Samfunnsviteren nr. 3-2010 - Samfunnsviterne

TEMA: STATUS ANNO 2010
for. Men avgjerda var ikkje så vanskeleg
å ta. Eg skjønte jo at spørsmålet om å
verte politisk rådgjevar i regjeringa ikkje
er eit spørsmål eg kom til å få igjen
seinare om eg sa nei. Som journalist
kan ein ha innflytelse på dagsorden.
Som politikar kan ein ha meir direkte
innflytelse på politiske avgjerdar.
- Kvifor er innflytelse så viktig for deg?
- Innflytelse er viktig for alle som vil
gjere ein forskjell.
Kirke-, utdannings- og
forskingskomiteen
Kvardagen til Hadia Tajik handlar
om politikk frå morgon til kveld. Ho
understrekar at ho trivast og fortel
entusiastisk at ho sit i Kirke-, utdannings-
og forskingskomiteen, ein komite
ho spesifikt hadde ynskje om å kome
inn i og som handsamar eit felt ho er
oppteken av.
- Utdanning er superviktig! Då meiner
eg både for enkeltmenneske og for
samfunnet. Kunnskap er grunnlaget
for menneskerettane, demokratiet og
sjølvrespekten. Kunnskap er, slik eg
ser det, rota til alt godt.
- Har du nokon kampsaker i komiteen?
- Ja, ein av mine kjepphestar er å få inn
fleire folk i støttefunksjonane i grunnskulen
slik at lærarane kan gjere det
dei skal, nemleg undervise og overføre
kunnskap. I dag brukar ein lærar altfor
mykje tid på funksjonar som sosionomar,
psykologar og andre kan gjere.
Som journalist og politikar har Tajik stått
fram som ein av dei som er oppteken
av kvinner og kvinners rettar. På
heimesida si skriv ho at dette er ein av
hennar store hjartesaker.
- Veit du at på rekka med bilete over
dei som har leda utanrikskomiteen her
på Stortinget er der ei kvinne. Berre ei!
Kva fortel ikkje det som eit land som
hevdar å vere eit av dei meste likestilte
i verda?
Utan å vente på svar fortset Tajik med
ei tirade som handlar rettane til kvinner
frå etniske kulturar, vold og voldtekter
norske kvinner opplever i heimen, og til
jenter som leiker med Barbiedokker og
har som mål i livet å likne på disse når
dei veks til.
- Problemet her heime, seier ho, er at vi
trur vi er likestilte. Det er farlig.
På talarstolen og ut i regnet
Sjølv om Hadia Tajik ennå offisielt har
sumarferie har ho starta å jobbe. Ho
ramsar opp neste vekes aktivitetar som
inneheld opning av diverse universitet
utan at det ser ut til å sette ho ut. Også
desse offentlige oppgåvene har ho
etterkvart erfaring i.
- Det var ikkje fritt for at eg var nervøs
fyrste gongen eg skulle på Stortingets
talarstol, seier ho. - Sidan eg alltid har
vore oppteken av retorikk, hadde eg
jobba og jobba meg gjennom det eg
skulle seie. Det er litt psyko å vite at
alt ein seier vert skrive ned ordrett og
lagra for all framtida, det gjer nok at eg
framleis er litt vel pirkete med ordlyden i
det eg skal seie.
- I tillegg til makt har politikarlivet gjort
deg til kjendis, er du komfortabel med
det?
- Kjendis? Ja, eg vert innimellom
gjenkjent på gata og det kan eg godt
leve med. Oftast er folk svært hyggelege,
men av og til har hensiktene vore
negative. Då er det ikkje så kjekt.
Side 14 • TIDSSKRIFT FOR SAMFUNNSVITERNE 3 - 2010
- Har du eksempel på negative utrop?
- Tja, det kan gå på etnisitet, kvinnediskriminerande
utsegn og at eg har
kome for lett til makta. Eg tenkjer at
når ein opplever gode ting vil det alltid
vere nokon som prøver å finne andre
grunner til kvifor ein har klart seg så
bra, enn at ein faktisk dug. Det får dei
no berre halde på med. Eg er gjerne
audmjuk på kva eg har fått til, men eg
ser ingen grunn til å ha dårlig sjølvtillit.
Lottomillionærhumor
Halvannan time går mot slutten. Hadia
Tajik har spist sitt rundstykke utan å
smule, tatt av bordet og betalt for oss
begge. Igjen litt flinkis. Så smiler ho:
Kan du ikkje seie det ein gong til. Kvifor
eg vart intervjua?
- Fordi du er kåra til ei av dei viktigaste
samfunnsvitarar/humansitar i landet.
- Hæ? Eg forstår det liksom ikkje.
- Du er kåra til ein av dei viktigaste i
landet i vår utdanningsgruppe.
- He, he…, Hadia Tajik bryt ut i latter.
– Har du sett den lotto-reklama, du
veit den reklama der han innvandraren
spør om igjen og om igjen kor mykje
han har vunne? Eg prøvde meg på ein
liknande vri. Sjølv om ein må ta alle
slike kåringar med ei klype salt er det
kjekt for meg å høyre kor viktig nokon
synes eg er - fleire gongar.