zoom - AETG/COETG

zoom
Os municipios galegos
non teñen presenza na web,
¿Hai lugar para a esperanza?
Segundo un estudo presentado pola Federación Galega de Municipios de
Provincias (FEGAMP) só un 44% dos concellos galegos dispón de páxina web
propia. Lamentábase o seu Presidente desta situación, agudizada especialmente
nos concellos medios e pequenos (menos do 31% entre os de menos
de 5000 habitantes). A FEGAMP ofrece para iso un servidor aos municipios
galegos. Quen non está na rede non existe, pero parece que tal máxima non
se cumpre neste caso.
Aínda as sete grandes cidades galegas, que si dispoñen de web, teñen moito
que avanzar. Santiago de Compostela e Lugo acaban de renovar ás súas web,
moi necesitadas. Os servizos interactivos brillan pola ausencia, salvo excepcións,
nas sete grandes urbes.
Novas iniciativas da chamada democracia electrónica, como a do alcalde de
Lugo, que se comprometeu a chatear cos internautas unha vez ao mes. Este
mesmo concello ven de poñer en marcha o Centro de Empresas e Innovación
Novo Centro
Loxístico
para Televés
06 a nosa rede AETG
que inclúe ademais o Centro de Demostración de Servizos Tecnolóxicos
Avanzados. Máis adiante nesta revista fálase tamén das Cidades Dixitais.
Esperamos que estas iniciativas veñan acompañadas de iniciativas máis
avanzadas que permitan facer xestións municipais a través de Internet e
mesmo converter as nosas vilas e cidades en dixitais.
Queremos ver un pouco de esperanza e reclamamos unha vez máis que se
conte co noso colectivo e cos nosos profesionais nos concellos. Ese é o
único camiño se de verdade queremos apostar polo pulo destas tecnoloxías
nos concellos Non será posible se non vén acompañado de xeito ineludible
pola incorporación de profesionais competentes que lles poidan asesorar
nos proxectos de administración electrónica, televisión e radio dixital,
infraestruturas de telecomunicacións nos edificios de nova construción,
cidades dixitais e unha morea de campos onde os nosos concellos non
poden quedar atrás.
Acábase de anunciar a entrada en funcionamento para este ano do Centro Loxístico de
Operacións de Televés, que se está construíndo no polígono industrial de Sigüeiro en Oroso.
Outra boa nova deste exemplar grupo galego das telecomunicacións, que pechou o pasado ano
cunha facturación de 125 millóns de euros e cun crecemento do 12,5% sobre o período anterior.
Xa no número cero da nosa revista dedicamos a primeira reportaxe de empresa a Televés. Só
algúns datos: incremento dun 22% dos seus investimentos no 2005, 5% da súa facturación
investida en I+D, intensificación da estratexia exterior que representa xa o 36% da súa facturación
en 80 países, crecemento do cadro de persoal que se achega xa aos 600 empregados,
comercialización da nova plataforma tecnolóxica TelevésIntegra e novos produtos adaptados á
TDT. Sen dúbida están no bo camiño. Parabéns.