Revista XXV Aniversario CEIP Sofía Casanova

Quiroga 2004
A.P.A.
Intentarei, porque pasou moito tempo e porque non conservo papeis desa época, resumir
as actividades realizadas nese momento e o mesmo tempo dar a miña impresión
persoal do paso pola APA:
1.- Poñer en marcha a APA (ata ese curso había moi pouca participación dos pais. 10
socios)
2.- En colaboración co Concello, A escola de pais, coa participación da sicóloga municipal,
con moi boa acollida por parte dos pais.
3.- Festa do Nadal con larpeiradas para os nenos
4.- Excursión a Santiago no Ano Santo (con chegada a Lavacolla en autobús e marcha
a pé ata a catedral)
5.- A máis importante foi a aprobación, por mayoría, da xornada contínua
A miña impresión persoal é que foi a primeira APA dunha Vilaboa urbana e moderna.
De feito, a directiva estaba formada por nove mozas; seis delas eran novas en Vilaboa.
A colaboración dirección – profesorado – conserxería, sempre foi de máxima
cordialidade e sen incidentes de mención. E nas votacións para Consello Escolar e
xornada única, chegouse a superar o 90 % de participación dos pais.
A miña impresióm persoal foi positiva e agradezo a colaboración das nais que estiveron
conmigo na directiva, que, en definitiva, foron quen fixeron todo o traballo.
Un forte abrazo:
Joaquín
Os Ancares 2002
Eu estiven na directiva da APA entre os anos 1994 e 1999. Algúns deles como presidenta
e representante dos pais en Consello Escolar do centro.
Foi un tempo no que a LOGSE entraba en vixencia, e con ela abríanse os centros educativos
ó entorno e á participación dos pais no proceso educativo dos seus fillos. Empezouse
tamén a escolarizar ós nenos de 3 anos e a prolongar a escolaridade ata os
16. Instalouse a xornada única no colexio coincidindo cunha forte expansión urbanística
de Vilaboa que incluiu no noso pobo a ubicación de todas as vivendas sociais do
Concello.