C linguaxe admin Fut - Xunta de Galicia

Comentario global do texto
O documento que imos analizar nesta unidade é un aviso, inclúese dentro dos denominados de transmisión. Este
texto é un tipo específico de anuncio, a través del comunícaselles aos posibles interesados un feito determinado.
A súa forma está pouco regulada, xa que posúe unha difusión moi restrinxida. Adoita colocarse en taboleiros
de anuncios.
O texto segue a estrutura habitual do aviso, aínda que debemos prescindir da fórmula de despedida que se emprega
ao final Atentamente, *saudao. Estas fórmulas soamente se poden usar fóra do corpo do documento e
ademais só en determinados tipos de textos cun carácter menos formal, como pode ser a carta.
Recordamos a recomendación de aliñar toda a información cara á esquerda, sen sangrado e cun espazo en
branco entre cada parágrafo.
Comprobamos o aspecto ortográfico do texto. Reparamos na acentuación e comentamos os casos de acentuación
dos hiatos en galego (rúa, vía, *saudao).
Observamos o emprego incorrecto da abreviatura *eur e corrixímola pola forma plena euro ou polo seu símbolo
€. As abreviaturas do tratamento de respecto *D. *Dª. deben ir separadas por unha barra diagonal D./D.ª
Ademais recordamos que non se deben usar estas formas, acompañando o nome da persoa que asina, no peche
dos documentos.
Comentamos o uso do participio con valor absoluto en Transcorrido e trocámolo por unha forma verbal conxugada
despois de transcorrer, cando transcorra...
No texto figura a palabra *licencia cambiámola pola forma correcta e recordamos outras palabras que en galego
conservan a solución patrimonial -zo, -za: espazo, graza, diferenza, servizo, sentenza, etc.
Lembramos que en galego é regra de estilo a reiteración pleonástica do pronome de terceira persoa (lle, lles)
malia ir expreso o complemento indirecto por medio dunha frase preposicional encabezada por a. Comprobámolo
neste exemplo tirado do texto: xa que a correspondente liquidación se lle notificou a vostede. Comparamos
este enunciado cos seguintes e introducimos o pronome que cumpra:
*Entregarán medallas aos homenaxeados >
*Restou importancia á citación >
*Comunicamos a resolución aos interesados >
Como veremos no tema desta unidade, debemos cambiar os circunloquios facer efectivo e procederemos ó seu
cobro polas formas simples pagar e cobrarémola.
A expresión con data de + artigo soamente se emprega para referirse ao día en que se redactou ou se rexistrou
un documento: Onte recibimos o seu informe con data do 25 de maio. Polo tanto, hai que evitar utilizalo para
indicar o día en que ocorreu algo para non imitar a forma castelá con fecha de. Segundo isto cambiamos no
texto A correspondente liquidación xa se lle notificou a vostede con data 16/07/03 por A liquidación correspondente
xa se lle notificou a vostede o día 16/07/2003. Tamén debemos pospoñer o adxectivo correspondente
xa que é a posición máis habitual para distinguir ou clasificar o substantivo.
48 Linguaxe administrativa