Novo Golf - Sprint Motor

18 Sprint Motor >> Trameve
■ antón VILARIÑO| Texto
■ ALBERTO UZAL | Fotos
Outra vida para os vehículos
Trameve
Un modelo ecolóxico a seguir
Hoxe en día unha boa estratexia
de comunicación
nunha empresa é fundamental
para acadar o éxito
dende o punto de vista
comercial. Consideramos
que Trameve debe ser
percibido por calquera
propietario dun automóbil
como a opción mais razoable
á hora de substituír
compoñentes, contendo
o custo do mantemento
dun automóbil con total
garantía. Non ten sentido
incorporarlle a un coche
que non é novo compoñentes
completamente
novos, xa que o custo é
moi superior e cumpren
a mesma función.
A efectos de comunicar mellor, a empresa considerou
oportuno renovar a imaxe corporativa por unha un pouco
máis “fresca” e acompañala dunha nova web, máis intuitiva
e que presenta o stock de recambios de ocasión dispoñibles
para venda (no almacén de Trameve). Todo isto a través
dunha web totalmente actualizada www.trameve.es.
A web non permite a compra directa, pero permite aforrar
tempo á clientela de Trameve e ao persoal da empresa,
sendo imprescindible unha posterior concreción vía correo
electrónico ou vía telefónica sinalando o recambio exacto
que precisa o cliente (referencia, modelo concreto…) e que
é válido para o seu vehículo.
A política de Trameve aposta dende sempre por combinar
a creación de postos de traballo para persoas con discapacidade
coa protección medioambiental, por iso teñen
a certificación ISO:14001 de medioambiente e prevalece a
cor verde na imaxe corporativa.
Situación económica
A actual crise económica está incidindo desgraciadamente
nas persoas coas economías máis débiles e fai minguar
a súa capacidade adquisitiva. Os negocios orientados
á comercialización de produtos de segunda man ou baixo
custo non están pasando polo seu mellor intre. Só hai
que ver cantos negocios chineses están a pechar, ou o mal
que o están pasando os comerciantes nos “mercadiños”.
No caso de Trameve, o que se aprecia é un incremento no
número de clientes potenciais, pero que en moitos casos
non poden nin afrontar a reparación do seu vehículo con
recambios de ocasión e optan por dalo de baixa e “buscarse
a vida” para compartir vehículo, empregar o transporte
urbano ou desprazarse a pé.
Catálogo de recambios
Malia a dispoñer de máis de 100.000 recambios almacenados
e listos para a venda, é tal a diversidade
de marcas, modelos e versións de vehículos, que en
moitas ocasións esta empresa non pode atender as
demandas dos clientes. É algo inevitable pero que se
minimiza canta máis capacidade de almacenamento
e de asesoramento ao cliente (en base á experiencia)
se poida ofertar.
É moi frecuente que as avarías sexan repetitivas en
certos compoñentes por marcas e modelos. Responden
case sempre a defectos de deseño, polo que sempre
rematan por avariarse e son as máis demandadas, pero
obviamente só poden ser vendidas unha soa vez.