Novo Golf - Sprint Motor

Presentación >> Sprint Motor
13
Tecnoloxía a prol da seguridade
Este C4 Picasso dispón dunha tecnoloxía ao servizo da anticipación
e da asistencia, pensando sempre na seguridade. Achega o sistema de
regulación activo da velocidade que, grazas a un radar situado no parachoques
dianteiro, detecta e alerta de toda demora do vehículo situado
diante, e mantén unha distancia constante actuando sobre o acelerador
ou o freo motor nunha marxe de máis/menos 25 km/h. Unha vez que
a estrada se despexa, o vehículo volve automaticamente á velocidade
predeterminada. Asemade, os cintos de seguridade activos do condutor
ou do pasaxeiro dianteiro están equipados con motores que tensan automaticamente
o cinto en caso de perigo, para acadar unha protección
máxima. Amais, en coordinación coa alerta de cambio involuntario de
carril, avisa ao condutor da superación dunha liña da estrada mediante
vibracións no cinto. As imaxes achegadas por unha cámara en miniatura
integrada no retrovisor interior serven para xestionar as luces de estrada
automáticas, é dicir, a activación e desactivación automática das luces de
estrada segundo as condicións de iluminación e de circulación da zona.
Pola súa banda, o sistema de vixilancia de ángulo morto por ultrasóns
informa ao condutor da presenza dun vehículo nos ángulos mortos mediante
un díodo laranxa situado no ángulo do retrovisor. Engadir que o
Citroën eTouch amplía o abano de seguridade achegando: un sistema de
chamada de urxencia e de asistencia localizados (segundo países), dous
servizos gratuítos e dispoñibles as 24 horas os sete días da semana (grazas
a un cartón SIM integrado) cos que se garante no caso de incidente
ou de accidente unha localización precisa e unha intervención rápida dos
servizos de emerxencia.
Ecoloxía e consumo
Cómpre salientar que o novo Citroën C4 Picasso
é o primeiro monovolume compacto equipado de
motorizacións térmicas que emiten menos de 100
g/km de CO 2
. O seu motor e-HDi 90 Airdream -equipado
coa nova xeración da caixa de cambios pilotada
de 6 marchas, ETG6- non emite máis que 98 g/
km de CO 2
, o que supón un consumo mixto de 3,8
l/100 km, un récord na súa categoría. Emporiso, é
preciso citar as vantaxes coas que contarán os seus
propulsores; nos diésel, a tecnoloxía Stop&Start
equipa todas as motorizacións (agás o HDi 90 con
caixa manual). O motor e-HDi 115 emite 104 gramos
de CO 2
coa caixa ETG6 (105 gramos de CO 2
coa
caixa manual) e un consumo mixto de 4 l/100 km.
Dicir que o novo C4 será o primeiro modelo da
marca en empregar unha motorización BlueHDi*,
que cumpre xa a norma Euro 6: o BlueHDi 150, emitindo
110 g/km de CO 2
e que integra un módulo
SCR (Selective Catalytic Reduction), a tecnoloxía
máis eficaz para tratar os Nox (- 90 %) e reducir as
emisións de CO 2
en todas as situacións.
Por último, informar que as cifras de emisión de
CO 2
acadadas polo Citroën C4 Picasso foron posibles
grazas a unha redución de 140 kg no seu peso
(se o comparamos co seu predecesor) e á introdución
da plataforma EMP2, coa que se gañan 70 kg
ao empregar aluminio e aceiro THLE (moi alto límite
elástico) nalgunhas pezas e contar cun chan
traseiro en material composite. Os 70 kg restantes
lográronse na carrozaría, grazas ás dimensións exteriores
optimizadas e á utilización de novos materiais
como un capó en aluminio ou un portón
traseiro en composite.