Create successful ePaper yourself
Turn your PDF publications into a flip-book with our unique Google optimized e-Paper software.
O pesadelo<br />
BARBANTIA<br />
ta na imaxe que tanto temeu, a única cousa que o acovardou e contra<br />
quen non puido nin soubo loitar en toda a vida. Quere ter diante de si<br />
ese corpo aldraxado por non medir nin calcular fría e acertadamente as<br />
consecuencias da fuxida; por non saber nin intuír ata onde era capaz de<br />
chegar o odio duns inimigos famentos de sangue, por non saber que<br />
aqueles, amparados na brutalidade daquel tempo de vinganzas, a falta<br />
dun corpo que machucar, buscaron o máis próximo pola vía da debilidade.<br />
Quere que volva esa sombra para mirala cara a cara, para ver ese<br />
rostro luxado. Quere que volva a súa compañeira de insomnios. Xa<br />
sente os seus pasos achegándose á porta do cuarto, e o seu corazón<br />
latexando con forza; xa escoita os ais dese corpo doído de inhumanidade,<br />
xa oe a alguén que chama á porta, e el quere, desde o seu leito<br />
de moribundo, abrirlle paso para mirala fite a fite e pedirlle perdón pola<br />
culpa doutros, que el non aldraxou, nin maltratou, nin matou, pero fuxiu<br />
da morte, da aldraxe e do maltrato, fuxiu deixando atrás o que máis quería<br />
e o que máis lle doe; quere confirmar a realidade que intúe e por<br />
quen non puido facer nada, esa pantasma que el viu tantas veces sen<br />
rostro, sen o atributo principal que confirme a súa identidade, pero o<br />
pesadelo non dá entrado, chama por ela coas poucas forzas que conserva<br />
no peito, para que traia a cativa que nunca acariñou, pero esa<br />
presenza non dá entrado, e Ferreirós, moi canso, sabe que o están<br />
agardando ó outro lado da porta, ó outro lado da vida, para acompañalo<br />
polos tortuosos labirintos do Máis Alá.<br />
193