Bibelgaven 1/2024

More documents

Recommendations

Info

BIBELGAVEN I GULFEN TEKST: BJØRN HÅKON HOVDE I FOTO: DAN AKSEL JACOBSEN Bak murane i Bahrain Islamsk misjonsarbeid – Mange trur kanskje at kristne har hegemoni på klassisk misjonsarbeid. Fleire islamske organisasjonar har dei siste åra adoptert arbeidsmetodane til mellom anna Bibelselskapet og driv utstrekt, oppsøkjande verksemd, også i fengsla, fortel fengselsprest Tomas. Ein ven av ein tidlegare innsett fortel at dei muslimske fengselsmisjonærane gir fangane lovnad om pengar og strafferabatt om dei konverterer til islam. Tomas vil verken stadfeste eller avkrefte dette, men han påpeikar at muslimske misjonærar no er svært aktive på område der dei kristne tidlegare hadde monopol. Landa i Den persiske golfen støttar misjonsorganisasjonar som «Discover Islam» med store pengegåver. Pastor Tomas har i 22 år arbeidd mellom innsette i statsfengselet i Bahrain. 10 Bibelgaven I nummer 1 I 2024
Takka vere fengselsprest Tomas og Bibelselskapet fekk 180 innsette i Bahrain statsfengsel i fjor ein bibel på sitt eige språk. Heile 387 menn tok imot nattverden, og aksepterte Jesus som frelsar og herre. Tomas møter oss i Bibelselskapets lokale, like ved det amerikanske misjonshospitalet i hjartet av hovudstaden Manama. – Familien min kjem frå Kerala, sørvest i India. Ettersom far var offiser i det militære sanitetskorpset var vi ofte på flyttefot, så derfor vaks eg opp i Nord-India, fortel Tomas. – I tillegg til Gud takkar eg også far min for kallet om å gå inn i fengselsarbeidet. Han hadde ei sterk kristentru og delte Guds ord med dei innlagde på militærhospitalet. – I år 2000 flytta eg til Bahrain for å søkje arbeid, og ikkje lenge etter starta eg ei bibelgruppe for malayalam-talande personar. Allereie det neste året blei eg engasjert i fengselsarbeidet, fortel han. Ramadan Då vi kjem til Bahrain, står den muslimske fastemånaden Ramadan for døra. Det påverkar også Tomas si teneste. I løpet av Ramadan er alle restaurantar stengde. Hotella serverer ikkje frukost etter at sola har stått opp, og dei fleste private og offentlege kontor held stengt. – Under Ramadan «blir samfunnet snudd på hovudet», forklarar generalsekretær i Bibelselskapet, Hrayr Jebejian. – Dag blir natt og natt blir dag. Restaurantane opnar etter at sola går ned – og då er det ikkje grenser for storleiken på måltida som blir serverte. For pastor Tomas betyr det at han i løpet av ein heil månad ikkje kan besøkje dei innsette. – Etter covid–pandemien fekk vi likevel ein idé om å gjennomføre online-møte, og det fekk vi aksept for. – Ein fengselsoberst er då til stades, og kontrollerer møtet vårt via PC-en sin. Det er uansett betre enn éin månads fråvere frå den kristne fellesskapen som mennene i fengselet treng så sårt, seier Tomas. Fleirkulturell fengselskyrkjelyd Som folket elles i dette landet, kjem også dei innsette frå heile verda. – Eg har delt biblar med fangar på engelsk, filippinsk, hindi, tamil, tysk og fransk. Det har mykje å seie for oss å dekkje dei åndelege, fysiske og mentale behova deira. Vi hjelper også med praktiske behov som medisinar og skulepengar, seier han. Ein del av dei innsette kjem også frå muslimske land, og i Bahrain har Tomas førebels ikkje blitt hindra i å dele evangeliet med dei. – Straffedømde står så lågt på rangstigen at dei i liten grad blir rekna som «vanlege menneske» av styresmaktene, forklarer Tomas. Muslimsk misjon Likevel har misjonsorganisasjonen «Discover Islam» oppdaga fengselsarbeidet som Bibelselskapet driv i Bahrain, og dei har sjølv etablert eit liknande arbeid. Pastor Tomas snakkar ikkje gjerne om denne organisasjonen. – Eg må vere varsam, seier han. Likevel er det slik at talet på møte og gudstenester i fengselet blir trekt frå ein felles «pott». Dei siste åra har «Discover Islam» teke over mange av treffpunkta som pastor Tomas tidlegare kunne rå over. – Først hadde vi vekevise samlingar med dei innsette. No kjem vi saman ein gong kvar fjortande dag, og vi fryktar for at det blir redusert til éin gong i månaden, seier han. Samtidig intensiverer «Discover Islam» innsatsen sin. Dei blir ikkje finansierte av givarar, slik som Bibelselskapet, men av dei søkkrike arabiske golf-statane. For å oppretthalde arbeidet er Tomas og andre som står i liknande teneste heilt avhengige av gåver, mellom anna frå norske bibelvener. • «For eg var svolten, og de gav meg mat; eg var tørst, og de gav meg drikke; eg var framand, og de tok imot meg; eg var naken, og de kledde meg; eg var sjuk, og de såg til meg; eg var i fengsel, og de vitja meg.’» (Matt 25,35-36) Be for fengselsarbeidet: • Be om Guds vern og velsigning over fengselsarbeidet i Bahrain. • Be om at evangeliet kan nå endå fleire menneske i fengsla i Golf-statane. • Be om at norske bibelvener blir inspirerte til å halde fram med si støtte til dette viktige arbeidet. nummer 1 I 2024 I Bibelgaven 11
Page 1 and 2: 1 24 BIBELSELSKAPETS INTERNASJONALE
Page 3 and 4: FOTO: DAN AKSEL JACOBSEN s 6 «Hall
Page 5 and 6: Alle kommer de for å arbeide, og d
Page 7 and 8: «Gå ut i hele verden og forkynn e
Page 9: Migrantmenigheten på Sitra Det er
Page 13 and 14: Før oppdagelsen av olje på midten
Page 15 and 16: Han er enno ikkje døypt men er tru
Page 17 and 18: Hrayr Jebejian er oppvokst i Libano
Page 19 and 20: Den eneste Som kristen kuwaitisk st
Page 21 and 22: Det skulle vise seg at ektemannen i
Page 23 and 24: BIBELGAVEN I NORGE TEKST: BJØRN H

Bibelgaven 1/2024

Create successful ePaper yourself

Delete template?

Save as template?