zoom - AETG/COETG

caso de empresa
08 a nosa rede AETG
softgal
unha aposta pola tecnoloxía de vangarda
Dende o seu nacemento en 1988 da man de Caixa Galicia, Softgal evolucionou
ata converterse nunha das consultarías líderes de
Tecnoloxías da Información e das Comunicacións.
A evolución de Softgal vén marcada pola súa firme aposta por servizos
adaptados ás necesidades do cliente e póla busca de especialización
en novos nichos do mercado, aos que lles ofrece solucións integrais,
apoiadas en compañías líderes do sector das TIC.
Softgal foi constituída por Caixa Galicia co fin de lle dar soporte informático á súa xestión
empresarial. Aínda que nun primeiro momento centrou a súa actividade no desenvolvemento
de aplicacións para contornos mainframe, a evolución do sector financeiro
e da propia Caixa Galicia, obrigou á diversificación da oferta tecnolóxica e de servizos.
Actualmente, o 100% do capital de Softgal continúa en mans da Corporación Caixa
Galicia, aínda que algúns dos servizos do Grupo Tecnológico
Softgal teñen participación doutras compañías que complementan
o seu núcleo de actividades, que se ampliou rapidamente
na súa breve traxectoria.
Xunto coa súa lóxica aposta pola tecnoloxía de vangarda, a
compañía ven dando unha grande importancia á política de
comunicación, coma un dos seus valores estratéxicos. Unha
política de comunicación artellada en dúas vertentes e con
dous claros obxectivos: crear empresa cos seus profesionais
e posicionarse no mercado. De cara á comunicación interna,
a ferramenta básica de funcionamento é a Intranet, como
canle de comunicación bidireccional entre os traballadores e
a empresa. Na comunicación externa o obxectivo principal é
o de posicionar a empresa establecendo unha comunicación
fluída co seu contorno.