ELS-tíðindi - júní 2001

40 ELS tíðindi 6/01
Úrskurðir í
vörumerkjamálum
Í júní 2001 var úrskurðað í eftirfarandi
andmælamáli:
Umsókn nr.: 3211/1999
Dags úrskurðar: 11.6.2001
Umsækjandi: Taxis sf., Hamraborg 10, 200 Kópavogi,
Íslandi.
Vörumerki: TAXIS skattur ráðgjöf alþjóðatengsl (orðog
myndmerki)
Flokkar: 35, 42.
Andmælandi: B.Í.L.S., Bandalag Íslenskra leigubifreiðastjóra.
Rök andmælanda: Andmælin byggð á því að merki
umsækjanda gæfi villandi upplýsingar um
þá þjónustu er merkið stæði fyrir, sbr. 2.tl.
1.mgr. 14. gr. vörumerkjalaga nr. 45/1997
og á ruglingshættu við atvinnustarfsemi
andmælanda, sbr. 4. tl. 1. mgr. 14. gr. sömu
laga.
Úrskurður: Bent var á að merki umsækjanda, TAXIS
skattar ráðgjöf alþjóðatengsl, væri ætlað að
standa fyrir endurskoðun og ráðgjöf, og
lögfræðiþjónustu. Bent var á að þegar af
þeirri ástæðu að merkið sjálft hefði að geyma
lýsingu á því hvers eðlis þjónustan væri sem
merkinu væri ætlað að auðkenna, sbr. orðin
skattar ráðgjöf alþjóðatengsl,væri það mat
Einkaleyfastofunnar að umrætt vörumerki
væri ekki til þess fallið að villa um fyrir
mönnum um tegund þeirrar þjónustu sem því
væri ætlað að standa fyrir í skilningi 2. tl. 1.
mgr. 14. gr. vörumerkjalaganna nr. 45/1997.
Þá var bent á að heiti atvinnustarfsemi
andmælanda væri B.Í.L.S., sem er
skammstöfun á Bandalagi íslenskra
leigubifreiðastjóra. Þannig gæti merki
umsækjanda, TAXIS skattar ráðgjöf
alþjóðatengsl, ekki gefið tilefni til að ætla
að átt væri við heiti á atvinnustarfsemi
andmælanda, sbr. 4. tl. 1. mgr. 14. gr.
vörumerkjalaganna. Með hliðsjón af
framangreindu væri það því ákvörðun
Einkaleyfastofunnar að skráning
vörumerkisins TAXIS skattar ráðgjöf
alþjóðatengsl (orð- og myndmerki), nr.
1274/1999 skyldi halda gildi sínu.