zoom - AETG/COETG

Ángel Viña e Francisco Ros durante o Encontro Profesional en Santiago
R. Neste sentido e seguindo co enunciado da súa pregunta, non podemos esquecer que
os escolares de hoxe serán os universitarios de mañá. A estratexia en educación, igual
que noutros ámbitos, debe ser progresiva, entre outros motivos, porque o orzamento é
limitado, polo que hai actuacións prioritarias. Comezando polos niveis máis novos da
nosa sociedade créase cultura TIC, e evítase a fenda dixital no futuro, esa fenda á que
hoxe dedicamos tanto esforzo para que quede definitivamente pechada, para que ninguén
quede fóra.
P. A industria do sector deslocalízase. Os países emerxentes lévan as grandes
fábricas das multinacionais. ¿Que podemos dicir a este sector galego pioneiro
e punteiro constituído por Televés, Intelsis, Arteixo Telecom, Egatel e outros?
R. Este é un tema de gran preocupación que non só afecta a Galicia nin se detén tampouco
en España, senón que se estende a todo o contorno europeo. A cuestión empezou
xa a debaterse nos foros da Comisión Europea e forma parte das estratexias a levar
a cabo tras a revisión do Plan eEurope 2005 que finaliza este ano.
Neste sentido, nas primeiras liñas esbozadas o 31 de xaneiro de 2005 pola Comisaria
Europea da Sociedade da Información, Viviane Reding, sobre a nova iniciativa i2010,
manifestase a importancia da innovación e do investimento para manter a Europa na
vangarda dos acontecementos. Está claro que Europa pode chegar a ter difícil a competencia
fronte outros mercados no que se refire á man de obra de baixa cualificación,
pero por contra ten unha clara vantaxe competitiva fronte outras zonas do mundo en
canto a alta preparación dos seus profesionais en sectores claves coma o tecnolóxico.
Esa vantaxe competitiva será fundamental, sen dúbida, para afianzar o papel internacional
de Europa no plano industrial e económico no futuro.
P. Despois de todo o falado, ¿Que tres logros principais firmaría agora mesmo
por deixar cumpridos ao final da presente lexislatura?
R. E difícil resumir en tres obxectivos as necesidades do sector, pero quizais, e como
comentaba anteriormente, o noso éxito radique, precisamente, na nosa capacidade
para a materialización de medidas concretas, polo que me gustaría salientar tres
metas, coincidindo cada unha delas cun sector dentro da actividade e a competencia
da Secretaría de Estado que represento.
En primeiro lugar, a consecución dunha converxencia proactiva con Europa no campo da
Sociedade da Información; en paralelo, a construción dun marco legal estable para o desenvolvemento
do sector; e, por último, a preparación do contorno para que a Televisión
Dixital estea implantada na sociedade española e o apagón analóxico non supoña un
antes e un despois, senón unha continuidade de mellora na calidade do servizo.
05 • 01 19