Novo Golf - Sprint Motor

Sprint Motor 15
Deseño e medidas
Deseñado polo equipo
que dirixe o italiano
Walter da Silva, exteriormente
gañou moitos puntos
respecto ao modelo
anterior. Modernízase
conservando a súa propia
personalidade e presenta
unha feitura máis robusta
e dinámica. Conserva
algúns dos trazos característicos
do Golf, tales
como as columnas C
(que son as que soportan
as portas traseiras), a
liña do teito e a típica liña
das xanelas. Ao ser máis
baixo e máis ancho, dá a
sensación de permanecer
sempre pegado á estrada,
o que xera moita confianza
á hora de conducilo.
Moi bonitas e rechamantes
as liñas laterais, que
partindo dos faros frontais
desembocan no extremo
da xanela lateral
traseira. O frontal fai que
a súa visión sexa inconfundible:
Volkswagen polos
catro costados. A este
novo modelo aplicóuselle
a Plataforma Modular
Transversal, co cal as rodas
dianteiras desprazáronse
cara adiante, acurtando o
voladizo e alongando visualmente
o capó.
Como xa comentamos
nun principio, o novo Golf
é máis amplo, cun maleteiro
amplo de 380 litros
(30 litros máis que o anterior
e cun bordo de carga
máis baixo e máis práctico),
medra 5,6 centímetros
en lonxitude, é 1,3
cm máis ancho e baixa a
súa altura en 2,8 cm. Isto
fai que os pasaxeiros de
atrás vaian máis cómodos
sen apertóns de ombreiros,
con espazo abondo
para as pernas e sen problemas
coa cabeza.