Planskildring - Bergen kommune

Arealdelen av kommuneplanen for Lindås kommune
Grønstruktur
Det er sett av areal til grønstruktur på Lindås og Seim. Området på Seim er ein markert høgde
som ligg ubygd blant stort sett bygde område, og vil blant anna kunna brukast til uorganisert
leik. På Lindås er det sett av eit større og eit mindre område i tilknyting til nye byggeområde, og
som skal inngå i områderegulering. Det er òg sett av eit areal ved gravplassen (tidlegare
næringsareal) som ikkje har krav om områderegulering.
5.5 Landbruks-, natur- og friluftsområde
5.5.1 Område for spreidd bygging (LNFb)
Føremålet gjeld spreidd bygging med tilhøyrande teknisk anlegg etter plan- og bygningslova §
11-7 nr. 5 punkt b).
LNF-områda vert i hovudsak oppretthalde som i gjeldande kommuneplan. Nødvendige tiltak for
landbruk er tillate. Noko areal går over frå LNF med opning for spreidd busetnad til rein LNF.
Dette heng saman med at fleire LNF-område med opning for spreidd busetnad har fått endra
avgrensing, ved at dei er trekt ut av strandsona og bort frå dyrka mark, der det uansett ikkje ville
ha vore lov å bygge.
Ny bustadbygging
Det er lagt ut 5 nye område for spreidd busetnad; Eidatrædet, Vabø, Jordal, Eikeland og
Høyland. I tillegg er det opna for nye bustader i 5 område; Eikanger, Askeland, Bjørge, Fyllingen
og Hundvin. Til saman er det opna for 28 nye bustader i desse områda. I tillegg vert alle
eksisterande område vidareført, slik at det skal vere lov til tilbygg og liknande utan
dispensasjon. I ein del av områda vert det ikkje opna for nye bueiningar. I områda Erstad,
Fosse, Eikanger og Eknes har utbygginga no blitt så stor at det ikkje er ønskeleg med meir
spreidd busetnad. I området Fyllingen nord, er utfordringane knytt til trafikktryggleik og
kulturlandskap for store til at det er ønskeleg med fleire hus. Samla vert det opna for 53
bustadeiningar i område for spreidd busetnad. Dette skal vere med på å oppretthalde
busetnaden i desse bygdene. Føresegnene sikrar at ei slik utbygging ikkje skal gå utover
landbruksdrifta i områda.
Ny næringsverksemd
I Dyrkolbotn og på Spurkeland vert det lagt ut område for spreidd næringsverksemd. Dette
dreier seg om areal kring verksemder som allereie er etablert, og som er av stor tyding for
grendene dei er lokalisert i. Det er difor viktig å sikre desse verksemdene fleksible nok rammer
til at dei kan utvikle drifta i åra som kjem. Begge stadene vil det verte tillate med overnatting og
servering. Føresegnene fastset kor mange bygningar og kor stort areal som kan byggjast ut, slik
at behovet for styring av verksemdene skal vere ivareteke. Dette er naudsynt, då det ikkje er
krav om reguleringsplan.
5.6 Bruk og vern av sjø og vassdrag, med tilhøyrande strandsone
Føremålet gjeld bruk og vern av sjø og vassdrag, med tilhøyrande strandsone, etter plan- og
bygningslova § 11-7 nr. 6.
Dette er ein samlekategori for alle arealføremål som inkluderer bruk av sjøareala.
Småbåtanlegg, naust, badeområde og akvakulturanlegg høyrer difor heime i denne kategorien.
Det meste av sjøområdet er sett av til bruk og vern sjø og vassdrag med tilhøyrande
strandsone. Dette er eit hovudføremål som omfattar mange delføremål. Av føresegnene går det
fram at område skal nyttast til ferdsel, fiske, natur- og friluftsliv.
41