forskingskonferanse
i regi av SKOLE-KULT.
Hausten 1995 er det Volda og Vestlandslærarprosjektet
som blir vertskap.
Prosjektmedarbeidarar i Vestlandslærarprosjektet
er: Arne Apelseth, Peder Bergem,
Reidun Høydal, Jon Olav Myklebust,
Jostein Nerbøvik og Sveinung Vaage.
Lærarutdanningsrådet
legg sitt rådsmøte 30. - 31. mars 1995 til
Volda.
WORLD WIDE WEB
Meir infomasjon om konferansane over
vert å finne på:
http://www.hivolda.no
etter samråd med avdelingsrådsleiar om
avdelingsrådet kan treffe endeleg vedtak.
2. Avdelingsrådet fremjar tilråding til
høgskuledirektøren, som førebur sakene
overfor styret eller andre overordna organ i
saker som gjeld:
- verksemdsplan
- budsjettframlegg
- nye studietilbod, inklusive desentraliserte
opplegg og studium organisert som
fjernundervisning
- nedlegging av studietilbod
- endring av studentmåltal og rammer for
opptak
- kandidattal
- behov for lokale eller vesentlege endringar
i bruken av lokale
- endringar i intern organisering og
styringsordning
- forslag til oppnemning av medlemmer i
organ der avdelinga skal vere
representert og der andre instansar
oppnemner
PUBLIKASJONAR
Amanuensis Øystein Sande har gitt ut monografien
Lesernærhet i en norsk lokalavis. En avishistorisk
studie av Drammens Tidende og Buskeruds Blad.
Skriftserien nr. 48, 204 s.
Førsteamanuensis Sveinung Vaage saman med Ingrid
Carlgren og Gunnar Handal har vore redaksjon for
boka Teachers’ Minds and Actions. Research on
Teachers’ Thinking and Practice. Bidragsytarane kjem
frå både nær og fjern: Danmark, Finland, Hong Kong
og USA. Falmer Press, London 224 pp, January 1995.
Amanuensis Jan Inge Sørbø har gitt ut boka Essay
om teologi og litteratur. Det er ei essay-samling på vel
400 sider om litteratur og kulturdebatt. Samlaget 1994.
Moen,Vegard og Øie,Anne: Spesialundervisning.En
kartlegging av undervisningen for barn og unge med
særskilte behov i grunnskolen og den videregående
skolen. Møreforsking, Volda 1994. (111 s.)
Haug, Peder: Formulering og realisering av
utdanningspolitikk. Om det politiske arbeidet med å
innføre skulefritidsordningane og skule for 6-åringar.
Møreforsking, Volda 1994. ( 382 s.)
Haug, Peder: 6-åringane - barnehage eller skule.
Samlaget 1994 (223 s.)
Lindén, Hilde, Øie, Anne og Haug, Peder: Mellom skole
og fritid. Univ. forl. 1994 (177 s.)
Jorunn Braute og Christofer Bang: Bli med ut! Barn i
naturen. Univ.forlaget 1994. Boka kom no i november
og er m.a. tenkt som lærebok i førskulelærarutdanninga.
Asbjørn Flemmen: "Idrettsutdanning og vitenskapssyn
sett i forhold til nytt grunnfag ved Norges
idrettshøyskole. - refleksjoner omkring to mulige
utviklingsretninger i idrettsfaget." Artikkel i magasinet
Kroppsøving, nr. 5 og nr. 6 ( To delar).
Styret delegerer mynde til avdelingsråda
Styret for Høgskulen i Volda viser til «Reglement for styre, styringsorganer, råd og utvalg ved de nye høgskolene», § 6
nr 2 og til saksutgreiinga, og fastset oppgåver og mynde for avdelingsråda, slik:
3. Avdelingsrådet kan drøfte og fremje
tilråding i alle saker som etter rådet si
meining direkte eller indirekte vedkjem
avdelinga.
4. Styret delegerer til rektor å ta avgjerd i
løpande saker som ikkje kan utsetjast til
neste styremøte.Rektor får vidare fullmakt
til å ta avgjerder i prinsipielle spørsmål av
fagpolitisk karakter etter samråd med
prorektor og avdelingsrådsleiarane.
5. Styret gir høgskuledirektøren fullmakt til
å opptre som arbeidsgivarrepresentant på
vegner av høgskulen.
Høgskuledirektøren får vidare fullmakt til å
gjere nødvendige justeringar i den interne
administrative organiseringa, definere
stillingsinnhald i administrative stillingar og
til å omprioritere administrative stillingar
innafor vedtekne totalrammer, gjeldande
lover, Hovudavtale m.m.