Novo Golf - Sprint Motor

Editorial >> Sprint Motor 5
EDITORIAL
Onde facemos a revisión do coche
A voltas cos talleres e cos mantementos
Editor:
Arrincamos, S.L.
Director:
Xurxo Sobrino Morán
Redactores
e Colaboradores:
Miguel Cumbraos, Ramón Novo,
Iván Marante, Sevi Martínez, César
Raña, Edu Lavandeira, Félix Doce,
Fernando Cuadrado, Xabier Vilariño,
Ray Mosquera, Sonia Pena, Rodrigo
Medina, Xosé Arufe, Luis Penido, Luís
Rivero de Aguilar e Emilio Blanco.
Deseño e maquetación:
www.juancvarela.com
info@juancvar ela.com
SPRINT MOTOR:
Rúa do Choupelo • nº 21
Tfno. e Fax 981 801 458
redaccion@sprintmotor.com
www.sprintmotor.com
IMPRIME: Gráficas Garabal
Depósito Legal: C–138/97
Dos e-mails recibidos
na nosa redacción moitos
tratan dos mantementos
dos automóbiles e do
taller a onde levalos. O
eterno debate que xorde,
sobre todo cando o vehículo
xa ten uns anos, é se
o levamos a un reparador
multimarca ou a un servizo
oficial.
Nós sempre dicimos
que hai que levalo a un establecemento
profesional
e de garantía. Nas páxinas
deste número de Sprint
Motor temos un par de reportaxes
que nos poden dar
algo de luz sobre este tema,
unha sobre os talleres e outra
sobre un centro de reciclaxe
exemplar (Trameve).
Hai unha crítica popular
sobre os altos prezos
dos concesionarios
oficiais, algo que na actualidade
é falso, pois
axustáronse perfectamente
aos tempos que corren
e son certamente competitivos
para a calidade e a
profesionalidade das súas
reparacións, todas elas
coa garantía correspondente.
Falamos de recambios
e aceites de calidade
e de man de obra cualificada.
Mecánicos que están
en permanente actualización,
algo obrigado polas
propias marcas que representan
os concesionarios.
Isto ten un valor engadido
que, evidentemente,
hai que pagar.
Os talleres da nosa confianza
tamén hai que telos
en conta, sempre e cando
sigan mantendo o seu
persoal actualizado puntualmente
nas últimas técnicas
do automóbil e nos
dean garantías en todas as
operacións realizadas.
A isto temos que engadir
a excepción que confirma
a regra: en todas as
partes sempre hai un garavanzo
negro.
Os que rexeitamos de
pleno son os talleres ilegais.
Un “señor” que fai os
mantementos no baixo da
súa casa e sen ter os permisos
necesarios nin pagar
os impostos que pagamos
todos os cidadáns, parte
dunha mala base: non
xoga limpo. Como imos
pensar que a reparación
ou o mantemento que fai
do noso coche é correcto
cando de base tratamos
cun “pirata”
Un curioso correo
electrónico dun lector facía
referencia a este tema.
Concretamente dicía: “Os
usuarios somos moi críticos,
por non dicir moi repugnantes,
co prezo dos
cambios de aceite periódicos.
Esgrimimos, ás veces,
a escusa da situación
económica para “ratear” na
revisión, tanto na factura
como na periodicidade
quilométrica (moitos condutores
fan a revisión máis
tarde do preciso)”.
No mesmo e-mail despois
de facer unha crítica
a outras escusas e “chirigotas”
(así o escribía) continuaba:
“... Desta forma,
algúns levan a facerlle o
cambio de aceite ao establecemento
máis barato
e, mentres agardan que o
mecánico faga o seu traballo,
van tomar unhas cervexas
cunha tapa ao bar de
enfronte. Curiosamente,
contrastando a factura da
tasca e a do taller, é máis
cara a das consumicións
no bar ca a da revisión do
coche. Hai xente así”.
Probablemente falta
cultura e concienciación
do que significa facerlle
un correcto mantemento
ao noso automóbil, tanto a
nivel de seguridade como
da propia vida do vehículo.
Por iso fágalle a revisión
onde mellor o
considere, pero que o establecemento
sexa profesional
e de garantía plena.
Escatimar cartiños nestas
operacións a medio/longo
prazo vainos saír máis
caro. Nalgúns casos incluso
custou un susto ou un
desgusto.
EDITORIAL