O Concurso de Tapas, entrante da Festa do ... - Terra Chá... Xa!

11 actualidade
marzo 12
xermade
Dobre crime en Burgás
Na madrugada do mércores 22
de febreiro apareceron mortos
na súa casa de Burgás, no concello
de Xermade, un septuaxenario
e o seu fillo con varios
cortes en todo o corpo. Na vivenda
atopábase tamén a dona e
nai dos falecidos, unha septuaxenaria
que presentaba cortes en
diversas partes do corpo e un
golpe na cabeza, polo que tivo
que ser hospitalizada no Hospital
Lucus Augusti onde permaneceu
baixo vixilancia.
Na xornada do mércores, o
equipo de investigación da
Garda Civil de Lugo inspeccionou
o lugar dos feitos, pero solicitou
a colaboración de
especialistas que se desprazaron
dende Madrid. As súas investigacións
comezaron ben entrada
a noite de onte, acompañadas
por dous forenses de Lugo que
xa deran o seu veredicto. O
xoves os corpos dos falecidos
foron trasladados ao Hospital de
Lugo para practicarlles a autopsia.
Na tarde do venres foron enterrados
no cemiterio
parroquial.
A arma homicida non foi atopada,
pero as investigacións
continuaron varios días na vivenda
e nas súas inmediacións
coa intención de atopar pegadas.
A hipótese barallada sobre un
axuste de contas como móbil do
dobre asasinato cobra importancia
tralas declaracións dos veciños
sobre os hábitos e
compañías de Euloxio, a máis
nova das vítimas, nos últimos
tempos.
Concello de Xermade
O rexedor local, Tomás Rodríguez
Arias, convocou aos voceiros
de tódolos grupos
municipais tras coñecela nova.
Dende a corporación municipal
e os grupos da oposición mostraron
as súas condolencias á familia
dos falecidos; ao tempo
que condenaron o crime definíndoo
como “brutal”. De
mutuo acordo, pactaron cancelar
os actos oficiais previstos
para eses días.
Cabreiros acolleu unha charla sobre
seguridade para os maiores
O xoves 15 de marzo ás cinco da
tarde, a Casa Escola de Cabreiros
acolleu unha charla encadrada
dentro do "Plan Mayor Seguridad"
dirixido á prevención e mellora
da seguridade nos nosos
maiores e promovido pola Secretaría
de Estado de Seguridade.
O Plan pretende previr as principais
ameazas detectadas para a
seguridade das persoas maiores
como o maltrato, roubos, furtos,
estafas e usos fraudulentos das
súas propiedades, fondos, contas
e cartillas de aforro por parte de
terceiras persoas. Do mesmo
xeito, pretende fomentar a confianza
das persoas maiores nas
Forzas e Corpos de Seguridade e
no desenrolo de condutas proactivas
para a denuncia das situacións
e delitos dos que poidan ser
vítimas; así como perfeccionar a
resposta policial nas actuacións
cos maiores.
A charla sobre prevención e mellora
da seguridade nos nosos
maiores foi impartida polo Sarxento
Primeiro, Javier Teijeiro, e
o Garda Civil Agustín Lamas,
ambos especialistas en Seguridade
Cidadá.
O BNG de Xermade critica que non se
celebra a festa de Antroido para adultos
Este ano o concello de Xermade
non contou cunha festa de Antroido
aberta a todos como se celebraba
tradicionalmente, aínda
que o Concello si organizou diversas
actividades para os nenos
e nenas. Pola contra, a celebración
que tivo lugar na parroquia
de Momán organizada pola Sociedade
Cultural e Recreativa de
Momán si que contou coa cola-
boración do Concello. Polo
mesmo, a voceira do BNG de
Xermade, María do Mar Hermida,
pregúntase qué criterio
segue o equipo de goberno xermadés
para colaborar coas sociedades
e asociacións, do mesmo
xeito que quere saber se o Concello
colaborou con asociacións
veciñais doutras parroquias.
O Concello de Xermade sube a taxa da auga nun 30%
Os orzamentos para o 2012 medraron máis dun 7% con respeto ao ano anterior
O Concello de Xermade celebrou
un Pleno extraordinario
con dous asuntos principais, a
ordenanza reguladora da taxa
polo abastecemento de auga potable
e os orzamentos municipais
2012.
O goberno municipal presentou
unha nova ordenanza fiscal reguladora
da taxa pola prestación
do servizo de abastecemento de
auga potable. A anterior fora paralizada
polas alegacións do
grupo municipal nacionalista
que non foron tidas en conta, xa
que “presentaron unha totalmente
diferente para aprobala
aproveitando a súa maioría”, segundo
explica a voceira municipal
do BNG, María do Mar
Hermida. Así mesmo, apunta
que a nova ordenanza non contempla
ningún tipo de tarifa especial
ou de bonificación para as
explotacións agrogandeiras e
que recolle unha suba do 30%
ademais das cotas de enganche,
outeiro de rei
que soben un 36% con respecto
á ordenanza presentada no Pleno
anterior.
Hermida considera que a corporación
municipal ten pouco respeto
polo Pleno, xa que non
contaron co grupo nacionalista
para a elaboración dos orzamentos
que rexerán o traballo municipal
de todo un ano. Neste
senso, Hermida explica que os
orzamentos do Concello de Xermade
soben nun 7,39%, a pesar
de que a Xunta baixou a súa
achega económica en máis de
oitenta mil euros; polo que entende
que o incremento dos orzamentos
“se deben á suba
desmesurada de impostos coma
o IBI ou os da auga e o lixo”.
A partida dos orzamentos para
os investimentos en infraestructuras
aumentou nun 72% pola
subvención que recibiu o Concello
para a instalación de paneis
fotovoltaicos e que se aproxima
aos 120.000 euros. Pola contra,
o goberno municipal non especificou
que infraestruturas están
programadas, segundo explica
Hermida, como tampouco explicaron
en que van investir a partida
do POS 2012 de máis de
30.000 euros.
A concelleira nacionalista,
María do Mar Hermida, explica
tamén que a maior porcentaxe
de gastos, arredor do 80%, pertencen
ao capítulo 1, o de persoal,
e o 2, o que recolle os
pagos de facturas principalmente.
Nese senso, apunta que
hai case 36.000 euros de facturas
impagadas froito da mala
xestión dos populares que non
aboan á veciñanza os gastos de
iluminación pública.
Hermida conclúe que, deste
xeito, non queda orzamento para
investir en infraestruturas; do
mesmo xeito que lembra que
son os veciños e veciñas do concello
os afectados pola suba de
impostos.
Os alumnos dun curso para guías turísticos
galegos visitan Penas de Rodas
Cincuenta informadorestur
í s t i c o s
profesionais
da nosa comunidadevisitaron
o espazo
de “Penas de
Rodas” o sábado
25 de febreiro.
Esta visita estabaenmarcada
no curso
“Os Santuarios
Celtas” que organiza
a Asoc
i a c i ó n
Profesional de
Guías Turísticos
de Galicia
en colaboración coa Dirección
Xeral de Turismo. O obxectivo
do mesmo era
outorgar competencias aos
Os guías turísticos no lugar de Pena de Rodas
guías na interpretación do patrimonio
galego de orixe céltica.
O concelleiro de Medio Am-
biente e Turismo, Serafín
Vázquez, recibiu aos guías
turísticos na súa visita ao
concello.