Årsmelding 2006 - Fjell kommune

Johannes Spilde Lie, Trygve Titland Danielsen, Kim Olav Kjus Selje,
Malin Sæter Møvik, Sara Elisabeth Abdi-Dezfuli.
Elevar frå 7. klasse - Ulveseth skule - OSIKUS prosjektet
Kjekkare å gjere leksene no
Å ta i bruk IKT for å gjere undervisninga meir
nyskapande og spanande har vore drivkrafta
i det så kalla OSIKUS-prosjektet som starta
opp i 2006. OSIKUS står for Open Skule –
Interkommunalt UndervisningSamarbeid og er eit
samarbeidsprosjekt mellom skulane i Fjell, Sund og
Øygarden samt Hordaland fylkeskommune.
7. klasse ved Ulveset skule var dei første som tok
i bruk dette verktøyet i undervisninga i Fjell. I
stadan for berre tavleundervisning, brukar dei
PC’en som eit virtuelt klasserom. «It’s learning» som
læringsplattforma heiter, er lagt opp slik at elevane
hentar og løyser oppgåver, finn lenkjer til relevant
bakgrunnsmateriale, lastar ned filer med filmar eller
lydklipp og mykje meir. – Vi brukar det mykje til
lekser, seier Johannes. Vi kan starte å jobbe med
noko på skulen, og så kan vi gå inn på PC’en heime
og jobbe vidare. Det er veldig bra, seier han.
Sara Elisabeth er einig. -Men no har vi ingen
unnskyldning for ikkje å gjere leksene lenger dersom
vi er sjuke eller bortreist, for vi kan berre gå inn på
«It’s learning» og få tak i leksa der, sukkar ho.
Elevane synest alle at det er kjekkare å jobbe på PC’en
enn å skriva i kladdebøker og følgje med på tavla.
–Her er det masse kult, mattespel og mykje anna
som vi kan prøva oss på, seier Trygve.
-Vi kan senda meldingar til kvarandre eller til
lærarane også dersom vi lurer på noko, seier Malin.
-Men det er ikkje alltid vi får svar med ein gong ,
påpeikar Kim Olav.
Det både lærar og elevar ønskjer seg aller mest, er
fleire PC’ar. Klassen på 29 elevar har 14 PC’ar på
deling. Det blir litt venting før alle får gjort det dei
skal.
23