zoom - AETG/COETG

actividade aetg/coetg
Coincidindo co Día Internacional das Telecomunicacións, a AETG amplía a
súa presenza en Galicia cun novo espazo multiuso no centro de Vigo.
O vindeiro 17 de maio, data da celebración do Día Mundial das Telecomunicacións,
inaugurarase un novo local multiusos da AETG co fin de aumentar a proxección social
do noso colectivo e servir de canle para a celebración e difusión de todas as nosas actividades.
Nunha das rúas máis céntricas de Vigo, Policarpo Sanz, e a carón dun dos centros culturais
máis relevantes do momento, este novo espazo nace cun dobre obxectivo:
Vertebrar a nosa comunidade, engadindo un novo espazo aos xa existentes na rúa
Federico Tapia da Coruña e na ETSET de Vigo, co obxectivo de estar máis preto de
todos os asociados/colexiados e ter así maior presenza en todo o noso contorno. Neste
sentido faise un esforzo por ampliar a vida asociativa e colexial e continuar o camiño
da construción dun colectivo profesional firme e unido.
Crear un espazo aberto á sociedade: Como característica primordial cabe destacar
que se trata dun novo local polivalente. A formulación destas novas instalacións e a de
crear un espazo aberto á sociedade contando cun programa anual de exposicións e
todo tipo de actividades (formación, encontros profesionais...).
O vindeiro 17 de maio, Día Mundial das Telecomunicacións, será a presentación a todos
os asociados/colexiados e a sociedade en xeral, deste novo espazo da AETG así como
da programación máis inmediata e dos plans que deseñamos especificamente para el.
Esperamos contar coa vosa presenza nesta ocasión tan sinalada.
34 a nosa rede AETG
a aetg inaugura
novo local en Vigo
Novo local da Aetg/Coetg en Vigo
Este novo local polivalente
nace como
un espazo aberto
á sociedade, cunha
programación anual
de exposicións e
outras actividades.