- kommunedelplan for energi, klima og ureining ... - Luster Energiverk

Miljøplan for Luster kommune
ulike næringsaktivitetar og transportsektor, avfall og stasjonær energibruk. Det viktigaste
verktyet er i denne samanhengen plan- og bygningslova, som mellom anna gir kommunane
mynde til å ta miljøomsyn inn i planlegging av bustadstruktur og infrastruktur, samt leggja til
rette for bruk av lågverdige, ”reine” energikjelder til oppvarming.
Måla i St.meld. 34 vart støtta av Arbeiderpartiet, Sosialistisk Venstreparti, Senterpartiet,
Høgre, Kristeleg Folkeparti og Venstre i klimaforliket på stortinget januar 2008, med
ytterlegare ambisjonar om mellom anna satsing på kollektivtransport og energifleksibilitet i
offentlege bygg.
1.3.2 Ny plan- og bygningslov
I den nye plan- og bygningslova (01.07.2009) vert det fastslått at kommunane skal ta
klimaomsyn ved planlegging, og at dei skal utarbeida planar som reduserer energibruk og
transportbehov. Lova opnar for at kommunen kan stilla ei rekkje krav; mellom anna kan
kommunen i ei generell planføresegn fastsetja at nye utbyggingsområde skal tilretteleggjast for
vassboren varme, områda vert då viste som omsynssoner på plankartet. Kommunen kan også
fastsetja krav om tilrettelegging for vassboren varme i den einskilde reguleringsplan, og
eventuelt fastsetja ei rekkefølgjefråsegn som betingar at energiforsyninga er løyst før
utbygginga startar.
1.3.3 Fylkesdelplan for klima og miljø
Fylkestinget vedtok 24.3.2009 ein ny fylkesdelplan for klima og miljø. Føremålet med planen
er å vurdera korleis fylket på ein mest mogleg effektiv måte kan medverka til at Noreg når sine
klimapolitiske mål. Dessutan ynskjer ein å laga ein politikk og utforma tiltak for å avgrensa
skadeverknadene av ei framtidig klimaendring i Sogn og Fjordane. Fylkesmannen oppmodar
kommunane i Sogn og Fjordane til å utarbeida kommunale miljøplanar.
Side 6